هيئة الأمر بالمعروف والنهي عن المنكر - نادي الهلال السعودي - شبكة الزعيم

][ هلـآلي للـآبد ][ · #11 03/12/2011, 05:33 PM

إقتباس

الرسالة الأصلية كتبت بواسطة @@almoreb@@


	والله لولا الله ثم وجودهم لنزلت علينا لعنة من الله كما نزلت على بني اسرائيل !!

الغالي احمـد !
ما تلاحظ أنك بالغت بكلامك يعني الى هذه الدرجه انت شايف المجتمع فاسـد !
ترى فيه الصالح والطالح فكيف تقول لولا وجود الهيئة لنزلت علينا لعنة .. ؟
ترى الهيئة موجودة بالسعودية فقط وباقي الدول الإسلاميه ما عندهم هيئة
ليه ما نزلت عليهم اللعنه الى الحيــــــــن .. ؟

إقتباس

الرسالة الأصلية كتبت بواسطة مجنون الزعيم(9)


	مايذوق النار الا واطيها ,, انا تبلوني اكثر من مره مع احترامي الهيئه هدفها التجسس ولا امر بالمعروف والنهي عن المنكر ! يعني بالله لما تسوق السياره ويجي جنبك سياره بدعاماتها فيها 2 من اعضاء الهيئه و واحد عسكري ضايقآ صدري وكلهم يناظرونك ورامين وجيهم عليك يبون يشوفون اللي معك هل هي اهلك ام شي ثاني ,, الشي الثاني ,, انا ماكبرت اخطائهم ولاهم يحزنون ولا بيَنت انهم عدو للمتجمع زي ماكتبت انت بس هنا المشكله الواحد اذا انتقد الهيئه قالو انت ضدها وانت وانت وانت .. جازمين ان الهيئه ماتخطي وانها ملائكه وانها فوق النقد وانها وانها وانها ,, سلآمآت ,, لا احد يجي يقول وراك تدخل سوق وراك تدور وراك ,, شوي يقول وراك تطلع من البيت اليئه لهم ايجابيات والله يجزاهم خير بس بنفس الوقت لايعاملون بعنف ويتوقعون من الشباب المحبه والموده

شوف انا معاك بلطجيـة بعض رجال الهيئة لا حصر لها يعني بنتعب وحنا نعدها
انا بقول موقف صار لي شخصياً :
مره طالع أنا والشباب كشته المهم وحنا جالسين جاء جيب هيئه مقلع بأتجاهنا
ونزل واحد سلم وأتجه لواحد من الشباب لان بيدة كوب ويسأله وش فيه الكوب قال خوينا شاي قال عطني الكوب ويدخل خشمه بداخله وهاتك يا شم

تقول كأنه " بوليسي " تبع الجمـــارك

الظاهر يحسب الكوب ملغم

رجع الكوب لخوينا وقال يلا مع السلامه وركب الجيب وذلف وخوينا رمى الكوب على طول .
تصرف ارعن أحمق بكل معنى الكلمــه !
ونفس هالتصرف قد صدر من عسكري قذر بس لي أنا

كانت معي قارورة مويه صغيرة وينشب لي وش هالمويه إللي بيدك طبيعية ولا لا
أقوله طبيعيه قال هات القارورة خذاها وجالس يشم فيها يحسبها " وطني "

مدري وش سالفتهم على الشــم