|
. . من الواضح أن الحربي مشجع أكثر من كونه معلق وأتمنى من القناة الرياضية (تخصيص معلقين لكل مبارة) حتى يختار المشاهد من يُريد ويرتاح لتعليقه .. . . |
يرجاال مايدريك بعد هدف الهلال الثالث قام يخربط ويهذي ويقول مثلث برمودا وماادري ايه انت معلق ممتاز ياحربي لاكن لايغلب ميولك على عملك |
سواء قال ولا ماقال الكلام هذا يعتبر مدح للحارس ومبروك الفوز |
وآلله غَرريبْ هَالمعَلقٌ ,ؤمبرُوك للزعَيم |
السعوديه هي الناقل الحصري للدوري السعودي.. وهذا الشئ يؤسفني كثيرا.. التصوير سيئ والاخراج اسوأ..والتعليق يزيد الكارثه عبد الله الحربي بالامس ظهرت ملامحه النصراويه.. بكل أسف... السعوديه الرياضيه هي الناقل الحصري للدوري السعودي. |
امس عبدالله الحربي يحارب الهلال من تحت إلى تحت ويذكر بنتيجة 5-3 وكيف انقلب الحال لمن كانوا راح يتعادلوا معنا وكان وده انه يصير كذا ما ادر وش يحس فيه . |
اقول وش فيكم انتم المعلق ايش قال ماغلط ولاشي ومدح الهلال مدح غير طبيعي وبعدين الى متى نلتفت لهالامور اللي ماتفيد الزعيم بس انتم تتصيدو عليه الزلات عبدالله الحربي هلالي مليون في الميه وله مقطع يثبت انه هلالي |
إقتباس:
اي تحريض واي خرابيط خيالك واسع مرررررررررره انا شايف المباراة والكلام الي قاله مجرد مدح لخالد شراحيلي والله مشكله كبيرة (اذا المعلق مدح لعيبتنا قلتوا محرض ويبغى اللاعبين يطالبون بعقود اكبر واذا مامدح لعيبتنا قلتوا هذا متعصب ويكره لعيبة الهلال ياخي وش تبيه يسوي اجل والله ما عرفنا لكم وبعدين بذمتك يا صاحب الموضوع هرماش ماترك الكورة ورجع على عباس وضربه بس الحمدلله انه ماطرد اتمنى نكون عقلانين في طرحنا واذا جيت تكتب موضوع اترك العاطفة على جنب وفكر بالمنطق والواقع ولعلمك ترى ترى الحربي هلالي |
عزيزي هذا هو الاعلام ثرثره و بس اتمنى الااداره ما تعطيهم وجه ودي و احترامي |
اصلا انا امس متابع المباراة وانا كاتم الصوت !! انا غاسل ايدي منه من اول ماصرح انه اتحادي !! |
عن الحارس المتألق خالد شراحيلي يعتبر مدح وإذا الحارس خالد شراحيلي صغير عقل |
إقتباس:
كلامك مردود عليه واسلوبك وعدد مشاركاتك ((16)) مشاركه مثيره للريبه انك مجرد مندس وتعريجك على طرد هرماش ، ونصبتك بالضربه القاضيه ان الحربي هلالي وهو نصراوي مقطع اربع وربعنا بالحرس يعرفونه قد ايش يكره الهلال نصيحتي خلك بحالك وارجع الى مراعيك الصفراء المجدبه والعب بعيد ياحبيبي تحريييييييييييييييييييييييض من الدرجه الاولى مايبيلها نشدة شيخ |
اولا مبرووووك الثلاث نقاط والقادم افضل ... ومن ناحية المعلق شوف انا بالنسبه لي رافع ظغطي ليش انه لاحظته يصرخ بقوووه لما تجي تسديده للنصر لدرجة اني قصرت ...بس ماهمني لان الابداع استمتعت فيه من الزعماء ...والخشبيه راح تظلل خشبيه طيـ... في ....صر (الي فهمها فهمها) ناحية انه يحرضه بسلامته يقول الي يبي ... الاداه ابخص بهالامور واعتقد انهم راح يعطونه الي يستحقه ... وتميز ولا ماتميز في هالمباراة مااعتقد انها راح ترفع او تخفض قيمته .. واحلى تحية لادائه الجميل |
فيه مثل يقول : لكل بارز اعداء فالهلال ينطبق المثل عليه لانه دايم ياخذ بطولات بعكس النصراوي والاتحادي الي يعادون الهلال ولايبون له الا كل شر اللهم وفق الهلال واحفظه من الحساد <<<<حط على الحساد 90 خط |
عبدالله الحربي من المعلقين المتميزين ولكن منذ قدومه للخشبيه وميوله بدأت تنكشف وبأسلوب خبيث في مباراة الأمس حالات كثيره تثبت ما أقول ولكن أقواها لحظة طرد بينو يسأل من الذي سيأخذ بطاقه حمراء ويكرر السؤال ليدخل الشك في نفس المشاهد من صحة قرار الطرد رغم أنه وااااااااااااااااااااااااااااااضح جدا وهذا ما اسميه خبث في تشويه الحقائق وتأليب الرأي العام أحد الأصدقاء الحالميين شاهد المباراة معي وقال نسيت البكر وهلاليته وكان ردي بأنه على الأقل مكشوف ودون خبث ومدعي الحياديه أتمنى أن يعود الى ابداعه بعيدا عن الميول |
| الوقت المعتمد في المنتدى بتوقيت جرينتش +3.
الوقت الان » 07:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd