|
هل الهلال .. فرع لإدارة الضمان الإجتماعي ؟؟؟؟؟ حتى يتعاقد مع هذا اللاعب ؟؟؟ غريب حال هذة الدنيا !! إذا صدقت الأقوال والمعلومات وكما قالوا ( لا يوجد دخان من غير نار ) وقد تكون إشاعة ( لإجبار النصر ) بالتعاقد وسرعته مع ( سعد الحارثي ) بورقة ( الهلال ) أي أستخدام الهلال في الظغط على إدارة النصر بعدم أنتقال سعد للهلال . ولكن إذا كان الأمر صحيحاً ( أن الهلال ) يفوض سعد .. فهذة المصيبة بعينها .. لاعب من فئة ( العجزة ) عمراً وطموحاً . يستقدم للهلال !!!!!!!! ألا تكون لنا كهلاليين ( العبرة ) من فريق الإتحاد . وإحتضاره بسبب ( لاعبين عجزة ) أليس لنا من تجربة ( الخائن جيرتس ) عندما نصح وطلب من الإدارة الواعية الفاهمة جداً سوى الأمير ( عبدالرحمن أو الأمير نواف . أو سامي الجابر ) بالتعاقد مع طيبين الذكر ( وليد الجيزاني و فيصل الجمعان ) لاعبان ( أقل بكثير ) من كلمة ( عاديين ). عبرة . فكان حظهما ( السجل الشرفي ) لتاريخ الهلال كأسماء فقط لاغير . وهنا يعاد الأمر في جلب ( كهل ) أسمه سعد الحارثي . فريقه المتهالك جداً ( النصر ) لا يضمن المركز ( الخانة ) فيه . والهلال يتعاقد معه ؟؟؟؟؟؟!!!!!!! زعيم آسيا ومطمح كل لاعبي وطنا . يستقدم ( سعد )!!! أعتقد أنها ( إشاعة ) ضغط لتجديد عقد ( سعد ) أقول ( اعتقد ) لأني غير مصدق أن رجالاً بهذة المكانة الفكرية ( عبدالرحمن و نواف وسامي ) وخلفهم عقول راجحة أمثالهم ( الامير عبدالله بن مساعد أو فهد بن محمد ) يقدمون على جلب لاعب ( كهل ) الطموح والعمر . وفريقه ليس بمقياس تقاس عليه قيمة النجوم لجلبهم لهلالنا . أتمنى أن تكون ( إشاعة ) وأن لا تكون حقيقة حتى لو ما تم التعاقد فمجرد الدخول في المفاوضات مع ( لاعب نصراوي ) فهذة عندي مصيبة كبيرة . لأن جميع لاعبي النصر دون مستوى الهلال . وعلى رأسهم ( الكهل سعد ) وقفة . الدنيا أرزاق وخوفي أن يكون الهلال مصدر رزق لسعد وأمثاله كما كان لوليد والجمعان ( والله يرزق الجميع ولكن بعيد عن ملايين الهلال وتاريخه ) ريفلينو 10 |
|
اذا كانت ادارة الهلال تفكر بجلب سعد الحارثي ولو بالاعارة مدة 6 اشهر هذي مصيبة الاعب مستهلك الاعب مالقى له مكان اساسي في فريق مثل النصر الاعب هبط مستواه الخ .... في نظري عيسى المحياني افضل بمراحل من سعد الحارثي ليه نعطي سعد الحارثي فرصة اللعب وعيسى لا !!!!!!!! |
لاتخاف ادارة الهلال مو يهذا الغباء تجيب سعد بس كالعادة كل من بغى يرفع سعره او يسرع بالتعاقد معه قال الهلال يفاوضني |
يعطيك العافيه على الموضوع بالنسبه لسعد لاعب كويس وهذي وجهة نظري وهو افضل مهاجم بالنصر سعد رجع من اصابه وجلس احتياط وتبهذل الرجال من وين بيقدم مستوى وفوق هذا كلها فريقه ما يساعد شوف لاعبين النصر كلهم انتهو من الفريق نفسه عبد الرحمن القحطاني شوف كيف كان بالاتفاق وبعدين وش صار بالنصر سعد يبي فريق صاحي فيه لاعبين على مستوى لو تابعت مباريات النصر الي طافت ودققت في الباصات صدقني مراح تلاقي ولا باص صح ولا هجمه صح من وين بتلاقي ابداع من الاعبين .... اشكرك ياغالي على موضوع الرائع |
ماتوقع ادارة الهلال تتعاقد مع سعد سعد طاح مستوه وكبر وعندنا عيسى والجهني وسالم الدوسري |
والله اني مع فكره التعاقد مع الحارثي لان الاعب واضح ان ناوي يرجع وعلى الاقل ان نضمن مهاجم رابع ممكن اذا نزل يسوي شي |
أخي العزيز الإنسان يقدم أفضل ما لديه إذا وجد البيئة الصحية التي تساعد على العطاء فهل ترى ان بيئة نادي النصر تساعد على العطاء؟!! |
مصخره ..اشاعات كلام فاضي الاداره اعقل من كذا ! منهو سعد الحارثي ؟ لاعب لو كان يلعب في فريق غير النصر كان اتحدا تسمع فيـه لكن لانــه ((( مفتـح بين عميـان)) وفريق فاشل زي النصر ماعندهم لاعب يتغنون به .. قالوا سعد ياسعــد ... وهو مايعرف يدحرج الكوره :d |
إقتباس:
"""""""""""""""""""""""""""""""""""""""""" |
كلام سليم 100% اللاعب منتهي اضافه الى انه عندنا عيسى المحياني وفهد الجهني افضل منه بمراحل اتمنى يكون موضوعه مجرد اشاعه لا اكثر ولا اقل تحياتي |
اتمنى احضار سعد الحارثي فأنا متأكد بأنه سيكون في الموعد وسيكون اللاعب رقم 1 في خط الهجوم الهلال نادي يساعد اللاعبين على النجاح فما بالك بالحارثي ؟ |
سعد بصراحه لو جاء للهلال راح يبدع بس اتمنى قبل التعاقد معه نعطي عيسى فرصه لأن هاللاعب مظلوم صراحه لازم يلعب اساسي على الاقل 5 او 6 مباريات |
سعد الحارثي افضل من عيسى المحياني بكثير واتمنى سرعة التعاقد معه لأنه بأمانه ضالة الهجوم الهلال وفي حال عودة ياسر سيكون ثنائي خطير اتمنى سرعة التعاقد معه بأسرع وقت مممكن |
غريبه حكمتوا على طول انه راح يجي للهلال اتوقع انه ادخال اسم الهلال اداه ضغط على النادي الاصفر للتوقيع معه مثل ما ذكرت .. |
| الوقت المعتمد في المنتدى بتوقيت جرينتش +3.
الوقت الان » 08:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd