|
ردي على شاعرة النصر الجفول كما ادعت تهجمها على نادي الهلال اتمني تعجبكم مشاركتي البسيطه والمتواضعه ردي على شاعرة النصر الجفول كما ادعت تهجمها على نادي الهلال هذي ابياتها سلم على الحكام بيض الأيادي يامعدي السبعين لاباس لاباس يوم النصر يلطمك بين الثنادي روح شبابك ماتهنيت بنعاس ويوم انها صارت بليا حيادي ولاعاد به عدل ولا عاد مقياس عادي تحدى بالزمان الرمادي بس الأكيد إنك تذكر هكا الراس وأهدافها اللي فعلها غير عادي صواعق حطت بكم كل وسواس دور لها فيكم قوي ريادي أتعب خطاويكم إلى قطع الأنفاس وكمل عليكم بالجنون القيادي الذيب الأمعط منبع الفن، الألماس ...... وهذا ردي عليها كتبت انا الابيات من قدح راسي .... من بعد شفت ابيات من بعض الانجاس ناس لها بالكذب حكي وماسي .... ولانكر عليك الكذب والعرق دساس هذي الجفول اليوم تنعق وتأسي ... ببياتها الي في سبق مالها ساس تنقد على شاعر زعيم النوادي ..... وتقول عمرك فوق سبعين لاباس حتى ولو عمره تعدي وزادي .... يعشق هلال العز عشق بلا قياس حيلة ضعيف النفس دايم يبابي ... لامن خسر ناديه باليل يحتاس صارت مشاكلكم على كل نادي ... وظلمتو الحكام من كل الاجناس لو نذكر ايام السنين الخوالي .... اهداف سامي وقفت كل الانفاس واليوم ناديكم يهاب ويخافي .... من الهلال الي اصابك بوسواس |
قصيدة شاعرة النصر(الجفول) ضد الهلال وردي عليها قصيدة شاعرة النصر الجفول سلم على الحكام بيض الأيادي يامعدي السبعين لاباس لاباس يوم النصر يلطمك بين الثنادي ______ ردي عليها بكلمات مختصرة _________ من سب نادينا ترى اليوم غادي هذا زعيم الارض تشهد له الناس ويشهد له التاريخ هذا وكادي امدونٍ من عام جدي بقرطاس هذا زعيم الحرفنه والنوادي هلال هل وفعله اليوم نوماس شعر /كلمات زرقاء </B></I> |
شاعر متمكن ماشاءالله عليك .......بالتووووووفيق لك في مجالك...... |
فالك البيرق صح لسانك شاعر جزل |
الهلالي نادر وكلمات زرقاء صح الله لسانكم والله ياهالنصراويين مابلاهم الا هياطهم عنبوشيطانكم بكل جنسيات الحكام دقينا خشومكم دق وللحين مخلينهم شماعة |
القافيه ادي وأس وانت غيرت القافيه الله يحفظك على العموم لاهنت وصح لسانك |
صح لسانك وجاه ماكفاه وهذا نتيجة من يتعدى على الغير ياخي خلوكم بناديكم مشغلين انفسهم بهالزعيم لكن مقيوله لايرمى بالحجر الا الشجر المثمر .................. |
s13s يمقن الحكم ساعدنا :ap: ويمقن لا :to: ردي صغير جداً حكام سعوديين و ساعدو الهلال حكام اجانب ونفس الشي باقي نطلب حكام نسائى :yes: سؤالي الحكم جاب سعد الحارثي الحكم سبب المشاكل فى النصر يمقن الحكم سبب فى اخفاقات العالمي :ap: يارب رحمتك بس |
صححححح لسآآنكـ فديتكــ والله :smilie47:... يسلممم رآآسكـ :smilie47: (واليوم ناديكم يهاب ويخافي .... من الهلال الي اصابك بوسواس) الجفول هههههههههههه يآ توحفهههه :laugh: |
ههههههههههه تراها في النهايه كوره |
كفيت ووفيت بيض الله وجهك ومحسودين الهلاليين ان بغوها بالملعب ماقصرو الاعبين وان بغوها بشاشات عندنا ارجال مثل الروقي والجاسر وان جت لشعر انتم اهلها فشكرآ لكم على سد افواههم الصغيره |
صح لسانك وبيض الله وجهك كفيت ووفيت وماقصرت وسديت كل الأفواه _________________________________________ حيلة ضعيف النفس دايم يبابي ... لامن خسر ناديه باليل يحتاس صارت مشاكلكم على كل نادي ... وظلمتو الحكام من كل الاجناس (..والله انك جبتها على الجرح ما اقول الا بيض الله وجهك..) الى الأمام يا شاعرنا |
إقتباس:
يعطيكـ العافيه على هالرد المٌلجم للمدعوه الجفول :s2: |
صح لسانك وانا والله اقول يارب لك الحمد والشكر بجد النصراويين مرضى ياخي شاعرنا الكبير لم يغلط على ناديكم بل قال الحقيقه وهو الفرق بينا وبينكم البطولات لكن الحقيقه مؤلمه يانصراويه اما انت يالجفول الله يصلحك تعيبين على شاعرنا بالكبرى وليس عيبا والله اعلم كم عمرك انتي حتى ولو عمره تعدي وزادي .... يعشق هلال العز عشق بلا قياس حيلة ضعيف النفس دايم يبابي ... لامن خسر ناديه باليل يحتاس روعه ماشاء الله |
صلح لسانك ولا عدمانك يالذيب ولا يهون اخونا كلمات زرقاء تسلمون جميعاً |
| الوقت المعتمد في المنتدى بتوقيت جرينتش +3.
الوقت الان » 02:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd