|
( وش فيكم على المدرب ) .. ( أكيـــلي إيمــانــا أوت ) أول شيء مبروك ع الفوز اللي بدون طعم .. للأسف الشديد فريق بحجم نجران أصبح يحرجنا على أرضنا و بين جمهورنا .. ( مع الاحترام لفريق نجران ) الفريق يعاني فنيا و السبب الأول من وجهة نظري هو اللاعب القضية إيمانا .. ارجعوا لمواضيعي و ردودي في وقت التعاقد مع إيمانا و شوفوا وش كان موقفي من استقطابه .. جلب إيمانا و الاستغناء عن أفضل جناح أيمن بالملاعب السعودية ( ويلي ) يعتبر خطأ كبير .. أوكي مو عيب إن الواحد يخطئ .. لكن المكابرة و الاستمرار في الخطأ مرفوض و مرفوض تماما .. أول خطوة لتصحيح أوضاع الفريق هي الاستغناء عن اللاعب العالة على الفريق و استرجاع ويلي .. أدري .. بعضكم بيقول شوف ويلي مع الأهلي سيء و ما يقدم شيء .. أرد عليه و أقوله أهم سبب لإبداع اللاعب هو تواجده في بيئة مناسبة و يكون مرتاح نفسيا .. و هذا ما يفقده ويلي مع فريقه الحالي .. و بالنسبة لنا .. حنا في أمس الحاجة له في الفترة الحالية .. تدرون إن الفريق ما فيه جناح أيمن .. المدرب جرب في المركز ذا إلى الآن أكثر من 4 لاعبين .. الكوري في مباراة هجر و الدوسري و الشلهوب في المباريات السابقة و هرماش اليوم و ايمانا في بعض الأوقات و لم ينجح منهم أحد .. بكل بساطة لأنه مو مركزهم .. طيب ما دام كان عندنا اللاعب المناسب .. نستغني عنه و نجيب ايمانا اللي يلعب في مركز الفريدي أفضل لاعب خط منتصف خلف المهاجمين في المملكة .. الفرق تجيب لاعبين أجانب في مراكز الضعف عندها مو في مراكز القوة .. الخطوة الثانية هي الاستغناء عن الكوري عديم الفائدة و المقلب و بكل أمانة .. مدري على أي أساس تم استقطابه .. تواجد العربي و المحياني و الحارثي كافي جدا للهجوم .. مع تواجد الجهني و الصانع في الأولمبي .. طبعا بديل الكوري يكون مدافع آسيوي .. سواء رحل هوساوي أو بقى .. إذا بقى يكون هو و الأجنبي أساسيين و المرشدي احتياط .. و إذا رحل و هذا المتوقع سواء الآن أو في نهاية الموسم .. يلعب المدافع الآسيوي مع المرشدي .. أما الخطوةة الثالثة و الأخيرة .. جلب ظهير أيمن .. إلى متى و حنا نتكلم عن الأظهرة في الهلال .. مشكلة واضحة جدا .. لا و المشكلة الآن صرنا نعاني من الناحيتين اليمنى و اليسرى .. صحيح الزوري بدأ يرجع لمستواه و مقدم مباريات جيدة في الفترة الأخيرة .. لكن ما تضمنه .. ( ياسر الشهراني ) .. هو الحل بحكم صغر سنه و موهبته و قدرته على سد الخانتين .. يعني من الأخير مكسب كبير .. أتمنى أن يقود المفاوضات شخص صارم و جدي و ينهي الموضوع بدون ضجة أو تأخير .. أما بالنسبة لمدرب الفريق .. ( توماس دول ) .. تذكروا يا جمهور الهلال أن فريقكم هو من يصنع المدربين و ليس العكس .. يعني لا تقطون كل شيء برأسه .. و في نفس الوقت أنا ما أقول إنه بريء من العك الكروي اللي يقدمه الفريق .. الإدارة هي المخطئ الأكبر .. و عليها تصحيح الأخطاء في الفترة الشتوية .. فالفرصة سانحة قبل خوض المعترك الآسيوي القوي .. حينها لن ينفع الندم أو الاعتراف بالخطأ .. في النهاية تراني ما أحب أتكلم أو ألوم في مثل هالظروف .. يعني الكل مو عاجبه الفريق خصوصا بعد مباراة اليوم .. لكن الوضع لا يحتمل أي تأخير .. آسف ع الإطالة .. بو فيـصـل .. |
شكــــرا علـــى الرفـــع .. |
|
الصراحهـ جميع الاجاااااانب ماااااعدا هرماااااااااش لم يقدمواااا مااااايشفعلهمـ بالبقااااااااء |
المدرب يتحمل 60 بالميه من اخطاء الفريق لانه هو اللي يكون متسبب به ... لا تكتيك ولا منهجية واضحة ... ومن ناحية الكوري اللاعب مبدع وهداف لكن المدرب يتحمل فشل صفقته ... ايمانا نفس الكلام ... لان ويلي كان موجود بالمعسكر وكان على المدرب ابداء وجهة نظره اذا كان بحاجة ويلي او لا ... العربي اذا صحت الاخبار بالعرض اللي جاهـ اتمنى عدم التفريط بالعرض والاستفادة بجلب مدافع اجنبي .. والامنية هاذي لعدة اسباب : 1 - الاستفادة ماديا وعدم الخسارة بالاعب كونك استثمرته ... 2 - تكون الخيارات مفتوحة بالنسبة للمدافع وما يقتصر على الاسيوي . 3 - تحديد بعض من المبلغ للتعاقدات المحليه والدخول بقووة بالمفاوضات .. |
اوك دول عنده اخطاء بس اقلته فيه ظرر اكبر والدليل الظعيف بسيرو ايمانا الى الحين عااااااااااااااااااااااااااااادي |
.. ايمانا لحد الان ماقدم شي . اهـ بس وينك ياويلي . والمدرب الله بالخيـر . نبي مدرب مثل جريتس. |
مدرب ما يزبنا بلاسيويه مدرب م فيه اي تكتيك عنده وربي موب قاعد يعرف وش يسووي لعبه دفاعي خواف جبان المدرب الله يصبرنا والله يستر ما يجينى ما جاء الجار |
انا صراحة اشوف مافي داعي لأيمانا لانه كل ما يطلع الهلال يصير اقوا الاخ متعالي على الدوري ويصر على أخطآآئه والكوري ماله فايدة بعد العربي وهرماش مميزين عندك العربي بس لو يلقى صناع لعب ياهو بيبدع اليوم جته كورتين جاب هدف وكله روس |
كان لدى الهلال مشكله في مهاجم ضارب راس والعربي حل هذه المشكله وهو مهاجم جيد لكن ماتوقع يقاوم العروض الاوروبيه القويه والكثيره اما دول فالتدريب في وادي وهو في وادي اخر |
الكوري مقلب ياشيخ طير مدربك سباك الي مايلعبه تراه في اكثر من ثلاث مبارايات ماشارك بسبب الاصابه وايمانا يلعب صانع لعب مدرب يلعبه مهاجم ويلعب ضد نجران محورين !!! اقسم بالله مشاكل كلها بسبب سباك توماس دول |
القهر حنا ليش جايبين مهاجمين اجانب عشان نحطهم احتيااااااااااااااط ابي اشوف الكوري والعربي يلعبون مباراة كااااااامله صدقوني الكوووووري مبدع بس موظفه زين المدرب ولا يلعبه ايمانا حطوه بمكانه الاساسي راح يبدع ان شاءالله تذكرون الول مباراه ابدع لانه بمكانه ااااااااااااااه ياويلي بس |
انا معك بكل الكلام الا المدرب المدرب هذا لعب بحسبة الهلال مدرب جبان لا ينفع للزعيم |
ليه حكمتوا على الكوري انه فاشل دامه راجع من اصابه وللان ما لعبه المدرب .. انا ضد الاستغناء عن الكوري لانه ماا اخذ الفرصه الكافيه وتذكروو مبارات الاهلي .. ايمانا والله لو اجيبه عندي واشغله بالمخيم اصرف وربي ماهو لاعب وربي لو اسرحه مع الغنم .. ترجع الغنم وهو مايرجع العربـي لاعب يأدي بالملعب ويستاهل الفانيله الزرقاء صراحه لكن عيبه المدرب يحطه لحاله .واليد الوحده ماتصفق ليه جايبين مهاجميين ...؟ توماس دول صراحه ارى ان عنده الكثييييييييييييييير لكن للان ماشفنا شيء فـ اصبرو عليه |
المدرب يتحمل 60 بالميه من اخطاء الفريق لانه هو اللي يكون متسبب به ... لا تكتيك ولا منهجية واضحة ... اي قسم |
| الوقت المعتمد في المنتدى بتوقيت جرينتش +3.
الوقت الان » 12:50 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd