هل ستنفجر مواهب سعد الحارثي الهلالية
 

السلام عليكم ،ويسعدلي مساكم جميعا ، سأدخل في الموضوع مباشرة ،
الحقيقة موضوع اللاعب الخلوق سعد الحارثي أشغل الجميع وأصبح هاجس هلالي أكثر من ردت الفعل النصراويه.. ، لكن أنا أقول خلونا نتكلم بواقعية وبعيدا عن العواطف والميول ..
بكل أمانة .. اللي أشوفه إنه من أهم الأشياء اللي تشفع للاعب الخلوق سعد الحارثي مجيئه للهلال وأعتبرها أنا شخصياً من أهم المكاسب للهلال هي أخلاقه العالية واحترامه للأشخاص، وعدم تجريحه أو اسقاطاته سواء من معاملته داخل الملعب أو حتى على مستوى تواصله الإعلامي ، هاذي حقيقة يجب أن لانغفلها ،حتى أذكر في مناسبة لاعبنا الخلوق محمد الشلهوب أثنى عليه كثير ، وشهادة لاعبنا محمد الشلهوب مصدر اعتزاز للاعب .
أما مايتعلق بمستواه الفني : فما فيه شك إن اللاعب سعد الحارثي تعرض لضغوط في نادي النصر ، وبالمجمل العام مع احترامي لنادي النصر الأجواء فيه ماهي مناسبة لأي لاعب مهما كانت احترافيته ومستوى نجوميته ، فهي للأسف بيئة غير مناسبة وأرضية غير خصبة لإنتاجية اللاعب واحترافيته ، وأكبر مثال ودليل على ذلك محترفين النصر الأجانب ، السيرة الذاتية لهم عالية جداً ولكن مافيه أي انتاجية ، وحتى على مستوى المدربين ! كم مدرب مر على النصر ، والمشكلة مدربين على مستوى عالي ، وأخرتها أم الكوارث مع المدرب الإيطالي زينقا الذي صبر على نادي النصر 6 أشهر لم يستلم رواتبه ؟؟؟؟ تخيلوا في عصر الإحتراف وفي الألفية الثالثة وفي هذا التطور في كرة القدم والتقدم الاحترافي المهني في جميع أندية العالم مدرب أوربي وعالمي بمستوى زينقا ، اللي بصراحة أنا من وجهة نظري هو من أفضل المدربين اللي تقريبا صنع شيء لنادي النصر ،ومع هذا يعني !!!! مدري وش اقول مدرب بهالمستوى ويصبر 6 أشهر بدون راتب ههههههههههههه،لاحول ولا قوة الابالله ( شر البلية مايضحك) ،،،
على أية حال القصد من الكلام إنه نادي النصر وللأسف أرضيته ماتساعد على أي لاعب إنه يبرز مهاراته ، يمكن ماعدا المباريات الحساسة واللي تحمل طابع تقريبا نفسي أكثر منه من فني ومهاري وتكتيكي ،
فاللي أبغى أوصل له : إنه ليش لا ، خلنا نجرب يمكن هالمواهب المكبوته في سعد تنتظر فرصة لنادي كبير وفيه جميع الأجواء المساعده اللي تعطيه هالأمل المنشود في فتح بوابة هالمواهب المحصروه واللي تنتظر فقط بريق أمل لتنجرف وبقوة ،
بعدين فيه شي مهم : لاتنسون إنه سعد الحارثي وبالرغم من جماهيريته عند نادي النصر ،وحبه لنادي النصر ومع هذا ضحى بكل هالأشياء هاذي وأقدم على خطوة مثل كذا ،وهو على فكرة من بدأ بالتواصل مع إدارة الهلال ، اللي أقصده إنه إذا كان سعد هو من أقدم بهالشي هذا فهذا يعني إنه سعد الحارثي عارف وش قاعد يسوي ، وهو فعلا حاب يرجع لمستواه السابق ، وتقريبا أتوقع إنه عرف العلة من هبوط مستواه في عدم وجود أجواء مناخية مناسبه لمواهبه المكبوته في ظل نادي ماعندهم إلا قيل وقال ، وتحزبات وأشياء كثيرة جدا ماتساعد حتى ميسي شخصيا !! اللهم لاشماته لكن هذا واقع يشهد به البيت النصراوي .
عموما : أنا من وجهة نظري إنها خطوة موفقة من إدارة النادي ، وبالمناسبة ياإخوان لانستهين بأي أحد مهما كان ، فسعد الحارثي مهما كان له تاريخه وخبرته في الملاعب
وماتدرون يمكن أيضا هو حاب يرد على إدارة ناديه السابقة اللي ماقدروه حق قدره واستهتروا فيه ، خصوصا إنه كان طيلة الفترات السابقة ملازم للصمت ولا تكلم ولا صرح ولا قال أي شي بأي وسيلة إعلامية وهاذي بصراحة تسجل للاعب الخلوق سعد الحارثي،
فيه نقطة أخيرة ومهمة أتمنى إنكم تتأملونها جيدا ، اللاعب سعد الحارثي مو أسؤأ مستوى من اللاعب وليد الجزاني ومع هذا جبنا وليد الجيزاني وجربناه ، فليش مانجرب سعد زي ماجربنا وليد الجيزاني ، وعموما أتمنى من كل قلب اللحظة اللي يشارك فيها سعد بالفنيلة الهلالية ، أتمنى من جمهورنا العزيز دعمه والتصفيق له بحرارة وتشجيعه ، حتى لو افترضنا على أسوأ احتمالات إنه ماكان بالمستوى المطلوب في بدايات مبارياته ، فلنعطيه الفرصة تلو الفرصة ،
أتمنى للاعب الخلوق سعد الحارثي التوفيق والنجاح في مسيرته الرياضية .

الله يكتب الي فيه الخير للهلال وللاعب سعد

شكرا لك اخوي
بتوفيق للهلال

يعطيك العافيه اخوي

كلامك ماشاء الله كثير ونا ماقريته كله :d

شوف اخوي سعد الحارثي انظلم كثير مع النصر .. الاعب موهوب ولاعب كبير :smilie47: بس بالله كيف تبيه يثبت نفسه مع لاعبين لو تجمعهم على بعض مايجبون لك ريالين :s2:

انا متفائل فيه احسه راح يثبت نفسه وراح يرجع لنا سعد 2007 وخصوصا ان الهلال يملك صناع لعب من الطراز العالي :s5s::smilie47:

سعد يبي بطوله يبي ينهي مشواره ويكون قي سجله بطول خلوه يجي وشجعوه :s2:
وترا القيمه ماتستاهل يعني :razz:


شطحه محترمه : :d الحين لاحقق الهلال ايات بطوله راح تحصل النصراويين يقولون بطولتهم جت من ولدنا الي هو سعد :s2: كخخخخخخ

الله يكتب اللي فيه للهلال ولاعب

:s2:
بس للمعلوميه
الفريدي ينتهي عقده ب يناير 2013
ويبطووون الفقرررر :to:

اذا صحت الاخبار اللي نقراه بالجرايد

" عضو شرف متكفل بعقد سعد الحارثي ورواتبه "

" ادارة الهلال عندها عرض بـ 10 مليون يورو للعربي "

صراحه اتمنى من الادارة عدم التفريط بالعرض اللي جاهـ بخصوص العربي ..
والاعتماد على الكوري + عيسى وبمساهمة عضو الشرف راح يكون سعد المهاجم الثالث بنادي الهلال ..

وبجزء من هالمبلغ يتم التعاقد مع مدافع اجنبي يشيل الدفاع ..

الله يكتب الي فيه الخير للهلال وللاعب سعد

والله ياعزيزي مع احترامي لك ولسعد الحارثي إلا أني اشوف أن الهلال ماهو حقل تجارب مثل غيرة وبدل ماكتبت عن سعد كان طالبت بأعطاء فرصة للمحاني إللي قاعد من ثلاث سنين ينتظر أنصاف الفرص .

ياليت تشوف راي فيصل ابوثنين في تويتر
التعاقد مع رجيع النصر مكسب للاعب مو الهلال

يا اخي انت تتكلم من جدك ولا لا يا اخي يخلون ياسر ويروحون للحارثي واللله ثم والله من الان ما احضر مباراه للهلال لو ينتقل للهلال الحارثي

يا جماعه هذي خطة تسويقيه للاعب عشان يشوف رزقه كتموه النصر دعو الخلق للخالق

مع اني ضد التعاقد مع سعد لانني ارى ان الزعيم غني بنجومه وفي الهجوم يكفي اننا لدينا حاليا عيسى وسالم الدوسري

لكن اذا كان فترة التعاقد 6 اشهر هنا يمكن ان نرى سعد ثاني وقد يفيدنا

اتمنى سعد مايجي لان وجوده وعدمه واحد لاعب منتهي ولا عنده شي يقدمه !

لو فعلآ جاء نقطه سوداء برئاسة عبدالرحمن يكفون العالات الي بالفريق مانبي نزيدهم !

والفلوس الي بيدفعه ابن مسساعد للاعب منتهي ياليت تزيد عليها وتدفع لنا بمدرب محترم

مدرب كبير مدرب يرجع هيبة الفريق والمستوى الي كان الكل يشيد بالزعيم والحين مع السباك دول مفقوده !!!

ان شاء الله نشوف سعد بالشعار الزعيم
لا تنسى اخوي ان العربي بيغيب كم مباراة مايبقى غير الكوري والمحياني
وااعتقد ان المدرب غير مقتنع بالمحياني وهذي وجهة نظره
سيكون هناك مهاجم بحجم سعد الحارثي الي فقد صانع لعب طيلة مشواره مع فريق الجار

وجهت نظري
تحياتي لكم

والله اتمنى سعد يجي الهلال والله اتوقع انه راح يبدع
وانت الي تقول الهلال حقل تجارب عندنا الي اردا من سعد
وعاله ع الفريق شف عندك الزوري والنامي وغيرهم كثير هذاول
في ذمتك لاعبين مكانهم الهلال