|
هل نامي (اضافة) أم (سد خانة) ؟؟ مساء الخير مبروك الفوز الغير مقنع, ويا خوفي من القادم موضوعي اليوم عن أظهرة الهلال بشكل عام, ومحمد نامي بشكل خاص, وسأتطرق لشافي كذلك كان ودي أرفق مع موضوعي هذا استشهاد بالفيديو, لكن صراحة ما عندي وقت أجمع المادة المطلوبة لكن حبيت أطرح وجهة نظري على عجالة اللي يدقق في تمريرات محمد نامي في مباراة اليوم والمباريات الماضية, يكتشف بوضوح إن المدرب معطيه توجيهات بعدم التقدم إلا أذا كان أمامه مساحات وإلا فالتوجيهات بارجاع الكرة للدفاع أو المحاور بمعنى آخر, واضح جدا إن المدرب طالب من نامي (عدم المراوغة) و (عدم الاختراق) على الإطلاق ربما لعلم المدرب إن محمد نامي لا يجيد هالصفتين تحديدا بينما طلب منه التركيز فقط على الأوفرات العرضية لأن اللاعب يجيدها إلى حد ما وهاذي الحقيقة تحسب للمدرب, وتحسب ضده في نفس الوقت بمعنى إنه تحسب له إنه ما يعطي اللاعبين مهام فوق طاقتهم, ويطلب منهم واجبات على قد مستواهم الفني فقط لكن تحسب عليه إنه يعرف إن اللاعب نامي يفتقر لخاصيتين من أهم خاصيات الظهير العصري (هجوميا), ومع ذلك يصر على إشراكه, وعدم المطالبة ببديل للاعب هالأمر ينطبق أيضا على شافي الدوسري فاللاعب اللي طالبت به الجماهير من بداية الموسم, اتضح إنه ما يفرق كثير عن نامي (دفاعيا) فالفرق بين بنية (نامي وشافي) الجسمانية من جهة, وبنية (هوساوي) كالفرق بين السماء والأرض أظهرتنا للأسف دفاعيا ضعيفين جسمانيا للغاية, مما يجعل باكات الهلال ممر سهل لكل الفرق وهنا بأطرح السؤال اللي في عنوان موضوعي: هل أظهرة الهلال اضافة أم مجرد تعبئة فراغ؟ إن كانت الإجاية بأنها اضافة, فأعتقد إننا نخدع أنفسنا, وان كانت الاجابة بأنها مجرد تكثير للسواد, فأتمنى تكون أحلامنا في حدود امكانياتنا, وأن لا نحلم بالأسيوية كثيرا, على الأقل في الوقت الراهن أتمنى من الإدارة إن تكون تغطية هالخانتين (الظهير الأيمن والظهير الأيسر) على رأس أولوياتهم في الانتقالات الشتوية لأن اذا كان نجران أحرجنا في أرضنا, فأتمنى أن لا نتعرض لإحراج أكبر عندما نقابل الفرق الكورية واليابانية ألا هل بلغت, اللهم فاشهد تحياتي |
اخوي نرفزني توقيعك حيل لان نامي يعتبر الحين من اهم لعيبة الهلال واثبت نفسه بشكل قوي |
الاعب جيد وبدأ يتطور خلك في تخبطات دول ولا الباقي يهون |
والله نامي بدع في المباراة لا تضلموون الاعب |
و الله ياروح نامي و لعبه عندي أفضل من لاعبين كثير و معتبرينهم نجوم في هالفريق و أولهم الفريدي. |
كلمة الحق تقال نامي ما قصر ومستواه في تطور |
إقتباس:
وش فايدة الروح, إذا كان اللاعب لا يملك الموهبة المثل يقول فاقد الشيء لا يعطيه ومهما اجتهد اللاعب, فهو ضعيف دفاعيا, ضعيف مهاريا أنا أعتقد الهلال يستحق من هو أفضل من نامي بمراحل |
إقتباس:
وبعدها تحكم على نامي إذا بقي نامي أساسي, أتمنى ما عاد نفكر في البطولة الآسيوية |
نامي مستواه ممتاز .. وكفاية تهجم على اللاعب وعلى فكره اوفراته حلووووووووووووووووه جدا وبتفيد الهلال اذا اعتمدوا عليه في هذي الناحية ادعموا اللاعب والله في نظري انه من افضل الاظهره في السعوديه ولو انه بنادي ثاني كان فيه جماهير تطالب به |
إقتباس:
وللجمهور وجهة نظره أيضا وأتمنى تتسع صدورنا للاختلاف في وجهات النظر |
اقول احذف توقيعك بس نامي مستواه متطور ماشاء الله وباذن الله يثبت والحمدلله انه تجدد لنامي |
بصرآحه أستغربت أنتقادك لـ محمد نامي وشآفي .. أولاً .. شافي يحتاج لأكثر من فرصه ومباراة لكي يظهر نفسه من جديد ثانياً .. نامي ماقصر اليوم بصراحه لكن بالتحديد .. هل يعقل أن يكون قد أقنعك كل شي في المباراة من الجهاز الفني والتكتيك الذي لعب به دول ومستوى وأداء اللاعبين جميعاً بدون أستثناء لكي تأتي وتنتقد مستوى نــآمي وشــآفي فقط ..!!!! أبداً كلامك مو مقنع .. |
نامي مستواه حلووو وذا وقفنامعه راح يتطور اكثر وكثر سر يانامي وحنا معك |
اخوي بينك وبين نامي مشكلة شخصية ؟؟؟ اليوم نامي من افضل لاعبين المباراة صراحة وبدون مجاملة اتمنى ان يبقى على هذا المستوى الى نهاية الموسم ويتطور الى الاحسن |
- و الله نآمي تتطور مستوآه عن الموسم المآضي بكثيير , لكن تخطبآت السبآك تومآس دول هي اللي سوت دروب بمستوآه .. - الله يعجل بـ إقآلة السباك تومآس دول .. |
| الوقت المعتمد في المنتدى بتوقيت جرينتش +3.
الوقت الان » 01:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd