|
هرماش --مابين --- التايب ورادوي (هرماش ماش ) السلام عليكم ورحمه الله وبركاته هرماش مابين طارق و رادوي هرماش يذكرني برادوي فقط بان اسم خانته (محور ) هذا الشي اللي يشبه برادوي هرماش يذكرني بـ التايب بحتفاظه بالكره والاستعراض مع فرق الامكانيا ت انت محور الاستعراض ليس لك والهجوم ليس لك مهمتك هي محور الفريق وخط الدفاع الاول صرت مثل الغراب اللي يبي يقلد مشيه الحمامه ولاكنه عجز يقلدها ونسى مشيته عجزت لاتهجم ونسيت مركزك فاضي نقاط سريعه ................. 1- هرماش يستعرض كثير وهو اللي تسبب بالهدف الثاني وكور خطيره اكثر 2- حسن العتيبي مايخلي حركاته وهدف هو المتسبب فيه 100%وليس اول مره 3- دول وش تحس فيه يوم تلعب العتيبي وهو جاي من اصابه وتترك شراحيلي اللي تألق المباريات السابقة النصر- نجران - الفتح - اقول لاتعليق 4- ايمانا لايستطيع ان يمر من لاعب واحد وحركته وحده ذكرني بليلو امبيلو 5- دول يدور العين الفتحه ويلصها (اي يعميها:d) المحياني والفريدي وشلون تطلعهم وتترك اشباه اللاعبين وبعدين ماهو ضروري يلعب ايمانا 6- الزوري مايحتاج اتكلم عنه :to: ولاكن يابو فيصل الشهراني ضروري او اي لاعب حتى لو درجه ثالثه ماراح يكون اسواء من الزوري 7- هوساوي راح نفقدك للامانه عز الله انك حشرت تيقالي وماقصرت والمرشدي بعد ماقصر 8- العربي ثقيل جدا ونتمنى تغييره مع انه افضل الاجانب الموجودين على الاقل يتحرك تلقاه بالصندوق والاطراف ويرجع للدائره وفي الركنيات 9- ايمانا - هرماش ضروري تغييرهم الفتره الشتويه العربي ان كان هناك امكانيه تغييره ولكن اقل من سابقيه الكوري لانستطيع الحكم فلم ياخذ الفرصه ويلعب كراس حربه داخل الصندوق 10 - لاتنسون ان الضغط لم ياتي حتى الان ففي الشهور القادمه سوف تكون عندنا مباريات كثيره جدا اسيا - ولي العهد -- الدوري (زحمه مباريات ) ودول الحين وحنا ماعندنا زحمه مباريات انواع الحوسه الله يعين واعذروني على الاطاله قفله : لعبك ماش يا هرماش |
اي والله انك صدقت هرماش :ranting: اليوم اسوأ لاعب بالمباراة مع الغنام !! يعني هل يعقل دول يلعب بمحورين ويكونون اضعف مراكز الفريق !! يعني الحين صار المحور الهلالي بعد ماكان الاقوى بالدوري صار الآن الاضعف بالفريق :cry: !! الغريب مستوى هرماش اذا كان وحده بالمحور يكون افضل اما اذا وضعت جنبه محور ثاني مثل الغنام القرني يضيع ليش !! هرماش اليوم حتى وان بدأ بكرة الهدف الاول لكنه جاب العيد اكثر من مرة بسبب احتفاظه الزائد حتى تنقطع منه الكرة فالهدف الثاني بسببه !! استغرب برود هرماش فالبرود والاحتفاظ ببعض الكرات مايصلح !! والله حرام اللي قاعد يصير والله يذكرك بالخير يارادوي !! |
جمهور غريب من مباراه وحده حكمت عليه ان فاشل أنا معك ان هرماش اليوم ما كان في مستواه هرماش لاعيب ما شاء تبارك الله محور ارتكاز ويصنع اهداف |
إقتباس:
من مباراه وحده !! هاللاعب ما اقتنعت فيه من ثاني مباراه لعبها اول مباراه لابأس به فرق بين الثرا (هرماش) والثريا (رادوي) مافي مجال للمقارنه |
هههههههههههههههههههههه وش هالجمهور اللي ساعه يقول هرماش تعبان واللي ساعه يقول العربي وشوي يحول على ايمانا الحمدالله بس اننا الاداره ماتمششي على كلامممكم وبعدين على طاري عدم نزول شراحيلي يكون بعللمك شرايحيلي كان يعاني من الم بأسنانه وتم استدعاء الحارس الثالث للهلال ياخواني ليسس هكذا نعالج الاخطاء هرمااش جدا جييد لكن للحين اصبرو شوي والله حنا احسن من غيرنا فوزنا بالمباراه الجايه وتعادل الشباب بنتصصدر او حفاضنا على المركز الثاني امما العربي صصددقني مالقى وراه لاعب يصصصنع له تحياتي لك ولاتزعل من كلامي |
على الاقل هرماش أفضلهم انا اتمنى يطيرون ايمانا ويجيبون ويلي |
اصلا هرماش مايلعب محور مباراه اليوم واللي قبلها المدرب حاطه وسط متقدم |
إقتباس:
راح نصف الموسم وانت تقول اصبرو والله يالغالي ان اجانب الهلال جميعهم فاشلين ومدرب افشل منهم اما قولك هرماش جيد جدا من اي ناحيه حكم انه جيد كم كورة قطع ؟؟ ويتقدم كثير ولا شفنا منه صناعة هدف او تسجيل او تسديد على الاقل !! ماتعرف تصنع وتساند الهجوم خلك بمركزك اقل شيء ! والله هو السبب الاول في كثرة الاهداف الى تدخل على الهلال اما العربي مالقى من يصنع له !! والله من دباشته وتمركزة الفاشل لاعب بطيء ولا عندة مهارات والشيء الوحيد اللي يشفعلة انة يسجل قدام الفرق الضعيفة !! ان شاء الله يتصحح الوضع وشكرا لصاحب الموضوع والله انك قلت كل اللي في بالي |
أقول نآمو وكبروآ المخده انتو مآشيين على ( يوم ليك ويوم عليك ) البلآ مو في اللآعبين البلآ في السبآك دول هرمآش ممتآز |
إقتباس:
ليته يوم ليك ويوم عليك المشكلة ان كل الايام عليك يعني ولامباراة قدم الهلال واجانبه ومدربه مستوى مطمن ؟؟ وبالنسبه لي ماحولي نوم :s4s: |
مع إحترامي لك ولـ رأيك لكن أختلف معك في عدة نقاط : عادل هرماش ممتاز دفاعياً لكن واضح إنّ المدرب معطية أوامر باللعب محور متقدم مع وجود الغنام محمور دفاعي و هذا واضح جداً لأي مشجع هلالي . الزوري قدم مستوى لا بأس فيه دفاعياً و هجومياً , الشغلة مش إنتقاد إنتقاد سواء قدم اللاعب أو مآ قدم مستوى .. الإنصاف مطلوب .. بالنسبة لـ دول وحسن العتيبي , قالوا لك إن شراحيلي يعاني من آلالام في الأسنان , لاتظلم المدرب .. الهلال يحتاج تغيير للمدرب لأنه بلا هوية تكتيكية أبداً و أيضاً لـ لاعب جناح سريع ومهاري و مهاجم بديل للعربي يكون من مميزاته ( سريع مهاري ويلعب خلف المهاجمين ) لأننا نملك لاعبين صندوق .. مثل بسيط : فالديفيا لاعب العين سابقاً .. أشكرك .. |
لا اوافقك رأيك اطلاقا هـرماش افضل اجنبي بالهلال ومهاري وعنده نزعه هجوميه ويجيد الدفاع لكن كل لاعب وحسب توجيهات المدرب |
مع احترامي لكـ .. ي الغالي كل الي اقدر اقوله ... مع نفسسسسسسسسسسسسك |
مشكله هرماش والعربي انهم يحاولون يسعدون بعض ع حساب الفريق |
هرماش كان معه كرتين وخايف من الكرت الثالث !! شراحيلي كان عنده الم بالاسنان عشان كذا استبعده والشمري غايب عن التمارين مدري وش نوحه بعد هوو ** مباراة امسس مأساة وربي من متئ نتمنى التعادل ؟؟ الله يستر من الجاي |
| الوقت المعتمد في المنتدى بتوقيت جرينتش +3.
الوقت الان » 08:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd