اسفرت وانورت من كل جال واشرق النور يالرابح سعد [ تصاميم رمزيات بلاك بيري ] [ أسباب توقيع الهلال مع سعد ] - نادي الهلال السعودي - شبكة الزعيم

TaMeeMo · #1 05/12/2011, 08:51 PM

مدخل :

يا مرحبا بقدوم خلي
يوم جاني في محلي
يا هلا ومليون سهلا
والمهلي ما يولي

.

.

مبروك توقيع سعد للهلال
طبعا الجمهور بين مؤيد ومعارض

لكن الإدارة عارفه وش يصير ووش حنا عليه
كلكم عارفين أن العربي بيغيب 7 مباريات
والمحياني إذا ما راح بيكون عندنا مهاجمين
فحنا بحاجة سعد الحارثي إللي أنا أشوفه أفضل
فنيا من طيب الذكر وليد الجيزاني بعضكم بينط لي
ويقول فهد الجهني ليه ما نستفيد منه , طيب فريقنا
الأولمبي ينافس على البطولة ليه أخذ منهم فهد وهم
في حاجته أكثر من الفريق الاول

طبعا سعد كبير بأخلاقه ومعروف لكل
الرياضيين , والناس يقولون الحين

ان الهلاليين طيروا سعد بالعجه والصراحة سعد يستاهل
طبعا انا من المعجبين بسعد أيام كان بالنصر
ولا تخيلت يوم بيلعب للهلال لكن الاحتراف جابه
وشي طبيعي أن اي لاعب يكون أخلاق يكون محبوب
وخذ لك مثال الكابتن محمد الشلهوب وأتحدى شخص ينكر أخلاقه

الهلال إذا ما استفاد من سعد فنيا يمكن
يستفيد جماهيريا مع إن الهلال أكبر من هالكلام

بس شفنا كذا نصراوي بدا يحول للنصر والسبب سعد
غير كذا يستفيد الهلال وموبايلي من سعد في الإعلانات
سواء كان بمتجر الهلال أو لموبايلي
أتوقع سعد بيستفيد والهلال ان شاء الله يستفيد

طبعا سويت كم تصميم رمزية ترحيب لسعد ويستاهل
أتمنى تعجبكم

خلصنا الموضوع كله

أتمنى إني كنت خفيف الظل عليكم

وإني وفقت في طرح التصاميم والأفكار
مع كامل اعتذاري لكم

أخيرآ ,,
سبحان الله وبحمده

سبحان الله العظيم

والسلام عليكم ورحمة الله وبركاته
أخوكم / عبدالله عبدالرحمن
لا تنسون متابعتي
على التويتر والفيس بوك