|
يوسف العربي ماقدم شي يشفع له بالبقاء !! سلام عليكم ورحمه الله بركاته صراحه استغرب من بعض الجماهير تريد خروج المهاجم يوسف العربي من صفوف الفريق !! لاعب هداف ومكسب لدوري السعودي قبل لا يكون مكسب للهلال البعض يقول ماقدم مستوى الي نطمح له والبعض يوصفه بانه يملك نفس امكانيات طيب الذكر احمد علي :smilie47: يوسف لاعب محترف وكلنا عارفين بانا لاعب الي يكون جديد على الفريق يكون بحاجه لوقت للانسجام الهلال لعب 9 مبارايات شوفو يوسف ايش سوا بالتسع مبارايات 1-سجل 6 اهداف 2- تسبب ركلتي جزاء 3-صنع هدفين 4-تسبب بالفاول الي سجله الشلهوب على النصر يعني لاعب ممتاز ومكسب للفريق وقدم هذا مستوى رغم انه للحين مانسجم اجل ايش راح يسوي اذا انسجم :s5s: اتنمى من الجمهور الصبر على يوسف العربي اتمنى من الاداره عدم موافقه على عروض الي جته من انديه الفرنسيه لانها ماراح تلقى البديل المناسب له لانه فتره يناير قصيره للمفوضات سلامتكم بالتوفيق ليوسف مع الهلال :alzaeem: |
مشكور اخووي HiLaLy 4 EvA يوسف العربي لاعب ممتاز بس يحتاج شوية وقت ويسير وضعه في السليم بعد توفيق الله طبعا. لازم نصبر يازعماء الي منتقدين وانشاالله من احسن لأحسن. وياليت فيه منك كثير . الله يعطيك الف عااافيه بالتووفيق للزعيم |
صبرنا على غيرهـ خمس سنوات.. بنصبر عليه ولو لموسم.. إن شاءالله نشوفهـ هداف الدوري |
مشكور على المعلومات الي طرحتها وبأذن الله راح يكمل ويرجع ولي بدال ايمانا |
قسم بالله ياخوي انك قلت اللي في خاطري .. هذا الاعب مو مكسب للهلال بس هذا مكسب للدوري السعودي بكبره ... واضح ان يوسف يملك امكانيات المهاجم الكبير اصبروا وراح تتذكرون كلامي وكلام هلالي ... يوسف وهرماش افضل الاجانب الى الان وبالارقام بعد ... دمتم زعماء ,,,, |
يوسف العربي ( سميي ) خخخخخ بصراحه بطل وكل مباراة يقدم مستوى رهيب .. اتمنى مايروح صراحه |
مافي خوف على يوسف راح يبدع بس اصبرو |
احلا مافيك انك تفائلت فيه غيرك حطمه ومايبيه وانا اقول اصبرو عليه |
العربي يبدع اكثر لما يكون معاه مهاجم ثاني يخفف المراقبه عليه لكن يعاب عليه كثره ضياع الفرص السهله امام المرمى |
المشكله بيووسف انه لاعب ثقيل يعني الحين لوو ينفرد بالكوره كل الاعبين الي وراه يجيبونه وهو ماووصل الباب ! ببنصبر لين يناير ونششوف اذا ماانسجم اتمنى يروح دام جايته عروض كويسه ويرجع لنا ولي والاعب الفنان يبين عليه من بدري شف هرماش ! من اول مبااراة وديه باالمانيا وهو عليه لمسات جنونيه ورغم اصابته الا انه لعب اقل من العربي واصيب ولازال يلفت الانظارمشاءالله بس يوسف اكثرالاعبين اجانب لعب وللحين مو مقنع ,, مششكور اخووي على الموضضوع |
أخواني جمهور الزعيم أتمنى منكم الصبر على جميع الأجانب حتى نهاية الموسم وبعدها أحكموا على راحتكم عطوهم فرصة عشان تقدرون تقيمون بدقة وتذكروا ويلي أول موسم الكل انتقدهـ وطالب برحيله ولكن الادارة أعطته فرصة وبعدها صار نجم الفريق الأول وكذلك نيفيز أول المباريات أنتقد وما أعجب الجمهور بعدين صار من نجوم الفريق أنا متفائل نهاية الموسم كلكم ان شاء الله راح تمدحون الأجانب وبيقدمون اللي يرضيكم s13s أختي مهجدة جمهور الحالمي أنتي تقولين اللاعب الفنان يبين من أول المباريات !!! ما أتفق معك والدليل ويلي موسم كامل ماقدم شيء يذكر والعديد من اللاعبين نفس الحال وبالنسبة لأجانبنا كلهم نجوم وأبدعوا في أنديتهم السابقة ماشاءالله وهذا يدل أن مشكلتهم هنا الانسجام والتعود على أسلوب لعب الفريق بعدها سيصبحون الأفضل في الدوري وفي أسيا ان شاء الله :alzaeem: شكرا للجميع :smilie47: :rose: |
انا من وجهت نظري ان الهلال اخطاء لما جاب مهاجمين نفس المقومات مهاجمين صريحين كنت اتمنى ان الهلال يجيب مهاجم صريح والثاني يلعب خلفه . مــــثــــــل لاعب الصندوق ( الكــوري ) والمهاجم الثاني يكون (برزيلي صاحب امكانات عاليه يلعب خلف الكوري وعلى الطراف ) |
والله اسستغرب من بعض الجماهير انت تحكم على يوسسف العربي من الان اللاعب مسجل 6 اهداف وربي لاعب فنااان واللي يقول ثقيل هو لاعب صندووق ولعب العربي مشابه للعب توريس و ابراهيموفيتش يعني لاعب هداف وبسسس كـــم انت فــــــــنــــــــان يَ ابن الــمـغ ـرب |
6اهداف 3 منها في مباراة واحدة الله كريم |
إقتباس:
ولكن ومن وجهة نظري اعتقد بأن جلب لاعب بمواصفات العربي لم يكن سوا للربح المادي في المقام الأول ثم الاستفادة منه في الدوري . مسألة بقائه اعتقد بأنها كان مخطط لها لمدة عام فقط فهو لايزال في ريعان الشباب 24 عام وبنيته ماشاء الله تبارك الله تحمل مؤهلات اللعب في أوروبا ،و ان توفر العرض المغري في يناير سيتم بيعه . هذا التوجه له مسبباته لدى الأمير عبد الرحمن كونه قد وضع في حسبانه بأنه سيحتاج المال في الفترة المقبلة للتجديد لبعض اللاعبين المهمين ومن ضمنهم أسامة والفريدي . قلو تم بيع العربي وبيع ايمانا وجلب مدافع وعودة ويلي و الابقاء على الكوري اعتقد بأنه لن يتغير على الخارطة الهلالية شيء كثير كون ايمانا لم يظهر أي تأثر في الهلال حال لم يشارك فقد شارك الهلال بمباراتين في الدوري أو ثلاث مباريات لم يشارك بها ايمانا وكان الهلال يفوز بالأربعة و بالثلاثة بينما العربي فله ثقله ولكن قد يغطي الكوري جزء من غيابه وهذا من وجهة نظري في توجه الادارة الهلالية . وعلى ذلك سأدع الادارة الهلالية تفعل ما تراه فكلي ثقة في توجهاتها |
| الوقت المعتمد في المنتدى بتوقيت جرينتش +3.
الوقت الان » 02:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd