|
اعذروني لازم افضفض ... ضغط المدرسة السلام عليكم ورحمة الله وبركاته ... بتكلم بالعامية عشان توصل الصورة بشكل افضل.،. لما نجلس في فصول المدرسة 6 ساعات متواصلة اكيد شيء يزهق ، ولما نطلع من الفصل عقاب كاننا اطفال ( توقف باقي الحصة ) ، ولما تخلص الحصة يكتفي الاستاذ باطلاعنا على اسئلة الواجب عشان نحلها ، واحلى شي عند المدرسين لما يقولوا ( الواجب كله ما ياخذ نص ساعة ) ياسلام عليك طيب مادتك نص ساعة والمواد الاخرى كل مادة على نص ساعة ، على كذا ضاع يومي ، ويا حليلهم لما يجي يوم الأربعاء يقولوا ( الاختبار يوم السبت ، وتصحيح الواجبات يوم السبت ) ، الإجازة وُضعت علشان نستفيد منها مو نقضيها حل واجبات . انا ماهو قاهرني الا المدرسين الكسالى ، يدخل الفصل يقول ( يافلان اقرا ، ويا فلان اقرا ، خلاص فاهمين - نضطر نقول ايوا لانه لو قلنا لا تبدا انواع الشتائم انت .... ماتفهم وغيرها :ranting:- ويطلع من الفصل ويقول ترى انا جنبكم لا أسمع صوت :s5s: ) . الفسحة وما أدراك ما الفسحة ، هي المدة الوحيدة التي يمكنك فيها فعل كل شيء من ( دخول دورات المياه - وانتم الكرامة - ، الشرب ، الأكل ، الوقوف في صف المقصف ، الكلام ، حل الواجبات ، مراجعة الاختبارات ، بعض الأحيان النوم ) ، كانهم حاطين الفسحة عشان لايجي احد ويقول ابغى اطلع من الفصل والمشكلة الفسحة كلها نص ساعة ووقفة المقصف 10 دقايق ولا مطعم البيك :ap: . وبعض المدرسين - هداهم الله - كأننا في عسكرية ، الممنوعات في الحصة ( التأخر ، اكل اللبان ، المسواك ، اكل الأظافر ، عدم لبس الشماغ ، الهمس مع زميلك حتى لو تقول ابغى قلم ) هذا غير وجه المعلم لما يدخل الفصل تقول شايف جني بسم الله s121s ، ومطفشنا بكلمة ( احترام الطالب ، وقوة الشخصية ) وهو مايدري اننا ساكتين عشان الدرجات ماهو حباً في شخصه العزيز جداَ على قلوبنا . لكن في جانب ايجابي للمدرسة مثال ( تتعلم تصير قوي من كثر المضاربات ، تصير محترف لعبة حركة ستوب لانك تجلس في الفصل كالصنم ) . في بعض المدرسين والله ندعيلهم ، طيب وحبوب وماحد يحقد عليه مادته سهل يسهلها زيادة ، لو يعطون دروس للمدرسين المتقاعسين المنفرين . اختم بـ(لو كنت فضاً غليظ القلب لانفضوا من حولك ) . اعذروني على الإطالة وووووووووو اسمحولي افضفض. لكم ودي :rose: |
وعليكم السلام ورحمة الله .. (( بتكلم بالعامية عشان توصل الصورة بشكل افضل.،. )) لماذا أخي الكريم تظن أننا لا نفهم إلا بالعامية !! على العكس أتمنى أن تنتشر العربية السليمة في الكثير من حياتنا . أما ما يخص صلب موضوعك و بجملتين : التعليم لدينا يحتاج إلى إعادة بناء من جديد بناء متكامل بناء المعلم والطالب والمنهج والمدرسة |
- وزارة فاشلة .. لا مراقبة ولا متابعة .. سواء على المدارس أو المسؤولين !! البرادة توجد في دورات المياه -اكرمكم الله- !! بالله من الحلو اللي بيشرب منها !! المقصف يكون أغلى من البقالة ! < وخدمات لك عليها .. شين وقوي عين ! و بعض المدرسين ما يأهلون لــ يكونون مدرسين اصلاً .. مالعيب أننا نأخذ أفكار من تعليم فنلندا ؟! 60% من المدارس في المملكة مباني مستأجرة ..! لا بأس عليك يا أخوي أن تفضفض .. من حقك !.:rose: |
إقتباس:
|
إقتباس:
انا كنت اتكلم عن المدارس الحكومية ومآسيها ، لكن اسمع عزيزي مصائب المدارس الخاصة ::.. 1- مقرها فيلا نظام امريكي . 2- المدير ومدرس الوطنية علمهم واحد ومستواهم التعليمي واحد ولا عندهم علم الادارة . 3- الأجانب الفلوس تسوي معاهم كل شيء 4- لما نخرب شيء يقولولنا قطو قطة وجيبوا بداله 5- الاختبارات النهائية قضينا كم يوم فيها نتصبب عرقا بسبب خراب المكيف !! 6- الملصقات التي تحمل اسماء الطلاب وارقام جلوسهم نحن من يلصقها 7- رئيس المدارس عليه من ثلاث اشياء ( سلامة المدرسين والمدرسة ، الفلوس اول باول ، لا حد يتكلم عليه ) 8- الكآبه فيها كانك تجلس في كازينو |
هههههههههههههههههههههههه وسع صدركـ ,, المفروض تعوتا على هالاشياء . |
اذا هذا ضغط ... أجل بالجامعة وش حتقول !! انا معك ان طريقة تعليم بعض المدرسين مثل اللي انت لابسه برجولك وأردى بعد !! لكن وانا اخوك الواحد يحاول يتماشى مع هذا الوضع .... اذا علمنا ان الأولين كانوا يقطعون المسافات الطوال فقط لكي يأخذوا حديثا واحد !! صحيح اننا نريد التطور ومواكبة العصر ولكن لسه فيه خير في بعض المدرسين وفي خير في بعض الطلاب ... يوجد الكثير من السلبيات في السلك التعليمي والتربوي .. لكن وانا اخوك .. العلم يبيله صبر ولازم تصبر على كل ه العناء عشان تصقل نفسك جيدا .... ألا تعلم أن لمعان الذهب لا يظهر الا بعد الصقل الشديد ... لك ودي .. وخذ ه الامور بأريحية وادعيلهم بالهداية من وزير التعليم الى مدرس الوطنية حقكم :) |
إقتباس:
( no mercy ) لكم ودي .. :rose: .. |
صبر جميل والله المستعااان |
انا طالب بس قسمم بالله كل المدرسه مهبلين بالاداره وياخي يرفعون ضغطنا طبعا ما ندخل المدرسه الا متأخرين عن الطابور ياخوي برررررررررررررررررررررررررررررد ويمغطونا في الصبح قسمم بالله يدي ساعتين قدام يالله ارفعها الشماغ لا نلبسها ولاحد يقول شيء مدرسين سعوديين فاشلين يارجال ما يعرفون يشروحون والله يخلي الخصوصين يفهمونك صح وازين مافي السعودي يعطي بالاخير في النهائي 5 اوراق عن المنهج كاااامل والله يعينا انا اخر سنه وانت الله يوفقك خيو |
شي طبيعي.. آلوزآره مآ ترآقب آلمدآرس ومآ فيه رقآبه على آلمعلمين.. بعضهم يكتب بآلسبوره كلهآ وتقضي آلحصه وآحنآ مآ خلصنآ ولآ نفهم شي أنآ جآي للمدرسه ليش وندفع فلوس ليش؟ و لآ آلي يقهرك أنآ مآ فيه وقت فيه متعه آلآ حصه آلريآضه.. على آلآقل نبي تنظيم رحلآت حتى لو كآنت مكآن سيئ.. |
إقتباس:
|
انا ما يضحكني غير المدرس اذا لقى له طالب نسى القلم عاد يبدا من الكلام انت ما معك ريال تشتري قلم ولا تبيني اعطيك ريال :ranting: والي يقهرك اذا جاء يبي يصحح يقول احد معه قلم احمر << مــع نفسكَ :mad: والمدير طبعاَ دايم ضد الطالب ومع المعلم اقولك يا محلل انت بي مدرسه بالمدينة :rose::smilie47: |
إقتباس:
ثانوية الملك فهد وانت ؟؟ |
التعليم في السعودية فاشل فشل كبير مناهج من العصر العثماني ومعلمين غير مهيئين اسلوب تعبان.. فيه معلمين قمه في التعامل والشرح بس نادر :cry: وبالاخير تتخرج وتصير عاطل عن العمل لان مناهجنا لا تخدم سوق العمل والتطور وغيره لما اشوف التعليم في برطانيا أتحطم (المفروض نطالب بتعويض على السنين الي عشناها في المدارس التعبانه........) |
| الوقت المعتمد في المنتدى بتوقيت جرينتش +3.
الوقت الان » 12:28 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd