|
ماذا لدى ايمانا إن يقدمه ............! بسم الله الرحمن الرحيم السلام عليكم ورحمة الله وبركاته .. موضوع للامانه يثير الجدل حول المستويات التي يقدمها اللاعب الكاميروني ايمانا اللذي لم يقدم ربع ماهو مامول منه لاعب للامانه ليس له فايده للفريق ولا ندري ماهي العله في هذا اللاعب اللذي سبب ضجه اعلاميه قبل إن ياتي للفريق وكان الكل يتكلم يقول هو اللاعب المناسب والمنقذ لصناعة اللاعب للفريق للامانه هذا اللاعب لا يستحق ارتداء قميص الهلال لتعاليه المبالغ به على الكوره وعلى الدوري السعودي لاعب لن يفيد الفريق اطلاقاً بل العكس ..! خلونا نرجع للمباريات التي لم يلعب بها ايمانا كان الهلال في افضل حالاته وهذي هي الحقيقه .. لو رجعنا للمباراة الاهلي كان الهلال في افضل حالاته ومباراة النصر ومباراة نجران في الشوط الثاني الهلال كانا يقدم مستويات رائعه في المبارايات التي لم يلعب بها ايمانا وهذا إن دل يدل على إن اللاعب نقطة ضعف على الفريق .. واللاعب للامانه سبب ضغط على لاعبين الوسط وسبب كثرة التمرير الخاطي بالفريق خاصة في وسط الميدان الكل شاهد الكوراة المتناقله في وسط الميدان كلها مقطوعه والسبب الوحيد هو ايمانا وتعاليه على الكوره والحفاظ عليها اكثر من اللازم .... والانتقاد يجب إن يكون قبل فترة التسسجيل لن اللاعب للامانه لن يفيد الفريق كثيراً بل كان هو المتسبب الاكبر في المستويات السيئه التي يقدمها الفريق ..... اتمنى الردود لايكون فيه عاطفه وتطبيل ... |
مسآء آلخير,’ صح كلآمك بس لو ترجع وتشوف اول مبآرآه لعبهآ آيمآنآ مع آلهلال كآن نجم المبآرآه وهي آول مبآرآة له ومن بعدهآ وآلاعب كل مآله يخبط آنآ آحس آنه من آلمدرب وليس ألاعب ولآحظنآ على آلمدرب يحطه مهآجم ثآني وهذآ مهوب محله حط آلاعب بمحله آلمبدع وآلمعروف عنه وبعدين تعآلو حآسبوه آذآ آخطآء آلمدرب رآسه عنيد وصآرم .. ومشكور آخوي على آلموضوع المهم جدآ بصرآحه وهذآ رآيي آلشخصي |
ان شهد انك صدقت اكثر لاعب يحتفظ بالكورة ومن غير اي خطوره ويموت العب |
ايمانا لا وين ودانا هالخال اخذ اكبر من حجمه وبقائه غير مفيد بس وين اللي يبغاهـُ |
يعني هي بس وقفت على مستوى ايمانا الفريق كله بكبره مستواه في نزول:no: |
انا اتوقع راح يسوي شي والصبر زين |
ويلي ويلي ياعيونة نسينا ولي الاشقر متى نجم وابدع في الهلال الخال حطة مكانة وابشر وبعدين اكثر واحد يحب يلعب لعب جماعي هو ايمانا بس لاتلومة اذا هو لوحدة يلعب بجماعي والباقي فردي اكيد بيتطبع بطبوعهم تقبلوا مروري |
يا اخي اصبروا عليه المكان الي عينه فيه المدرب ماهو مكانه ولا شفرناه مع ريال بيتي تكفوووون اصبروا مو على طووول نحكم |
ماعنده الا الخرطي !! بقطعها منكم ولا بزعل ,, ويبغى يسجل هدف علشان يرقص ! |
:rose: الاعب يملك الكثير .. وهو لاعب متميز جداً وحصوله على افل لاعب في دوري الدرجة الثانية للدوري الإسباني خير دليل ورد .. الاعب فقط يعاني من ضعف لياقته بالإضافة الى سوء توظيفه من المدرب فالتظيف السليم مه جداً لبروز اي لاعب .. فالشلهوب عندما وظفه كالديرون بشكل خاطئ .. كان الشلهوب عبئاً على خط الوسط لكن عندما تم توظيف الشلهوب بشكل سليم من المدرب جيرتس .. حصل الشلهوب على هداف الدوري .. التوظيف السليم + لياقة افضل سنرى ايمانا الحقيقي :smilie47: :rose: ملاحظة هامة / اذا كان اغلب الاعبين السعوديين في الهلال مستواهم هابط ولم يقدموا مستواهم المعروف .. والفريق ايضاً مستواه من سئ الى اسوأ .. فكيف نطالب لاعبين اجانب لأول مرة يلعبون هنا بالمستوى ..!؟ |
والله تعبنا مع ايمانا كل مباراة يثبتلنا انه سيئ |
ايمانا لاعب كبير بس اعتقد انه ماوظف التوظيف الصحيح صحيح انه يعاب عليه التفلسف المبالغ فيه اضافه الى الاحتفاظ بالكره لوقت طويل والتمريرات الخاطئه لكن كل ذلك يمكن له ان يتلافاه تحياتي |
أخوي أوافقك الرأي تماما , وأقسم بالله أني قلت رأيي في إيمانا في نقاشات خاصة مع زملائي ووصفوني بالغبي وما أعرف كورة ,, إيمانا لايستطيع صناعة اللعب إطلاقا , ولم يصنع اي هدف من أهداف الهلال في الفترة السابقة سوى كرة عرضية للعربي أمام القادسية ,, لاعب سلبي تماما , لايجيد لعب اللمسة القريبة وتبادل الكور مع زملائه , وعالة على وسط الهلال ,, أتمنى استغلال أي عرض قادم للاعب وجلب قلب دفاع قوي أو صانع ألعاب من طراز عالمي فعلا وليس من شاكلة إيمانا , نريد لاعب يلعب بعقله وفكره وليس بالقوة واللياقة فقط |
إقتباس:
مباراه واحده من عشر مبارايات يعني الرقم ماهو ثقيل شوي عشر مبارايات وابدع في مباراه وحده .. كلنا شفنا لاعبين ابدعوا اول مبارياتهم مع انديتهم بعدها وين راحو لو اذكرك في اللاعب الكوري لاعب النصر لعب اول مباراه قالوا هذا اللي ينقذ النصر وحنا كهلالين نذكر ليلو بينو قلنا هذا خليفة سيرجو وراح يجيب الاسيويه ... وبعدها يالله شفنا له صرفه ... شكراً لك على المرور .. وصدقوني اللاعب حتى لو يجي مدرب ثاني المساله ماهي مسئلة توظيف للامانه اللاعب لا يناسب خطة الفريق اطلاقاً ولا راح يخدم الفريق هو لاعب امكانياته عاليه جداً لاكن فيه تعالي منه لو ماهو متعالي ماكان عاقبه المدرب لاعب بالعربي متعالي جداً على الدوري السعودي |
إقتباس:
شكراً اخوي على المرور اللاعب امكانياته عاليه ولاكن اللاعب مستصغر الدوري السعودي ويحسب انه هو نجم العالم الاول لاعب لا يفيد الفريق كثيراً اللاعب ماهو صانع لعب اللاعب حسب مشاهدتي له يلعب وسط متقدم او مهاجم ثاني وليس له اي صلة في صناعة اللالعاب .. دليل انه ماراح يفيد الفريق الهلال ليس بحاجة لمهاجم ثاني او سط متقدم عندنا ومكتفين مثل الفريدي والعابد والدوسري موجودين ... |
| الوقت المعتمد في المنتدى بتوقيت جرينتش +3.
الوقت الان » 12:21 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd