السلام عليكم ...

انا في بدايه الموسم كنت اقول ان المدرب معذور لان ما توفرت له الظروف اللي تساعد المدرب على النجاح ... وقلت انتظر اشوف وش منهجيته مع الفريق .... يمكن المستوى يتحسن بمرور الجولات لكن ما فيه اي تحسن ....

حتى اكون منصف ما عجبني فيه الا فرض الانضباط على اللاعبين ... هذا من ناحية الانضباط فقط ....

اما الجانب الأهم لي هو الجانب الفني .... و للاسف حتى الآن ما قدم اي شي يذكر على الصعيد الفني باستثناء مباراة الاهلي ... واعتقد في مباراة الاهلي كان حماس من اللاعبين - لان الامير عبدالرحمن توه راجع من السفر - اكثر منه كتكتيك للمدرب ...

الفريق حاليا يلعب باسمه فقط ... بدون اي مستوى ... وبدون اي هويه ... رغم اننا انهينا ١٠ مباريات بالدوري !!!

يعني لا هو هلال جيرتس الهجومي على الرغم من تواجد مهاجمين كبار في خط الهجوم وخلفهم خط وسط فتاك .... ولا هو هلال كوزمين الدفاعي رغم ان الدفاع ما تغير من ذيك الايام ....

دول ما عرفنا له منهجيه في اللعب ... يعني لا هو اللي فعل الاطراف ولا هو اللي يخترق الخصم يشكل سليم من العمق ... ولا عنده حتى تنويع للعب ... واعتقد من اسباب انخفاض مستوى ايمانا عدم توظيف دول له بشكل سليم بالملعب .... ناهيك اني بديت انسى ان عندنا محترف كان هداف الدوري الكوري الموسم الماضي .... اللي جالس اشوفه بالملعب اجتهادات من اللاعبين فقط لا اكثر ولا اقل ....

العربي يلعب كمهاجم ثاني اساسا وملعبه راس حربه ... و راس الحربه احتياط ... وش هالمنطق انا مو فاهم شي منه !!

هذا غير ان دفاعنا مكشوف و اي لاعب عادي ممكن يشكل خطوره على المرمى الهلالي ... يعني دول لا هو اللي مستفيد من الاظهره هجوميا ولا هو اللي مستفيد منها دفاعيا ... امس كرتين خطره لربيع سفياني واجه فيها شراحيلي ... يمكن مهاجم ثاني يسجلها هدفين فينا ... العام انهينا الدوري وعلينا ١٨ هدف ... هالسنه لعبنا ٩ مباريات وعلينا ٩ اهداف !!!

غير كذا لياقة اللاعبين ما احسها بجوده المواسم اللي راحت ... والدليل الشوط الاول اللاعبين يجتهدون بشكل جيد نوعا ما ... والشوط الثاني تحس ان اللاعبين خلص مخزونهم اللياقي ... وما عاد يقدرون حتى يحافظون على النتيجه ... ولما يصير توقف للدوري ولا يكون الهلال ما لعب الجوله زي مباراة الاتحاد يعطيهم اجازات على يومين بدل لا يرفع مخزوتهم اللياقي !!

دول ممتاز كمتحدث اكثر منه كمدرب ... هذا برأيي المتواضع.

* اتمنى من الهلال أن يبقي لاعبين الاجانب ولكن يجلب مدرب يعرف يوضفهم صح

* ايمانا لم يجد المدرب الذي يرفع لياقته ويضعه المكان المناسب

* بين الشوطين هناك جماهير طلعت بسبب العك الكروي من الفريدي واالعب الحواري اه يا جيرتس كنا نتمنى ان المباراة ما نتهي والان العكس .

لاعبين الهلال الان يفكرون كم بجددو من مليون وما يحمدو ربهم أن للهلال ابن مساعد ما قصر معهم بشي لينظرو للجار والحارثي .

دول معروفه أمكانياته من قبل نتعاقد معه لاكن الغلط الاكبر هو على ادارة النادي الي

تعاقدت مع هذا المدرب رغم أمتعاض الجمهور على نية الادارة التعاقد معه

توقعاتي دول لن يستمر طويلاً والادارهـ هي من وضعت نفسها في هذا المأزق

إقتباس الرسالة الأصلية كتبت بواسطة غريب جده دول معروفه أمكانياته من قبل نتعاقد معه لاكن الغلط الاكبر هو على ادارة النادي الي تعاقدت مع هذا المدرب رغم أمتعاض الجمهور على نية الادارة التعاقد معه توقعاتي دول لن يستمر طويلاً والادارهـ هي من وضعت نفسها في هذا المأزق

ماشاء الله عليك اخوي
مافيه شئ ولا انتقدته
ماناقص الا تنتقد عصى الامير
يابوي اترك الاندساس
اما على اول خطا تنتقد المدرب فهذا خطا
لو على اول خطا بنقيل المدرب
ماراح يبقى عندنا مدربين

شكرا علي\ الموضوع الجميل وننتظر منك مواضيع اكثر بسبب تفكيرك الكروي الجميل
ولكن نصبر الين الفتره الشتويه انكان المستوي هوهو ولا الباب يوسع جمل

الله يصبركم يالاعبين وادارة ومدربين على جمهور الهلال .

كلهم مدربين ومحللين ونقاد .

خلاص ياجمهور بنغيير لكم المدرب وبنجيكم لكم اثنين قلوب دفاع و ظهيرين .



وقفه :


اتمنى ادخل المنتدي يوم من الايام ولا اجد موضوع واحد فيه انتقاد .. ( لـ اختصاص المدرب ( الفني ) او اختصاص الادارة ( الاداري ) ) .

شكلنا بنصير مثل فريق النصر .. وين ايام ماجد .

واحنا بنقول وين ايام جريتس

امحق ... الغناء على الاطلال ..

*

يآعزيزي ، الكريم ، اتمنى ، منــك ، ومن الي يطرح
موضوع زي كذا ، مدرب ، حتى الان مإشي ، تمآم
احكم ، عليه ، في المباريات المصيريه ، مباراة الاتفاق القادمه
والاتحاد بعدها ، لآ تحكم المدرب على من مباريات مع فرق
اقل منا مستوى ، عندك ريآل مدريد ، وبرشلونه ينحرجون
بقوة اذا لعبو قدام فرق اقل منهم مستوى ، ولآ قالو شي ،
بالعكس قدام الفرق الكبيرة يقدمون مستويآت قويه
وشوي شوي ، على المدرب . ومن ، الحين اقولك
اذا لعبنا ، مباراتنا مع الاتفاق ووراها علطول مع الاتحاد
تعال ، وعطني رآيك

وشكرآ ، لك

يا الناقد
ماشاء الله عليك ماخليت شي من كلام محلل الخشبية عادل البطي

كل شي نقلته على لسانه

ويابلادي واصلي

سبق وقلتها لي تحفظ
لاني ماعرف شنو يدور داخل التمارين وكيف وض عالاعبين مع المدرب بااجل رااي الى وقت ثاني

إقتباس الرسالة الأصلية كتبت بواسطة الناقــدA يعني لا هو هلال جيرتس الهجومي على الرغم من تواجد مهاجمين كبار في خط الهجوم وخلفهم خط وسط فتاك .... ولا هو هلال كوزمين الدفاعي رغم ان الدفاع ما تغير من ذيك الايام ....

نعم فعلا , لم نرى اي بصمه واضحه معاه !!

وصراحه فعلا شي يقهر من الاداره يعني يشتغلون ويجيبون محترفين ؟

وبالاخير يجيبون مدرب فاشل لم يحقق اي نجاح مع الفرق الي دربها

وبصراحه مع المدرب هذا احنا ممكن نظلم محترفينا لان مافي مدرب يوظف صح

اتمنى من كل قلبي اعطاء ابو عبدالله فرصه لتدريب الهلال واقاله دول

لاني انا كهلالي صراحه حاليا فاقد طموح بانه يكون موسم استثنائي

لان ما عندك مدرب صح ولا عندك خط دفاع عليه الكلام خط دفاعنا ضعيف جدا جدا

كالديرون لما كان الفريق يعاني معاه الكل كابر وقالو لا مانبي اقالته وبالاخير اكلوها

وحاليا مانبي نكرر نفس الخطأ مانبي لما يطيح الفاس بالراس نقول ياليت وياليت

من الان اتدارك الخطا .

انااشوف المدرب ممتاز لكن المشكله عدم استقرار الفريق غير الفتره الاخيره وحتى في المباريات نحصل فرص كثيره لكل الاعبين هجوم ووسط لكن مانتوفق فيها
النقصه الثانيه تذبذب مستوى اللاعبين في نفس المباراه لان في لاعبين مزاجيين مهاريين اوقات يستخدمون مهاراتهم بصوره عكسيه زي ايمانا والفريدي
والدفاع مسرح هوساوي في الاحتراف

واخر نقطه في اجهاد عند بعض اللاعبين بسبب تواصل لعبه من السنه الماضيه وحتى اللان زي الشلهوب والزوري وغيرهم

فاتمنى يستمر المدرب

نتمنى التوفيق للهلال والله يوفق بن مساعد

اللوم على الاداره من البدايه مدرب ماله سي في تجيبه