|
إقتباس:
وهو اللي راح يجيب لنا الشهراني اما الاداره الحاليه بكل اسف فاشله نجران والرائد افضل في انهاء الصفقات المحليه من الهلال لاعبدالرحمن بن مساعد ولاالناقور ولاعبدالله بن مساعد قدرو جلب اللاعب ..! لو المفاوض مميز جلب اللاعب من سنه ..!:cry: الله يصبرنا على نامي السنتين الجايه ..! |
وآآو .. موضوعك الصراحه فرحني .. آخيرا شفت موضوع يعطي اللاعب حقه .. الصرآحة نآمي مظلوم بشكل كبير جدا .. بعد مبآرآة الشباب سويت موضوع عن نآمي وقلت انه مآيتحمل الهدفين مع انها كآنت من جهته .. لكني شفت ردود آقل مآيقآل عن صآحبها انه قليل آدب .. شقيقي نصرآوي وعقلآني, وحنا جآلسين نتآبع مبآرآة الهلال مع النصر .. قآلي نآمي في آخر المبآريآت صآير وآثق من نفسه ومستوآه رآئع .. وبالفعل ممتآز جدا .. شكرا لك عزيزي على طرح الموضوع .. |
صدقني داخل الملعب(بالارقام) ..نامي الظهير افضل من ايمانا صانع الصريح.. نامي صنع هدفين احداهما حاسم امام هجر والثاني قاصم امام الاهلي.. وسجل هدف حاسم جدا جدا امام التعاون. ايمان صنع هدف وحيد امام القادسيه.معاد ذلك لا اذكر..في جمهور هنا مع الخيل والقهر يصدقون تقول شوف اللعب شوف النتائج..يقولك مايهمني ..ماني مقتنع لو يجيب راس غليص. خلاص ماهو عاجبني ماهو عاجبني.. نامي لاعب شجاع..لايخاف وهذا جدا تعجبين حصل على افضل لاعب امام ايران وفي ارض ايران تعجبني طلعاته الهجوميه...فقط قليل من التركيز في الاوفرات التي بدات تظبط شيئا فشئاً.. ناااااااااااااااااااااااااااااااااااااااااااااااامي يابطل والجمهور الصاحي خلفك..واللي مايعجبه شكلك والاخشمك اقول لميس على قناة الام بي سي. |
إقتباس:
اجل لو مو مظلوم الظاهر هو قائد الهلال..! ابي اوافر واحد منه صحيح مابي اقول من يوم جاء للهلال ابي اوافر واحد صحيح هذا الموسم من نامي ..! الظهير اللي مايعرف يرفع اوفرات مثل الحارس اللي مايعرف يمسك الكوره بيده..! اتمني التجديد لنامي مايمنع الاداره من جلب لاعب ظهير محلي في يناير..! اذا استمر نامي راح تشوفون فضايح في دوري ابطال اسيا فاندية ايران واندية الخليج وبودنكور الاوزبكي ليسو الرائد وهجر والانصار. |
يا وجه الله .. الحين نامي لاعب فنان والجمهور ظلمه .. الله يرحم والديك لا تكرهنا بالكورة , حنا ناس نتابع كورة بكل مكان ونعرف ونفهم لكن تقولي لاعب خلوق ومنضبط ومدري أيش ما أختلفنا , لكن تقولي مبدع وما أخذ حقه هذي قوية .. يا أخي أنا إذا بدع الهلال قدام التعاون والرائد والنصر والقادسية ما أصفق ولا أستانس , لــيه . لأنه لا لعب قدام الإتحاد والأندية الإيرانية والقطرية سبحان الله ما يختفي لكن يظهر على حقيقته , دفاع متهالك ..... طيب وش الفايدة من الفوز على الاندية الي عديتها فوق ..؟ نحقق الدوري مثلآ .؟ لو أدربهم أنا حققت الدوري .. أنا أبي نامي والمرشدي والزوري ومن هم على شاكلتهم وزي مستواهم يبدعون باسيآ مو قدام النصر والفتح ..معروفه أي لاعب بالعالم تبي تحكم عليه أحكم بمباريات كبـــــيرة مو صغــيرة . أنا لو أدري أن نامي بيسوي شي باسيآ كان شجعناه ووووالخ... لكن المصيبة الدفاع ينفضح بالمباريات القوية . حتى هوساوي أنا أطالب بمدافع أجنبي معاه ويسانده لأني أعرف هوساوي بأسيآ مستواه عادي , بالمبارايات الكبيرة مستواه عادي , تابعته قدام ذوب آهن وش سوى .؟ تابعته قدام الغرافة وش سوى .؟ تابعته بمباراة أستراليا وش سوى .؟ تابعته بكأس اسيا قدام اليابان والأردن وووالخ وش سوى .. أنا أبيه بزي هالمباريات يبدع أبيه يشيل الفريق مو يبدع محليآ ويخذلنا خارجيآ .. أخــيرآ حلم أتمنى يتحقق برئاسة الأمير عبدالرحمن , اللي هو جلب مدافع جنب هوساوي وجلب ياسر الشهراني وإشراك شافي الدوسري بديل الزوري طوال الموسم . وأتمنى لا يكون مصير فواز فلاته زي مصير سلمان الخالدي ويحيى الكعبي , نجيبه ونحطه أحتياط وآخرتها ندفن موهبه اللاعب ونشركة بمباراة وحدة ونقول اللاعب متواضع .. تحياتي لك ... |
يرحم امك ي صصصاحب الموضضوع نامي نااااااااااامي والله ماعنده افضل من هالمستوى الي قاعد يقدم الحين للاسسف هو والمرشدي ونكبات سوري خيرات والحين لاحقهم الزوري ! اذا لعبو حطيت يدي على قلبي اعرف ان الكارثه ماتجي الا منهم مدري ليه يجددون معه بيجلس عاله سنتين ! الله يعين بس ان ششششاءالله يجي الششهراني ونرتاح ويلعب ششافي بدل الزوري وباذن الي ماتنام عينه يصير فواز فلاته نسخة ابو كلبشه والله يعين اذا راح هوساوي من يغطي بلاوي المرشدي ! |
إقتباس:
كانه ابو عشرين سنه مادرو ان عمره 29 سنه ..! اوكي مجتهد خلوق منضبط ماقلنا شي لكن تحطه اساسي وتجدد الثقه فيه..! اجلب لاعب ظهير محلي ويصير نامي بديل له ..! اما ترفض تجيب لاعب محلي وتقول مستواه في تطور كانه ابو عشرين سنه..! تقبل مروري.:rose: |
انت من افضل الاعضاء وربييي .. انت ملك ..بالفعل نامي مضلووم وبطل واكثر شئ عاجبني ان توماس مدية فرصة وثقة !! وبإذن الله سينضم للمنتخب والايام بيننا |
نامي والله لو انه صاحب لوك كان لقيته النجم الجماهيري الاول للاسف فيه بعض الجماهير تحكم من الشكل والدليل ظهير ثاني توه شباب مابي اقول اسمه وهو معروف لسه ماقدم شي وشوف التواقيع والمواضيع عنه عشانه صاحب لوك مدري ليه بعض الجماهير تحكم كذا للاسف الحمدالله تم التوقيع معه والله يوفقه يارب |
بعض الجماهير مع الخيل ياشقراء قالو الشهراني قالو الشهراني تراه فاشل ونامي تابع والى الامام ومعليك من طابور الصف الخامس انت الضهير العصري لا اقولها مجامله لاكن لاعب كان يلعب في الانصار وسط متقدم وفي نادي زي الهلال ضهير ايمن مشكور ومليون بوسه |
إقتباس:
لا تتحمس يا حلو آسيا ما تبي ظهير يمين أحسن من نامي آسيا تبي اعداد نفسي تبي لاعبين يستذبحون في الملعب تبي جمهور ما يضغط على الفريق تبي جمهور يعبي الملعب و ما يسكت تبي ثقه تبي اداره هاديه و تعرف تبعد لاعبينها عن الضغوط في بطولتين آسيويه كان معنا لي يونج و لا سوا شئ, لا و نكبنا في نصف النهائي و انطرد واللي العن منه المدافع اللي رجيتونا فيه تسبب في الهدف متى ما حضرت الروح بنجيب آسيا |
إقتباس:
والا مبارك البيشي وش قدم عشان كل هالتمجييد وكل هالتصاميم :to: والي يقول الاسيويه بعرف وش سوا لي يونغ بالاسيويه ؟؟ يحسسوني ان الاسيويه يبغى لهاا ظهير ايمن بس وتصير من نصيب الهلال :to: الله يوفق نامي ويطور مستواه ومستوى الفريق ككل لان الهلال الي اشوفه الحين مو هلالي الي تعودت عليه :ba: شكراً صاحب الموضوع وكلمة حق تستاهل عليها الشكر |
اي نامي الله يهديك انت بتشوف قدام الاتحاد والشباب والفرق القويه وبالذات في اسيا. الكوره وين وهو وين. |
نامي مستوآه مقبول . ولكن نحن كنادي كبير نبغى ظهير ممتاز يرفع رفعات مضبوطه لأن مهاجميننا طوآل * |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 06:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd