تعااالو وتخيلو معي شوي ! ( يآسرر وسسعدد ياربااااااااه ! - الاستغناء عن العربي والكوري وجلب .............. ..؟ - نادي الهلال السعودي - شبكة الزعيم

فآإرس الحربي · #1 04/12/2011, 02:13 PM

السلآم عليكم ورحمهه آلله وبركآإته ..
اتمنى تكونون بأتم الصحه والعافيه ..

اولآ ابارك لبندر بن ثامر ريئس مجلس منتدى الهلال الرسمي .. والقائمين على المنتدى هذا الانجاز
وصول عدد اعضاء المنتدى 600 الف وعقبآل المليوون ان شاء الله ..
ندخل بموضوعناا ،،،

ضجه اعلاميه حول انتقال سعد للهلال .. ولكن لحد الحين مافي اي شي واضح او رسمي ..
اتمنى وجود سعد وياسر في خانه هجوم الهلال منذ عده سنوات ..والحمد لله بإذن الله راح يتحقق

بصراحه العربي والكوري ماشفنا منهم الاداء والمستوى المقنع والمشفع لبقائهم ..
ياسر في اسوا حالاته افضل من العربي ، وعيسى افضل من الكوري .
وربما سعدد راح يكون مكسب للهلال ، تخيلو بس ياسر وسعد مع بعض في الهجوم !!

المهم وخلاصه الموضوع : الاستغناء عن الاجانب - العربي والكوري وجلب اظهره بديل لهما !!
عارفين وش سبب خروجنا من الاسيويه كل سنه :- مشكله الاظهره بالهلال لن تحل الا بجلب لاعبين اجانب ..

ابو فيصل ماقصر . حاول ان يجلب اظهره محليين وفاوض اكثر من نادي ، لكن كل نادي متمسك بأظهرته ..
وزي ماقلت مافيه حل الا جلب اجانب يحلون محل نامي والزوري ..
وبالنسبه لخانه الهجوم عندك سعد وياسر وعيسى ولاتنسون الشاب سالم الدوسري .. >

يا زعماء الهلال مقبل على مراحل تغيير كبيره .
لازم كلنا نوقف بيد وحده وعرض ارائنا للاداره .. وعرض مانشوفه مناسب ..

واخيرا ، انتظر تعليقاتكم على موضوعي واذا انتم تشوفون فكرتي مناسبه للهلال ياليت توصلونها للاداره .
قد اكون اخطأت وقد اصبت لكن اهم ماعندي مصلحه هذا الكيان ..

والسلام عليكم ورحمه الله وبركاته ..

فآإرس الحربي · #2 04/12/2011, 02:23 PM

للرفع .. واشكر المشرفين على تنزيل الموضوع ..

humaidanov · #3 04/12/2011, 02:27 PM

بالنسبة للأظهرة ...
محمد نامي نجم نجم نجم
ومن أفضل اللاعبين في الفريق !!!
أتمنى إعادة ياسر وويلي وإعطاء المحياني فرصة والاستغناء عن إيمانا والعربي وعدم التعاقد مع سعد

NaWaF_ALhILALI · #4 04/12/2011, 02:28 PM

اجانب اظهره ؟!!!!
معليش مع احترامي لك
تحرق كرتين اجانب على اظهره

بعدين لاغنى عن المهاجم الاجنبي مع ياسر وسعد ماراح يجي واذكرك بعدين
سعد الحارثي لعب عام 2010-2011 دوري زين
1102 دقيقة وسجل ثلاث اهداف بمعدل هدف كل اربع مباريات لك التعليق

الهلال السهم القيادي · #5 04/12/2011, 02:31 PM

تبي تجيب اسيا بهجوم يقوده لاعبين انديتهم ماتبيهم ؟؟

لو فيه خير ماعافه الطير لا ياسر ولا سعد

كل واحد مستواه اسوء من الثاني

ياسر لو فيه خير له اربع سنين يحفر مع الهلال ماجاب لك الاسيويه

وسعد لو فيه خير كان جاب لنادي الفقر بطولة

بالتوفيق لنادي القرن

فآإرس الحربي · #6 04/12/2011, 02:31 PM

إقتباس

الرسالة الأصلية كتبت بواسطة NaWaF_ALhILALI


	اجانب اظهره ؟!!!! معليش مع احترامي لك تحرق كرتين اجانب على اظهره بعدين لاغنى عن المهاجم الاجنبي مع ياسر وسعد ماراح يجي واذكرك بعدين سعد الحارثي لعب عام 2010-2011 دوري زين 1102 دقيقة وسجل ثلاث اهداف بمعدل هدف كل اربع مباريات لك التعليق

ليش والاظهره امرها بسيط ؟
ولا تبي دفاعك شوارع القادسيه يسجل فيك اربعه اهداف ..

بالنسبه لسعد فيه فرق بين الهلال والنصر شوف مالك يوم كان مع الاهلي كيف كان والحين مع النصر وش يسوي ..

وش يدريك يوم يكون افضل من ياسر

k.alsalloom · #7 04/12/2011, 02:32 PM

آلعربي مآ سوآ شيء ..!!!!!!!!!!!!!!!!!؟
منين تشوف ـآنت ....

آلكوري يمكن تقول مآ سوآ شيء بسبب آلإصآبةة ...
سعد لآعب كبير بس مآ يتقآرن ب آلعربي ...
ويآسر لآعب كبير م يختلف عليه آثنين لكن مستوآه ابد م يتقآرن ب العربي ..

ف من وجهة نظري العربي .. والكوري افضل المهآجمين .... سعد الحارثي في دكة البدلاء ..
ياسر يبقى بـ العين لـ نهآية الموسم ...

м̶я.źєźǿ»20» · #8 04/12/2011, 02:32 PM

لا معليش آخوي من زمآن وحنآ ننتظر آجآنب بالهجوم
وتجي الحين انت تقول نستغني عنهم الآثنين ،

سعد ان جآء فهو تقويه ل الدكه لآ آكثر ولا اااقل
والله يكتب اللي فيه الخير للزعيم آن ششآء الله

[ سلطآإن,آلروقي ] · #9 04/12/2011, 02:33 PM

سعد وياسر زماااان عام2005

وليس الان

سعد انتهى وياسر تقريباً انتهى

خلونا على عربينا(يوسف العربي)

..احسن

1ابو ابراهيم · #10 04/12/2011, 02:35 PM

شكرا لك يا غالي

انا مع اعطاء المحياني الفرصة و باذن الله يبدع
بس الاهم في داخل الصندوق

فآإرس الحربي · #11 04/12/2011, 02:37 PM

إقتباس

الرسالة الأصلية كتبت بواسطة м̶я.źєźǿ»20»


	لا معليش آخوي من زمآن وحنآ ننتظر آجآنب بالهجوم وتجي الحين انت تقول نستغني عنهم الآثنين ، سعد ان جآء فهو تقويه ل الدكه لآ آكثر ولا اااقل والله يكتب اللي فيه الخير للزعيم آن ششآء الله

اوك ماقلنا شي بس الاجانب ماشفنا منهم ذاك المستوى اللي يخلينا ننسى ياسر
وش فيكم عندكم عقده من الهجوم ّ!
ماعندكم جرأه ابد واتوقع ياسر بجوار سعد غيرر وسعد بجوار ياسر غير

عاشـ يـ 20ــاسرــــق · #12 04/12/2011, 02:37 PM

شكرا لك ولموضوعك .

الكابتن يوسف العربي لديه سبعة اهداف وصنع كم هدف لناديه الحالي الهلال
نفس معدله ومستواه مع ناديه السابق ؟؟ اعتقد اني اخالفك الرأي بإنه لم يقدم شي .

فالنهايه جميع من ذكرت نجوم كبار ( الكوري + العربي + ياسر + الحارثي)
والله يوفقهم ويكتب للزعيم الخير .

احمد007 · #13 04/12/2011, 02:40 PM

ي اخي وربي بعض الجمهور يرفع الضغط اقسم بالله ما ادري المشرفين وينهم
عن هالمواضيع ...! من 2004 وانا مشترك تمنيت انه ما اشتركت ي اخي تلغي
عقود العربي والكوري وهم مالعبوا الا اقل من شهرين وتبي تجيب ناس لها سنين
بالدوري ما قدمت شي الا بسنه وحده فقط ..!

ي اخي شفيها لو نصبر على اللاعبين مده سنتين . تري الي الان ما انسجموا
مع الفريق انسجام تام وحتي المدرب ما اكتملوا اللاعبين معه الا من ايام بسيطه
خلونا نتابع احتراف على الاقل يوجد بنادينا وربي صرنا اضحوكه نجيب لاعب
وبعد ما نعطيه ملايين الجماهير تطالب الاداره بتنسيقهم او التخلي عنهم
طيب ليش عطونا سبب مقنع ما احد يجاوبك ..! العربي اللي تبي تتخلى عنه هو
هداف فريقنا واحسن لاعب مستواه ثابت معه نامي وهرماش بدا يحاول يثبت نفسه
بالفريق , اما الكوري فالمدرب الي الان ما رسم خطه تناسب وضع الكوري
لكن نظريا الكوري مبدع لو جاته الفرصه كامله , ي ليت نتخلي عن مواضيع جيبوا
واتركوا لانها سقيمه وبدون هدف ولا يمكن ان الاداره تسمع كلامنا وتستجيب لنا
لان اغلب جمهور الزعيم يبي الاجانب مع المدرب يستمرون وبعد ما ينتهي عقد
الواحد فيهم نحاسبه سواء سلبي او ايجابي
شكرا
واهلا بالانذار ان وجد

м̶я.źєźǿ»20» · #14 04/12/2011, 02:48 PM

إقتباس

الرسالة الأصلية كتبت بواسطة فآإرس الحربي


	اوك ماقلنا شي بس الاجانب ماشفنا منهم ذاك المستوى اللي يخلينا ننسى ياسر وش فيكم عندكم عقده من الهجوم ّ! ماعندكم جرأه ابد واتوقع ياسر بجوار سعد غيرر وسعد بجوار ياسر غير

رد علييك آخوي ( آحمد 007 )
وازود ع كلامه ان ويلي هامسون اللي الكل يطلب برجعته
الحين ، اول موسم له ما قدم شيء يشفع له بالبقاء بالهلال ..

hgalvd20 · #15 04/12/2011, 02:48 PM

إقتباس

الرسالة الأصلية كتبت بواسطة الهلال السهم القيادي


	تبي تجيب اسيا بهجوم يقوده لاعبين انديتهم ماتبيهم ؟؟ لو فيه خير ماعافه الطير لا ياسر ولا سعد كل واحد مستواه اسوء من الثاني ياسر لو فيه خير له اربع سنين يحفر مع الهلال ماجاب لك الاسيويه وسعد لو فيه خير كان جاب لنادي الفقر بطولة بالتوفيق لنادي القرن

تعال الاعب بدالهم ي ك رونالدو
ياسر القحطاني كان عليه ظغط كبير من الاعلام وياخي ليه متقول بقية الاعيبه بعد
وسعد ادارة النصر متعطيه رواتب وتخليه يعاف النادي وميتقارن الهلال والنصر بالراحه النفسيه

الي ميلعب بالملعب يقول الميدان وسيع
بس حبيت اذكر تبقى هيبة ياسر نسيتو ياسر يجمهور الهلال
والعربي خله والكوري خله مقلنا شي ليه متقلع المحياني له 3 سنين وماسوى شي
واهم شي العربي ليروح