| إقتباس | | | | | | | | |
من وجهة نظري ,,, صعب احكم على الاعب او المدرب وهو في مكان واحد ... عشان احكم بالشخص هل هو ناجح ولا لا .. يجب انك تختبر قدرته في اكثر من مكان وفي اجواء مختلفه | | | | | |
| إقتباس | | | | | | | | |
ما احد ينكر انه استطاع انه يعمل نقله نوعيه للفريق .. لكن سيستم الفريق .. من زمان والبرشا طريقته مقاربه لهالشي .. واستطاع بذكاءه استغلال الخيارات اللي عنده | | | | | |
| إقتباس | | | | | | | | |
نحكم عالمدرب لما نشوفه في اجواء جديده .. او جيل جديد .. او ظروف متغيره | | | | | |
بافتراض انه كلامك صحيح تماما .. و بالاستناد على المعطيات الا حطيتها قبل ..
هل لو صنع جيل جديد برضو راح يكون ناقص؟ باعتبار .. انه راح يكون تابع لاسلوب المدرسه وراح يعتمد على نتايج السنين الطويله للعب الفريق بنفس الاسلوب .. فـ تيتي تيتي مثل مارحتي جيتي .. صح؟
باختصار .. نظريتك مجالها ضيق جدا ..
هل شفت كل تاريخ الكره؟ لا .. هل كل اللي يمدحهم التاريخ غيرو اماكن لعبهم او تدريبهم؟ لا .. هل كل من غير مكانه نجح ؟ لا
لكن ينمدحو لانهم ساهمو في عمل نقله نوعية في كرة القدم في الوقت الا كانوا فيه شغالين
اريغو ساكي مثال حي (ينذكر بفترته مع ميلان)
كرويف (ينذكر بفترته مع برشلونه)
هل فيه احد يقدر يقول شي عن ديل بييرو؟ .. طول عمره باليوفي .. اوه بتقول ايطاليا ؟ وجاب كاس العالم ومادري ايش .. طيب ترى كان احتياط ..
مالديني كان لاعب نادي واحد وماحقق شئ مع منتخب بلاده .. هل هالشي يخليه ماهو لاعب كبير لانه ماختبر نفسه في مكان ثاني؟
جزء من طبيعة البقاء في محيط كرة القدم هو الشغف والعاطفه .. واذا فيه احد يحب مكان ماراح يغيره عشان يجرب مستوى روحه في مكان ثاني!
وش فايدة بطولات مثل تشامبيونز ليق او كاس الاتحاد الاوروبي .. مو انه الكل يتنافس فيما بينه ويشوفو من الاقوى ..
فيه مقياس بالنسبه لك افضل من بطوله تجمع الافضل بقارة كامله؟
ما فيه شئ يجبر احد انه يغير مكانه عشان يثبت للغير انه جيد بما فيه الكفايه .. اذا نجح وحقق بطولات .. راح يسجله التاريخ انه كان ناجح وهالشي راح يكون موثق للابد .. والا يحاول ينقص منه او من انجازاته .. راح ينسوه الناس بعد كم سنه!