|
يجب احضار جريتس والمساعد يكون سامي وهذي فرصه لاتعوض لمصلحه الزعيم بسم الله الرحمن الرحيم السلام عليكم ورحمه الله وبركاته وبعد كالعاده لاأجيد الدخول بالمقدمات والكل منا شاهد مستوى لاعبي الزعيم خلال المواجهات السابقه التي خاضها نادي الهلال في دوري زين للمحترفين وآخرها مواجهه امس مع فريق نجران والجميع يتفق على المستوى الأكثر من السيء الذي يقدمه الاعبين في جميع المواجهات بأستثناء مباراه الأهلي والتي كسبناها مستوى ونتيجه والجمهور منقسم الى قسمين نصف مؤيد للمدرب ونصف غير مؤيد والحقيقه مدربنا لم يأتي بأي بصمه تذكر وليس لديه اي اسلوب يرتكز عليه فكوزمين الله يذكره بالخير كان اسلوبه دفاعي ويلعب ع المرتدات والكل يعي الشي هذا وجريتس اسلوبه هجومي مع تنظيم الخطوط الدفاعيه والدليل على ذلك الخمسات الشهيره في عهد جريتس وكلنا أمل في اميرنا وعزوتنا عبدالرحمن بن مساعد في احضار جريتس مهما كلف الأمر من مبالغ لأنك اذا صرفت مبالغ طائله في اجانب مميزين واتيت بمدرب غير كفؤ فلن تجني شيئا وعلى فكره اجانبنا على مستوى عالي بس وين اللي يوضف نجوميتهم ومع احضار جريتس ياليت يكون سامي مساعد له وفي تلك الحاله راح نكون مستفيدين من جميع الجهات اولا:يتعلم من جريتس كيفيه توضيف الاعبين داخل الملعب وفي التدريبات وتعامله الأخوي مثل ماكان يفعل جريتس مع جميع الاعبين الشلهوب وعزوز والعابد والفريدي وغيرهم ثانيا:سامي مثله مثل الأخصائي النفسي فوجوده يرفع معنويات الاعبين ويذكرهم بالزمن الجميل على ايامه وايام الثنيان ومن سبقهم ثالثا:لعله يكون مدرب الهلال القادم بشرط التعلم من جريتس وانا في توقعي راح يكون مثل جوارديلا في البرشا سيستمر في تدريب الفريق لسنوات طويله ويحصد معه بطولات عديده. وان شاء الله نستغني عن دول ونأتي بجريتس نقطه مهمه:جميع المواجهات التي خاضها الهلال وفاز فيها كانت بمجهودات فرديه من الاعبين والمدرب ليس له اي فضل يذكر وانا مادري وش يحس فيه شكله جاي يكون نفسه ماديا ويستمتع بطيحه الهلال التي لانتمناها |
ماضني يجي جريتس مرة ثانية مارااح وهو بيعود حنا نطالب الادارة بمدرب له تاريخ وبطولات موب يجيبون مدرب عاطل له سنتين بالعربي نبي باوزا |
اإاه بس لو فعلا يرجع قيريتس!! بس ماأتوقع! ! المفروض الإداره تدور حل وتجيب مدرب زي الناس مو معقولة من يوم بدا الدوري مافيه اي جمل تكتيكية صح ولا لعب يفتح النفس حتى توظيف لاعيييبه ماعنده!!!يعني لحد الان الهلال مالعب بمستواه المعروف ماعدا مباراة الأهلي!! وياريت يعني يكون الاختيار بدون مجاملات يعني مع احترامي لسامي دايم اختياره يضيع الهلال!! الموسم الي فات كالديرون وقال اراهن على نجاحه ومادري وشو واخرتها صار الي صار والحين جايب لنا دول ويقولون طموح!! معليش يعني الجمهور الحين واعي ويفهم ماعاد في استخفاف بعقولهم وبعد كل مباراه المدرب يطلع ويتعذر بأشياء سخييفه،،، مااقول إلا الله يعدل الحاإاإاآال،،،واسمح لي على ردي الطويل بس وش يسوي الواحد من القهر الي فيه، |
اتمنى إحضار باوزا فعلاً مدرب انتشل النصر من لاشيء لانجوم ولا نجم فايف ستار فما بالك لو يحضر للزعيم مع كوكبة النجوم |
إقتباس:
|
المغرب لن تفرط في مدرب دك المنتخب الجزائري بالاربعه الله يعطيك العافيه اخي |
_ آآه ععَ زمآنككَ ي جريتسسً , آتمنىى يغرونه بآلممآل وآذآ مَ حصصل بآوزآ خيآر ممتآز درب آلنصر وكآن يلعب بلآعبين ( كديش ) وخلآهم يقدمون آدآء رآئع وخذو آلمركز آلثآلث بآلدوري وتأهلوآ لنهآئي ولي آلهعد وآخرجو آلآتحآد من بطولتين متتآليتين مع آلعلم آنه من آفضل ثلآث مدربين بآلعآلم في آستفتآء حصل قبل آعوآم .. |
كوزمين الله على زمانه بس ومير قريتس كم سنه عقده مع المغرب؟ |
اخوي جريتس مايبي السعودية ولاما كان راح وبعدين الهلال هو الي يصنع المدربين مو مدربين يصنعون الهلال لاكن اجانب حاليا مستواهم للاسف مو مرضي عشان كذ1 نشوف الهلال انتصار بدون مستوى تحياتي |
لازم يرجع ايرك جريتس او كوزمين وخصوصا ان كلاهما يعرف الفريق جيدا مع ان جريتس هو الافضل |
تطالب بجريتس ياليت بس مين يسمع انت بس اقنع الرئيس يبعد هالمدرب وجزاك الله خير الرئيس ناوي يخليه على قلوبنا اللين يضيع كل شي زي كالديرون صحنا صحنا وما عبرونا اللين طلع من اسيا بعد خراب مالطا يعطيك العافيه |
اقول كل اللي سواه جيرتس انه عود اللاعبين على اللمسة الواحدة والتحرك بدون كوره وبس ساعده على الامر وجود لاعبين اوربين متمكنين من اللعب بتلك الطريقه عودو لاعبيكم على هالشي وخلاص |
جريتس مرتبط بعقد مع المغرب ومايفرط فيه والعين ماصدقو وجابو كوزمين تبغهم يصتغنو عنه بس لازم الاداره تشوف حل وباسرع شي |
عواااافي اخوي يا ســـــــــلام لو يرجع غريتس حكون اسعد انسان بس المشكله تكمن في صعوبة ايجاد بديل في هذ المرحله من الدوري جميع المدربين المتميزين الان مرتبطين مع انديتهم بس يارب يكتب الي فيه الخير وبتوفيق للأزرق ومحبيه |
جمهور الزعيم لم أتوقع هذا التحسر والجنون على جريتس ! نعم جريتس من أفضل المدربين وغير بالفريق الكثير ولكن ألا تريدون الأفضل ؟ لماذا أغلب إطروحاتكم نريد جريتس نريد رادوي نريد ويليهامسون ؟! نعم هم غيروا الهلال ولهم نقله في كيفيه الإداره الصحيحه والإختيار المناسب ، ولكن نحن نطمح للأفضل دائماً ألا يوجد أفضل منهم فالعالم خلاص ياهم يا الهلال يموت !! ولكن للمعلوميه هناك شي لم يتغير في الهلال وهو طريفة لعبهم حتى بتغيير لاعبين ومدربين طريقه لعبهم لم تتغير فمباراه نجران ليس المباراه الأولى التي نخرج من عنق الزجاجه ، فهاهي مباراه الغرافه أيام جريتس نفس مباراه نجران من عنق الزجاجه ، ومباراه ذوب آهان على أرضنا ولم نستطيع تسجيل ولو هدف واحد فقط ! فطريقه لعب الهلال لم تتغير من زماااااااااااان .. فنحن كجمهور للكيان الكبير الأزرق نطمح للأفضل دائماً ولا نعيش على الأطلال والماضي مثل ربعنا !! ولا تقارونوا جريتس بدول والرجل ماكمل 5 شهور ، فكيف تكون مقارنه كهذه ، فمع جريتس أتينا بالدوري والكأس وكالديرون كذلك ، ولم تكون شي جديد .. |
| الوقت المعتمد في المنتدى بتوقيت جرينتش +3.
الوقت الان » 12:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd