|
توماس دول ! ( مواضيع مدموجة ) السلام عليكم هاردلكم التعادل اللي بطعم الخساره :ranting: كدنا ان نفوز لولا حماقة دول تبديله لعيسى لاعب جاب هدفين وكاد ان يضيف الثالث وكان المدرب يقول مانبغى نفوز خلونا على التعادل ابرك مدرب جبان لا يملك اي مقومات التدريب اتمنى من الاداره الهلاليه ترحيله الان الان خلاص مافيه مجامله ابدا ، اقسم بالله ان التعادل باجتهاد اللاعبين وليس بمجهود المدرب !!! الى متى راح نقعد على هالحال كل مباراة يدينا على قلوبنا لدرجة اننا نتمنها تعادل اتمنى من سمو الامير عدم الدفاع عن دول وسرعة اقالته وجلب مدرب يستحق ان يقود نادي بطولات لا يقبل الا بالمتعة اتمنى رفع الموضوع لايصال اصوات الجماهير لسمو الامير |
دول الى مزبلة التاريخ ارجو من الكل ابدا رايئة السلام عليكم ورحمة الله هارد لك على التعادل شباب من كان برايكم سبب التعادل والادا الشبه ردي انا من رايي سبب تردي المستوى هو مدرب الحواري للاسف نحن نتطلع للاسيوية ولدينا مدرب كهذا للاسف اليوم عيسى ابدع وسجل هدفين ويقوم بخارجة بلاظافة الى الفريدي صنع الهدف ويقوم بخارجة ويبقي العربي الذي لم يقدم ولم يفعل شي في المبارة سوى صناعة الهدف اخ ياقريتس :smilie47: انا لم يضيق صدري على التعادل بل ضاق صدري وبدة احس بالندم على ان هيبة الزعيم بداة تتبخر مع هذا المدرب منذ متى ونحن نلعب مع نجران والاتفاق وايدينا على قلوبناا خوفا من التعادل ليس الخسارة ننتظر الاسيؤية مع هذا المدرب لو في الحلم لن تتحقق |
ارجوووو الرفع من المشرفيين |
ارجوووووووو الرفع من المشرفييين |
اتمنى الرررفع من المشرفيين |
مع دول مش حتنسى البندووول ؟؟!! السلام عليكم ورحمة الله وبركاته أول شيء هاردلك للزعمــــآء المستوى السيء كـآلعاده من مدربنآ السيد دول صراحة للاسف الاميـر عبد الرحمـن بن مساعد خاب ظنه بهالاجآنب كآن ودي يبيضون وجه الامير تغييرات المدرب لا تعليق ؟!! بأختصآر عطووووووووووووو المحياني فررررررررررررررررررصه |
شكرًا دول شكرًا العربي شكرًا إيمانا خلاص مع السلامة &&&&&&& السلام عليكم حتى مدرب الاتفاق يقول الهلال لم يهاجم الا مرتين وسجل الهدفين فقط س / هل هذا الفريق قادر على الآسيوية ؟ ج / بوجود الثلاثي مستحيل نتاهل من دور المجموعات . وأترك لكم أيضاً لكم الإجابات ودمتم |
صداع الهلال مع دول ... يجبر محبيه على تناول مزيد من البنادول https://p.twimg.com/AgugkgaCEAA8iNp.jpg نريدها بقوة ياسمو الامير .. مدرب فاشل تكتيكا ً , يلعب الهلال بمجهود اللاعبين آسيا تريد مدربين عالميين ومميزين .. |
وش سالفة دوووول بالعربي :( بصراحة بدووون مقدمات المدررب فاشل اقرب تذكرة ويروووح يعني بصراحة العربي اكثر من مباراة ولا سوى شي وباعتقادي الشخصي الكوري يووو افضل منة بالف مرة العربي ثقيل ولا في راسة نص مهاره وكل مباراة يلعبة اساسي ولا يغيرة والعربي ماعندة شي واذا سجل يسجل من كووور مقشرة اتمنى انة اول المغادرين في الانتقالات وياخذ معاه المفلس دووووول وجهت نظر خاصة واتمنى تحترمونها تحياتي :alzaeem: |
دول بالعربي مانبيك اطلع من الباب الكبير او الصغير بس اطلع مانبيك بسم الله الرحمن الرحيم خلاص خلاص خلاص طفح الكيل اقسم بالله اليوم اول مره اكتب ونا كلي غضب وذهول ابي اعرف الى متى ياسمو الامير عبدالرحمن بن مساعد وهذا المدرب قاعد يلعب بتاريخ الهلال والله ماشفت الهلال باهالمستوى الهزيل كني قاعد اشوف اشباح تلعب في الملعب لا تكتيك واضح ولا هجمه منظمه زي الناس قاعدين نلعب على الهجمه المرتده لا ولياقه معدومه وبطئ غريب مدري هو يدربهم ولا قاعد يأكلهم مفاطيح معليش قاعد أتريق بس والله من حر مافيني والله قاعد أكتب ونا انتفض من الغضب والحسره يعني لاعب يسجل هدفين تغيره يادول وين عقلك كيف قريت المباراة ودي أحد يوجهله السؤال تكفون وهل هو مدرب فعلا انا مدري بس شفت الفريق بدون مدرب الي ابي اقوله ياسمو الأمير الله يخليك لنا مانبي المدرب قبل تصير كارثه في الفريق الله يخليك نبي مدرب على مستوى عالي يطلع الفريق من النكسه والوضع المزري الي نشوفه على فكره أنا اعتبر الاتفاق فايز هدف لم يحتسب بسبب التسلل وهو هدف صحيح من وجهت نظري خلونا حقانيين والله حتى التعادل زي الهزيمه هذا مو طموحنا والله حسسوني اللعيبه انهم يلعبون قدام برشلونه مع احترامي للأتفاق بس هو فريق يحترم وكان يستحق الفوز بكل جداره خلاص طفح الكيل صبرنا كثير ما صار شي واضح أن السيد دول مفلس ماعنده شي يقدمه اكثر من ماقدم وايمانا بعد ياخذه معه خلاص كفايه مجاملات احترقت اعصابنا وكفايه تطبيل الوضع في الفريق مايطمن كل مباراة اسوأ من الي قبلها فلختام أعذروني على الاخطاء الاملائيه بس والله اكتب ونا ارتجف من القهر وراسي يعورني بسبب دول بروح أكل بندول والله مأمزح راسي يعورني ودمتم زعماء |
اسف على الاطاله ردودكم :) |
برى يا دول السلام عليكم هاردلك على التعادل اليوم والمستوى السيئ :ranting: اليوم شفنا المستوى السيئ والتغييرات من المدرب شي يقهر صراحه الوسط ضايع مره :s5s: بغياب الشلهوب وايمانا احتياط اول المباراه والهجوم العربي اليوم ماكان بالمستوى المطلوب والله ستر بوجود المحياني :smilie47: الي انقذنا من خساره قويه والمحاور ماشفنا الغنام في المباراه غايب هرماش ماقصر الصراحه والدفاع اخطاء كثيره من المدافعين والمحاور :mad: هوساوي ماقصر قدم مستوى ممتاز لحاله الي بالدفاع والتغييرات خروج نامي اول المباراه اتوقع لخبط اوراق تاموس دول والتغييرات الي اخر المباراه خروج الفريدي والمحياني ودخول الكوري وايمانا :mad: والعربي يلحق كور من وجهة نظري المدرب اخطا اليوم في التغييرات والتشكيله وينك ياسامي بسس :smilie47: والجايات احسن ان شاءالله والدوري باقي عليه وهاردلك على التعادل :cry: |
خلآآآآآآآآص آخر العلاج الكي + احترقت أعصابنا فكونا من دول بسم الله الرحمن الرحيم في آخر موضوع كتبته بعد مباراة نجران طالبت بإقالة المدرب و لكن لا حياة لمن تنادي (أهم شي مدرب طموح و رخيص) !! انظروا ماذا فعل مدرب الاتفاق (المعروف) !! للأسف .,., تابعت المباراة من الملعب في الشوط الأول و خرجت بعدها لأنني لم أستطع إكمال المباراة بهذا المستوى ( اللي يرفع الضغط ) و حفاظاً على صحتي التي أشعر أنها ستسوء مع دول (الله يرحم أيامك يا قريتس) فضوى تكتيكية فضوى تكتيكية فضوى تكتيكية فضوى تكتيكية لا تدري ماذا يريد الهلال من المباراة و لا تدري كيف يلعب الفريق !! أهو يهاجم؟ يدافع؟ يلعب على الأطراف؟ يعتمد على الكرات الثابتة؟ يهاجم من العقم؟ يريد إرسال كرات طويلة؟ لا أدري لا أدري لا أدري لا أدري حاولت أعرف ملامح الهلال و عجز عقلي و أيقن قلبي أننا لن نذهب بعيداً مع هذا المدرب الجمهور الهلالي كان قد مليء الجزء المخصص له ليجلس طوال المباراة على أعصابه انخفاض عام في مستوى الفريق و اللاعبين إنعدام للروح عدم ظهور شخصية مدرب لا توجد مجاراة للفريق الاتفاقي لكثير من الفترات حتى أهداف الهلال إجتهادات لاعبين يبدأ المباراة و اثنين من اللاعبين المحترفين في مقاعد البدلاء !! ثم بعد ذلك يخرج صاحب الهدفين و صانع الهدف الثاني !! لحظتها شعرت أنه يريد أن يدمر الهلال بقصد أو بدون قصد ,,, مستحيل أن يفكر مدرب مبتديء حتى بهذه الطريقة كم أنا حزين على ما رأيت و لن أرى الهلال بعد اليوم طالما هذا الألماني يدير الفريق ,, أريد أن أحافظ على صحتي ,, أريد أن تبقى مخيلتي مُسيطرة بهلال قريتس يا إدارة الهلال من فضلكم كفاية مقالب و فلسفة زائد ليكنز + الحسيني + كالديرون + دول = قمة الفشل قريتس = الناجح الوحيد و مع ذلك لم يتعظوا بنجاح شخص باسمه و لم يفكروا أن يحضروا شبيه له (مدرب معروف و له تاريخه) المدرب الذي يجب أن يكمل الهلال معه هذا الموسم هو باوزا باوزا و إن لم نستطع إحضاره قريتس قريتس و إن لم نستطع يوردانسكو (بطل الآسيوية) و إن لم نستطع و آآآآآآآآآآآآآآآآآآآآآآآآآآآآآآآآآآخر الحلول سامي الجابر و مساعده فيصل أبو اثنين و إن لم نستطع نجلس من دون مدرب أحسن Canada's gallant |
تـــومـــاس دول يهـــدم عمل الأدارهــ ! بسم لله الرحمن الـــرحيم يا هلال تحكي عنك اجيال واجيــال... عـشق تنامى من سنين الـطـفـولـه يبقى الهلالي ذوق في كل الاحوال... من مستوى ذوقه تحدد ميوله ميوله هـل الـــهـلال وهـلـت افــراح وامــال... والـفــوز تــقــرع فـي الملاعب بطوله للــفــن و الـامـتــاع رقـصـــه ومــوال... ازرق وابــــيــــــض صـفـقو واهـتفو له بـكـ يــادت اجـيـال عـلـى قـبـر اجيال… انـــجـــازهــم مـــا كــل نــادي يـنـوله نـادي سعـودي عالمي واسمه هلال … نــادي ولـهـ عـشـاق فـي كـل دولـه صباح \ مساء الخير عليكم مبروك عليكم التعـــادل : ) الهلال الفريق المعروف عنه بطل , الفريق الحاضر بجميع اللقائات بالمستوى و النتيجه و المتعه , هلآلنـآ يأكل الفرق واحدآ تلو الاخر , لكن هذا الموسم يأكل الفرق من دون نفّس ! خلل فني بالفريق تباعد اللاعبين عن بعض ! ما فيه تكتيك معين , تشكيله تختلف من مباراه لأخرى الى متى ! [ ايمانا , يونج سو , العربي , هرماش ] محترفينـنا على قيمه عاليه , لآكن ما وضفو بالشكل المطلوب رغم انه قدمو مبارايات حلوه , عبدالرحمن بن مساعد , قدمت الكثر و الكثير للهلآل عمل أحترافي كبير جدآ , و لا اتمنى ان ينهدم عملك و طمووحك بالبطولات و بالأخص الاسيويه مع هذا المدرب الركيك , ي ليت يبوفيصل يتم تغييره بمدرب افضل منه , فيه أحاديث تقول ان سامي ربما يكون مدربآ للهلآل و من الأفضل للهلال و لسامي يكون مدرب اجنبي ان شاء الله الأداره ادرى بـ أختيار المدربين و اعتقد ان الأغلبيه يتفقون معي ان المدرب مفلس : ) لقـطة الختآم :D http://up.arabseyes.com/uploads/15_12_1113239796161.png http:///Nov11/aSd76110.pnghttp:///Nov11/aSd76110.png |
شوفو وش سوى المدرب في الهلال السلام عليكم ورحمة الله وبركاته هارد لكم يا زعماء التعادل بطعم الخسارة بالنسبه لنا كزعماء صراحة انا دائم متابع للمواضيع وقليل ما اكتب لكن ما كتب الموضوع هذا الا بسبة الحسره على ما يحصل في مستوى الهلال وابغى اختصراها في نقاط : النقطة الاولى : ايام كوزمين كنا نعرف ان طريقة المدرب دفاعية والاعتماد على مهاجم واحد وتقفيل الملعب وطريقة المدرب جريتس كانت هجوميه ولم يكن يعتمد على الدفاع بقدر ما كان يعتمد على الوسط والهجوم ولكن المدرب دول حتى الان وحتى هذه الجوله وانا متأكد من جميع الاعضاء في المنتدى لا يعرف طريقه دول هل هي هجوميه ام دفاعيه :s5s: . النقطه الثانية : هل من المعقول ان يلعب مدرب بمحورين وبمهاجمين من اين لك هذا الفكر الكل يعرف ان اي مدرب يلعب في العالم يلعب يا بمهاجم واحد ومحورين او تكثيف الوسط او يلعب بمهاجمين وبمحور واحد لكن انك تلعب بمهاجمين وبمحورين وتفضي الوسط هذي يدل ان المدرب ما عنده فكر ولا قراءة للفريق . النقطة الثالثة : بالنسبة لتغيير انت مطالب بالهجوم ثم الهجوم لكي تحصل على الثلاث نقاط مع المحافضة على الدفاع انك تخرج الغنام وتخلي هرماش محور غير متقدم وتخلي الفريدي مع ايمانا والدوسري علشان تمسك النص ويصير عندك النص والهجوم قوي . النقطة الرابعة : بشكل عام من متابعتي لجميع المباريات التي قادها المدرب دول يبين ان المدرب ليس بطموح الهلال لاني من خبرتي البسيطة في متابعتي لدوري الاسباني ولدوري الايطالي ولدوري الانجليزي الاحظ ان الكره الحديثه هي الاهتمام بوسط الملعب وتكثيف وسط الملعب بهذي الطريقة تستيطع ان تدك الخصوم لان عند الهلال وسط نار وخير دليل المدرب جريتس كان يهتم بالوسط وكان يجيب في الفرق الخمسات مع انه يلعب بمهاجم واحد وحتى المهاجمين في ذالك الوقت في ايام جرتيس لا يعتبرون بمستواهم المعروف كما الان يوجد دكه مهاجمين جيدين . النقطة الخامسة والاخيرة : انا اشوف بعض الاعضاء يلومون بعض اللاعبين والمحترفين الاجانب وانهم مش متحمسين ومش بالمستوى وانا من وجه نظري لو ميسي لعب للهلال ومدربه دول سيفشل ميسي لان المدرب ليست له خطه في المباراة وليست له تشكيلة معينه في المباراة ودائم اعذاره المنتخب طيب ليش الانديه الثانية ما قالو المنتخب . |
| الوقت المعتمد في المنتدى بتوقيت جرينتش +3.
الوقت الان » 12:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd