|
أهم شئ لا يلعب ايمانا على حساب أحد المهاجمين !! والله يدمر الهلال !! الأمثلة كثيرة !! السلام عليكم ورحمة الله وبركاته : بصراحة منذ فترة طويلة وأنا في خاطري شي وملاحظة فنية هامة أخص بها الجهاز الفني الهلالي بقيادة الالماني توماس دول ، عندما تم التعاقد بداية الموسم مع المهاجمين الصريحين الكوري يو بيونغ والعربي اتضح ان نية الهلال هو تكوين فريق جديد يتسم بالطابع الهجومي اكثر . وبالفعل هذا ماشاهدناه مع توماس دول في الوديات واول الموسم فكان دائما يبدأ بيونغ والعربي وبمحور واحد بخطة 4-1-3-2 ، ولكن مالبث حتى غيّر الطريقة وعاد لتكثيف الوسط بالبدء بايمانا على حساب المهاجم يوبيونغ مثلا مباراة الشباب فكان الهلال تائها !! الذي زاد الطين بلّة ان السيد دول عندما اصيب الكوري يو بيونغ لم يعوضه بمهاجم اخر مثل المحياني ولكن عوضه بلاعب وسط ايمانا واصبح الهلال يميل لطريقة 4-5-1 وبالتالي تقل فعالية الهلال بالمقدمة ويهبط المستوى لأنه ليس لديك جناح حقيقي مثل ويلهامسون حتى يدعم ويناسب هذه الخطة فايمانا صانع لعب وليس جناح !! وشاهدنا مستوى الهلال بخطة 4-5-1 في مباراة الرائد بالرياض والانصار والتعاون كلها بسبب البدء بايمانا على حساب احد المهاجمين !! وبالعكس شاهدنا مستوى الهلال القوي في مباراة الاهلي والنصر مثلا لانه بدأ بمهاجمين صريحين وبخطة 4-4-2 فهي الانسب للفريق ، ماينقص الثنائي الكوري والعربي فقط هو مزيداً من التفاهم والافضل يكون الكوري على الاطراف لفتح الثغرات والعربي بالعمق او تواجدهما جميعا داخل الصندوق او بقاء واحد منهما خلف الآخر مع عمل التقاطعات وصنع الاهداف لكل منهما للآخر وعدم الانانية . خلاصة الكلام : ان الهلال لديه لاعبي وسط يتسمون بصناعة اللعب (الشلهوب الدوسري العابد الفريدي ايمانا ) وليسوا يتسمون بالاجنحة عدا العابد ممكن ، لذلك من الافضل ان يكون امام هؤلاء لاعبي الوسط مهاجمين صريحين وليس مهاجم واحد حتى لاتقل الفاعلية الهجومية ولايكون هناك ازدحام بالوسط على غير فائدة !! فايمانا والفريدي تقريبا بنفس المهام ويجب البدء بواحد منهما او تعويض احد لاعبي الوسط بايمانا وليس مهاجم او من الممكن لعب ايمانا او غيره من لاعبي الوسط الشوط الثاني بدل المهاجم الثاني لتامين النتيجة . ---------------------------- آسف عن الاطالة واللهم وفق الهلال آمين يارب s13s . |
ايمانا لاعب كبير ولكن الهلال مايقدر يالعب بالطريقة الي يالعب فيها ايمانا اقصد يعتمد عليه مثل الاتحاد ونور ثاني شي ايمانا ماراح يفيدنا الا باسيا وهذا الي نبيه عشان كذا اصبرووووووووا عليه والله بيكون رقم وراحد بالمستقبل |
بصراحة السباك لا يزال يتيه بالهلال ويلعب به كيفما اتفق. فهو تارة يلعب بمهاجمين وتارة يلعب بأربع صناع لعب. هذا المدرب مجنون شيء اسمه العمق ويحلم فيه ليل نهار يعني انس شيء اسمه اطراف فلذلك سيعتمد على العمق وسيضحي بالمهاجم الثاني فالفريدي والشلهوب والدوسري وايمانا أهم أربعة لاعبين يعتمد عليهم المدرب حتى لو لعب بدون حارس ما عنده مشكلة أهم شيء العمق لا يجيه شيء. مللنا من هذا المدرب الجوعان ومع الشتاء القارس سيزداد جوعا وربما قدم هرماش وأرجع العربي ليكون ستة في صناع اللعب! متى يلغي الهلال عقده ونفتك منه. |
## آيمآنآآ وآلله لعيب بس آصبروآ عليه مثل مآصبرتم على غيره عوآآفي عآآلموضوع |
لازم نصبر على الاجانب مو ايمانا بس انتو صبرتو على ويلهامسون وجاب نتيجه اصبرو على ايمانا الين يقدم اللي عند والادارة ماراح تقصر مشكور على الطرح وبالتوفيق للملكي بعد قليل ان شاء يجيبون نتيجه حلوةة |
اهنيك يالحضاري على النظرة الفنية ايمانا مايناسب الهلال لكثرة صناع اللعب الهلال محتاج جناح ايمن لقلة لاعبين الوسط اليمين وغير كذا الشيخ شايف نفيسته الكاتب الهمام:s5s: فعلا الاصرار العجيب على العمق له سر عجيب الهلال في افضل حالاته مع جيريتس اللعب على العمق اكثر وبمراحل من الاطراف حتى المنتخب من بعد كاس اسيا 2007 في اصرار عجيب على العمق لدرجة اشك في ان ماعندنا بالكرة السعودية اطراف بل ان افضل ايام الهلال زمان اطرافة المرعبة |
بصراحه انا اتمنى انه ما يلعب إيمانا الهلال يكون افضل إذا إيمانا ما لعب إلى الان ما قدم شي . |
كلاااااااااااااااااااااااام سليم وزد عليها اذا الفرريق تقدم بلشوط الاول وجاب هدفين او هدف الشوط الثاني عند الدقيقه 70 او 65 يطلع واحد من المهاجمين او يطلع الفريدي وينزل محور ثاني؟؟؟ <<<<هذا الشي رفع ضغطي لان الفريق ماشي برتم ممتاز ويمكن يسجل اكثر وضاغط على الخصم وبتغييره هذا يقتل المباراه بنسبه لنا ويصير الضغط على الهلال؟ ياسااتر لاحظها اليوم مع الفتح اذا تقدم شنو بيسوي بيطلع ويقفل |
هذا المدرب سباك وكهربائي ياناس وش يبي بمهاجم واحد عشان يلعب ايمانا العجوز والفاشل وعلى ارضه وعلى حساب متعة الجمهور فكونا منه مانبي ايمانا لاعب كبير ماقلنا شي طالبنا فيه ماقلنا شي ولكن اللاعب طلع لايناسب الهلال ولايناسب طريقته نبي بيونق سو لابد منع بالشوط الثاني |
إقتباس:
اعتقد رد عليك ايمانا:smilie47: بهدف ع طريقة الكبار بعدما تناقل الكره ون تو مع الشلهوب كان ردآ بليغآ اليس كذلك؟ |
فريق سيء ليتني طلعت للبر والله خجاله هالمبالغ اللي دفعت |
والله ايمانا انه عالة حتى لو سجل حرام يلعب على حساب احد المهاجمين وبطئ تقل شايب الزبدة ان ايمان عالة على الفريق |
ايمانا صآنع لعب ومكانه قبل المهاجم ,, |
ايمانا اليوم ضايع وضيع معاه الفريدي والدوسري اتمنى من النادي يخليه يعار الي اي نادي |
اتفق معك وخصوصا ان الفريدي بعززززز مسواه هو والدوووسري واللي يقول ليع ماتفعل الاطراف حبيبي منهم اطراااااافك زوري ونامي هذول اطرااااااااف بالله اللي لاجا الواحد يرفع يا سطحهاا براا ولا حطها بوادي والمهاجمين بوادي ولاحظوا اي كوره عند نامي الزوري يعطي يناول لاي لاعب ويررررركض يبيه يعطيه اياه قدام مع انها ماهيب شغلته الهجووم هذي شغلته يستلم ويررررررفع بس مايعرفوووووون من يوم ماحضروا وهم كذا وان رفع رفعته فاااشله واللي يقهر ان عندنا ظهيرين المنتخب سررعه وهارات دفااعيه ممتازين هم شافي وسلطان البيشي ليه مايلعبوون!!!!!! |
| الوقت المعتمد في المنتدى بتوقيت جرينتش +3.
الوقت الان » 07:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd