نادي الهلال السعودي - شبكة الزعيم - الموقع الرسمي - الخلوق عبداللطيف الغنام + الداهية توماس دول ... صور متحركة + فيديو .؟؟؟

نادي الهلال السعودي - شبكة الزعيم - الموقع الرسمي (http://vb.alhilal.com/index.php)

- منتدى الجمهور الهلالي (http://vb.alhilal.com/forumdisplay.php?f=28)

- - الخلوق عبداللطيف الغنام + الداهية توماس دول ... صور متحركة + فيديو .؟؟؟ (http://vb.alhilal.com/showthread.php?t=1063302)

روكي19

13/12/2011 02:40 PM

الخلوق عبداللطيف الغنام + الداهية توماس دول ... صور متحركة + فيديو .؟؟؟

بسم الله الرحمن الرحيم .

مساء الخير .

شيء غريب ألاحظه من اللاعب عبد اللطيف الغنام في كل مباراة , واللي بيتابع اللاعب بالمباراة جيدآ راح يعرف يدرك صحة كلامي , هاللاعب يموت في شيء إسمه فاولات, يعني أي تداخل مع لاعب تلقاه يرتكب فاول وبكل حماس وجدية يمسكك اللاعب, والمشكلة إن اللاعب خلوق ومحترم , لكن يعيبه إرتكاب الفاولات وبقوة , بعيد عن المرمى او قريب , والله العظيم إني أتمنى العربي يرجع يلعب محور ولا يكون الغنام اساسي . هذي صور ولقطات بسيطة للاعب وتدخلاته الغريبة :

http://center.jeddahbikers.com/uploa...3237752321.gif

http://center.jeddahbikers.com/uploa...3237752322.gif

http://center.jeddahbikers.com/uploa...3237752323.gif

أنا المتوفر عندي حاليآ هذي اللقطات , لكن مو علشانه قدام الاتحاد , أرجعو لمباراة نجران قبل 4 أيام وشوفو هدف نجران , كان لاعب نجران معه الكورة ووراه الغنام وخايف من إرتكاب الفاول , وسبحان الله خش عليه الغنام وأرتكب فاول ولعبو الفاول بسرعه وجاء هدف نجران :s5s: هذا اللي يخوفني من الفاولات اللي ترتكب من لاعبين الهلال كلهم وخصوصآ القريبه من المرمى .حتى هدف الشباب الاول على الهلال ببداية الدوري كان بسبب إرتكاب فاول عند المرمى ولعبوه بسرعه وسجلو الهدف .لكن الغنام إذا لعب قدام الاتفاق تابعوه وراح تشوفونه يرتكب فاولات غريبه وبقوة . يعني تمنيت بعد مارجع من الاصابة قلت ان شاء الله تغيرت طريقة لعبه وإرتكابه للفاوللات بشكل غريب . لكن للأسف للحين على ماهو .

توماس دول .؟؟؟

الجميع يقول إن المدرب مو بحجم الهلال لأنه ماقدم شيء يذكر مع الهلال , من ناحية المستوى .وأنا بعد أشوف أنه ماقدم شيء من خلال المستوى , لكن هي مباراة واحدة إذا تابعتها أتمنى بقاء دول مع الهلال وتطبيق الطريقة اللي لعبها هالمدرب , جيريتس قدم مستويات ونتائج كبيرة ووممتازة , وكوزمين أيضآ , لكن دول لعب مباراة واحدة مجنونة ماقد شفتها مع جيريتس وكوزمين, والله العظيم ماقد تابعت الهلال بهذا المستوى و( الطريقة ) إلا بمباراة الأهلي 4-0 .والغريب إن المدرب من بعد هالمباراة ماعاد شفناه يلعب بنفس الطريقة والمنهجية اللي لعبها أمام الأهلي .يعني مو مجرد مباراة ونتيجة كبيرة , الهلال فاز على الاتي 5-0 والنصر 5-3 وغيرها من النتايج والمستويات الكبيرة ’ لكن هالمباراة فيها تكتيك أول مرة أشوفه بالدوري السعودي ويمكن باسيآ بكبرها , يعني مباراة تكتيكية من الدرجة الممتازة , إذا توماس دول راح يطبق هالطريقة في مبارياته القادمة قدام الاتفاق والاتحاد وبمشاركته الاسيوية ,متفائل إننا بنحقق الاسيوية وبسهولة وبنتائج تاريخية .

شوفو هالمقطع وكيف لعب المجنون دول قدام الاهلي :

( أتمنى كتم الصوت , يوجد موسيقى ) .

http://www.youtube.com/watch?v=XZBjuNot_Ek

روكي19

14/12/2011 03:17 AM

........................................................

زعماوي 10

14/12/2011 03:33 AM

بالنسبه للغنام لا تعليق

بس لا بد وجوده بالنادي اوقات الازمات يعني

اما دول انا غيـر معجب فيها اطلاقا

لكن دول امامه فـرصه كبيـره امام الاتفاق و الاتحاد ..

انشوف مع بعض دول شو راح يعمل

لكن مو نتكلم عن الفوز فقط فوز + مستوا

مستوا + خساره مو مشكله

اهم شيء المستوا يكون حاضر

صدى الكااسر

14/12/2011 03:38 AM

موضوعك سلييييييييييم ورائع جدا

اتفق معك بخصوص دول والغنام

HiLaLy 4 EvA

14/12/2011 03:49 AM

الغنام مبدع بس زي ماقلت عيبه ارتكاب فاولات كثير مايعرف يتخلص الكوره بدورن خشونه

اما بخصوص دول باقي له مباراتين اذا ماثبت نفسه فيهم ماتمنى يبقى بالفريق

روكي19

14/12/2011 03:54 AM

إقتباس:

الرسالة الأصلية كتبت بواسطة HiLaLy 4 EvA (مشاركة 19279591)

أثبت نفسه او لا ,رحل أو بقى , أهم شيء الطريقة اللي لعب بها قدام الأهلي مجنــــــــــــــونة , والله هالطريقة تجيب اسيا وتجيب العالمية بعد .يعني إذ بقى أتمنى يطبقها وإذا جاء بعده مدرب أتمنى يطبقها .

bret1234

14/12/2011 03:56 AM

الغنام إصاباته كثيره

لاكن إن شاء الله يتوفق

ويرجع لمستواه

وهو محور جدا ممتاز

ولاتنسى من دورة الخليج في اليمن وهو في إصابات مستمره

RONALDO ABHA

14/12/2011 04:01 AM

عبد اللطيف الغنام لاعب رقم 2 يعني لاعب طواااااااااااارئ بصراحة هذا اللي احنا قاعدين نشوفه

وق وق الدوسري

14/12/2011 04:03 AM

الغنام ممتاز بس اصباته كثيره

ابو راكان @ الهلالي

14/12/2011 04:04 AM

استغرب جداا ايش الهدف من هذي المواضيع في هذا الوقت غريييبة.....
ياخي الغنام ماله مباراتين يلعبها بعد الاصابة وجالس تنتقده بصورتين ياخي ادعموا اللاعبين لانهم يحتاجون الدعم منا .... اما دول ستثبت الايام انه مدرب قدير
ودمتم بالف خير

iYousef_93

14/12/2011 04:06 AM

من جد الغنام اتمنى يغير اسلوبه لانه ياخذ بطاقات صفراء مالها اي داعي ..

يعطيك العافيه يابعدي

aussie aussie

14/12/2011 04:12 AM

اعتقد دول وده يطبق تكتيك معين و مانجح الى اللحين ولكن قدام الفرق ذات المستوى المتوسط

روكي19

14/12/2011 04:25 AM

إقتباس:

الرسالة الأصلية كتبت بواسطة ابو راكان @ الهلالي (مشاركة 19279635)

أخوي أقرء الموضوع وأفهم وش الزبده منه , مو بس دريت إنه إنتقاد صرت تتكلم وتقول أدعمو اللاعبين ومدري أيش , ياخي رجال عمره حول ال30 وأنت تقولي سانده وادعمه ووجهه , على عيني وعلى راسي الغنام لكن أنا أقصد اللاعب فيه عاده سيئة وغريبة من قبل هالمباراة وقبل إصابته بسنوات وأنا أتباعه مع الهلال من أول ماجاء من الشباب , ووضحتها بالصور الموجودة عندي , وذكرت آخر مباراة له وش سوى , ولو تبيني أزيد من الصور ما عندي مشكلة ’ بس قروشة يبي لها تحميل مباراة كاملة وقص لقطة , الزبده أرجع لمباراة الهلال والتعاون أو الهلال والرائد السنة اللي طافت الدور الاول , الزبده المباراة ببريدة ’ أقسم بالله أنه سبب فاول وهو ساقط على الارض , والله إني أذكر هاللقطة الغريبة , لكنها مو موجودة عندي , يعني الغنام كان طايح على الارض ومر من عنده لاعب ومسكه برجله وهو طايح , يعني غصب يرتكب فاول , وفيه أكثر من مباراة , وإذا ما اقتنعت بكلامي تابع مباراة الاتفاق بكره وبتشوف بعينك , وبتتاكد من كلامي ,لكن أهم شيء أنتبه للاعب , مو إذا سجل هدف أو أنقذ الفريق من هدف تقول اللاعب ماقصر ومدري أيش , اللاعب سلبياته كثيرة , وبكل موسم يكون إحتياط لعزيز أو رادوي أو هرماش , يعني كلنا نعرف الغنام جيدآ .

[ سلطآإن,آلروقي ]

14/12/2011 04:49 AM

خل الغنام ..

موضوعك رائع

~عاشق الثنيان~

14/12/2011 07:21 AM

اتمنى الاعتماد على" القرني" لاعب موهوب وصغير في السن عكس "الغنام" اصاباته كثيره ولايمكن الاعتماد عليه..

اما بالنسبه للخطه ملاحظتك في محلها..بس اعتقد اللي نجح التكتيك الادوات الموجوده في خط الوسط القرني ..الفرج..الفريدي..الشلهوب..بالاضافه للكوري.

القرني ارتكاز رائع في الاستلام والتسليم والفرج كان يربط بين الوسط والهجوم..وتفرغ الشلهوب والفريدي لصناعة اللعب..وعودة الكوري لمساندة خط الوسط..

يعني باختصار للسيد دول ابتعد عن المجامله ولاتنظر للاسماء..
تسلم..

جوهر 2005

14/12/2011 07:28 AM

من الظلم ان الغنام لا زال موجود بالهلال
وعمر الغامدي تتم اعارته للشباب

عبداللطيف الغنام اعتقد كان المفروض تنسيقه من الهلال
بعد الخطأ الشنيع الذي ارتكبه امام الاتحاد في كاس الملك
والهدف الذي سجله باولو جورج بخطأ لا يقع فيه اي لاعب مبتدى
وهذا الهدف للتذكير

‫الهلال والإتحاد 0 - 3 هدف باولو جورج - كأس الملك‬&lrm; - YouTube

واثق الخطوة 9

14/12/2011 07:46 AM

أنا مستغرب كثير من الغنام
لأن سبق لعبت معه في الحواري وكنت أجيبه دايم يلعب معاي
والغريب انه كان في قمة الإمتاع مو أنا بس اللي يحكم عليه كل من يعرفه
وكان مكانه خلف المهاجمين وربي مرعب والله مرعب أقسم بالله مرعب
فرحت لما جاء للهلال وصعقت لما لعب في الشباب والهلال في غير المكان المحبب له

معشوق الهلال خالد

14/12/2011 07:57 AM

الغنام يفك ازمه
يعني يصلح احتياطي
وقت الاصابات او الكروت..!
اما دول
فمباراة الاهلي
مجهود لاعيبه لاكثر لو مدرب غير هذا السباك
كان النتيجه سته صفر او سبعه صفر
علما ان الاهلي لعب الشوط الثاني بدون دفاع ..!
جفين البيشي وطلعه مدرب الاهلي
وكامل الموسي مو قلب دفاع..!
وهدفنا الثالث والرابع
الاول ركلة جزاء والثاني ركلة زوايه ..!
باختصار مدرب نكبه
ملاحظه..
اتمني الاطخم اللي في توقيعي الشهراني
ان الناقور يجيبه لنا ولاينسى وعده الشهير
(لن يهدي لي بال حتى ارى الشهراني بشعار الهلال)

.. M a N U t D ..

14/12/2011 08:48 AM

إقتباس:

شيء غريب ألاحظه من اللاعب عبد اللطيف الغنام في كل مباراة , واللي بيتابع اللاعب بالمباراة جيدآ راح يعرف يدرك صحة كلامي , هاللاعب يموت في شيء إسمه فاولات, يعني أي تداخل مع لاعب تلقاه يرتكب فاول وبكل حماس وجدية يمسكك اللاعب, والمشكلة إن اللاعب خلوق ومحترم , لكن يعيبه إرتكاب الفاولات وبقوة , بعيد عن المرمى او قريب , والله العظيم إني أتمنى العربي يرجع يلعب محور ولا يكون الغنام اساسي . هذي صور ولقطات بسيطة للاعب وتدخلاته الغريبة :

فرد العضلآت آمر غير مستحب ب آتقبل وجهة نظرك , لكن يجب آن تكون عقلآني فيهآ .. عبداللطيف الغنآم من آكثر الاعبين ثقآفه دآخل الملعب
لقطتين فقط اللي آنت جآيبهآ .. لقطة نور كآنت الكوره في المتنآول بس نور ذكي جدآ .. آمآ لقطة زيآيه ف هي اللي تتكرر من عبداللطيف , و هو مآ يسمى ب الخطآ التكتيكي .. و آنت آكيد مآ تجهل هالمعلومه
آللي آثق فيه آنك لو تعود للمبآرآه ب تلقى ان الخطآ كآن موفق جدآآ من عبداللطيف ..
على رسسلك قبل آي حديث ..

moon-laht

14/12/2011 08:55 AM

بالتوفيق للهلال

الغنام لاعب كويس
اتمنى يطور مستواه

بن جبله المطيري

14/12/2011 09:34 AM

الغناااااااام كثثير الاصااااااابات الله يشقيه ,,

هلالـــــ سعيا ــــي

14/12/2011 10:14 AM

اقوووووول الله يسامحك
الغنام لاعب مميز لكن الجمهور كذا يرفعون باللي يبون ياخي اللقطات اللي جبتها والله دليل كبير على احترافيته

عمر باهرمز

14/12/2011 01:53 PM

الغنام لاعب خلوق لكن أظن إنه آخر عقد له مع الهلال........

سلطان العودة

14/12/2011 03:41 PM

عبداللطيف الغنام من وجهة نظري اللاعب إنتهى بسبب ((( الإصابات الكثيرة )))

والله يوفقه مع هلالناا اللاعب الخلوق

والله يكتب اللي فيه خير للهلال

روكي19

14/12/2011 03:47 PM

إقتباس:

الرسالة الأصلية كتبت بواسطة .. M a N U t D .. (مشاركة 19280117)

لا تاخذ الكلام الي تبي وتترك الباقي , أنا ذكرت لقطتين غير اللي مع الاتحاد , وقلت اللي متوفر عندي بس لقطتين , ذكرت مع الرائد وذكرت قبل 4 ايام مع نجران , وأذكرك بكره بجيب لك كم لقطة من مباراة الاتفاق , وبتشوف الغنام كيف يرتكب الفاولات ( بقــــــــــوة وبغرابه ) ..؟

بدر خالد الشريف

14/12/2011 04:57 PM

الغنام لاعب مميز جدا واتمنى لة التوفيق معنا والله يبعدة عن الاصابات وابتعد عزيزي عن التجريح الان نحن في مرحلة مهمة جدا

لمح البصر

14/12/2011 05:33 PM

اخوي موضوعك جيد ,,,,,,,,,,

انا حبيت اعلق على توقيعك

الدعيع اعتزل عشان كذا صار مايلعل مع الزعيم الا اذا احد قاله اعتزل ولا مانسويلك حفل اعتزال يعني تتهم رئيس الهلال باعتزاله؟؟؟ شكل الدعيع اعتزل وعمره 18

اما الغامدي فوقتها كان الجميع في المنتدى يحش بالغامدي ويقول كبير ومانبغاه وحتى فنيا كان مو اللي تعتمد عليه ....

واخيرا عزيز سامي هو السبب في رحيله ... لان ولد سامي يلعب محور وهو بنفس الخانة فاراد سامي تطفيشه؟؟؟

ههههههههه بالله وش تحس فيه

alkaserr20

14/12/2011 05:37 PM

انا اتفق معك بقوه

تكتيك غير طبيعي

وان معك في انتقادك الايجابي وليس السلبي في نقطة الغنام

لازم الانتقاد الايجابي يحضر

شكراً

roro الزعيم

14/12/2011 05:39 PM

من جد الغنام اتمنى يغير اسلوبه لانه ياخذ بطاقات صفراء مالها اي داعي ..</B>

يعطيك العافيه يابعدي

روكي19

14/12/2011 05:47 PM

إقتباس:

الرسالة الأصلية كتبت بواسطة لمح البصر (مشاركة 19281861)

والله إني ما أقصد سامي لكن كلهم راحو بطرق عادية وبدون مبالغ مادية خصوصآ الغامدي وعزيز , وإذا جينا بنشتري من الشباب يرفضون , أما الدعيع جيريتس قاله حسن العتيبي بيكون أساسي وأعلن إعتزاله , يعني شيء يقهر إن حارس كبير ومن جيل الـ 94 وكان مقدم مستوى كبير ويعتزل بسبب مدرب كبير ..يعني أقل شيء الغامدي نبادله بلاعب شبابي كفو , مو الجيزاني, حتى عزيز المفروض نبادله بلاعب شبابي .

يبقى سامي معشوقي الأول والأخير سواء تسبب برحيل أحد أو لم يتسبب .

عبدالعزيز abdulaziz

14/12/2011 05:55 PM

لو توماس دول يثبت ع هذا الاسلوب يكون افضل مدرب سوى كل شي في مبارة الاهلي .

قصة عشق مع الزعيم

14/12/2011 05:58 PM

إقتباس:

الرسالة الأصلية كتبت بواسطة زعماوي 10 (مشاركة 19279555)

لكن مو نتكلم عن الفوز فقط فوز + مستوا

مستوا + خساره مو مشكله

اهم شيء المستوا يكون حاضر

بأي منطق تتكلم

المستوى الكبير والمميز لايأتي بالثلاث نقاط أبداً

وتذكر النهائي حق شعرة ياسر

الزعيم ماقدم مستوى كبير لكن حقق المهم

( بطولة الدوري )

وهرماش رد عليكـ لمن قال المهم نحقق ثلاث نقاط وليس المستوى

غريب امركـ يهمكـ المستوى ولاتهمك الثلاث نقاط

http://vb.alhilal.com/images/icons/icon1005.gif http://vb.alhilal.com/images/icons/icon1005.gif http://vb.alhilal.com/images/icons/icon1005.gif

يا بعد الدنيا

14/12/2011 06:07 PM

لاعب سيئ و اصاباته كثيره و مانكبنا قدام الاتحاد بالأسيويه الا هو :s3s:

الوقت المعتمد في المنتدى بتوقيت جرينتش +3.
الوقت الان » 05:59 AM.