|
الفريق ينقصه مدرب يلعب بمحورين ويكون حسن ونامي خارج التشكيله ويلعب بلاعبي وسط يساندون الهجمه والظهير وبكذا ماراح نستعجل على دول اما يخبص بنقول هذا غلط لو فاز ب10 لك احترامي |
الاخوان روكي19 sakr20 اشكركم لانكم وصلتكم وجهة نظري كاملة الاخت سعوديه والهلال ناديه الحظ مو دايما يجيب البطولات والسد لمى حقق البطولة هذا شي مايتكرر الا كل مدة طويلة يعني لازم تكون واقعي والحظ والنصيب الله يقسمه لازم تعمل وان شاءالله ربنا يوفق الزعيم الاخ العزيز زياد 2007 يعني عشان انا اسمي عزيز وبس يعني خلاص حقدمه عالهلال؟؟ انا ماني من الجمهور اللي همه الوحيد انه يفوز عالنصر او الاتحاد انا يهمني انه مايجي يوم اشوف فريق عاجز فالملعب فريق ينتظر بلنتي او ضربة ثابته ليسجل يعني امس عاجبك اللي سواه خالد الغامدي ماخذنا خط سريع ان سعيد بالفوز لكن لا اريد ان تنسينا فرحة الفوز اخطائنا لابد ان نكون سند للادارة عشان نلفت نظرها لشي قد يفوت عليهم او ماركزو عليه بشكل كبير لكن اسعدني تصريح الامير عبدالرحمن بعد المباراة ان الهلال جيد وليس ممتاز وشكري وتقديري لبقية الاخوان |
أوفقك في كل كلمه قالتها نعم دفاعنا ضعيف وسهل اختراقه اتمنى من ابو فيصل دعم الدفاع خلال الانتقالات الشتويه شكرا لك اخوي |
آنـآ من وجهـة نظري ان آلهلآل يقـدر ينآفس آسيويآ بآسوأ حآلآته مع إنّـي مآ آشوف إن آلهلآل سيئ .. الهلآل مستوآهـ جيّد مقآرنه مع الهلآل نفسه مع جريتس فقط إن آلهلآل اسوأ من الهلآل قبل موسمين ... لآكن بقي آلآفضل بالدوري حتى آلآن |
إقتباس:
جبنا شي في كل الحياه انت تذكر موسم قريتس كان الافضل وش جبنا سوى البطولات التى نجيب سنويا لان الله لسه ماكتب لنا غيرها ولاتستهين بالحظ الله سبحانه وتعالى يقول في كتابه وما يلقاها إلا الذين صبروا وما يلقاها إلا ذو حظ عظيم تفسيرها وما يلقاها ) ما يلقى هذه الخصلة وهي دفع السيئة بالحسنة ، ( إلا الذين صبروا ) على كظم الغيظ واحتمال المكروه ، ( وما يلقاها إلا ذو حظ عظيم ) في الخير والثواب . وقال قتادة : " الحظ العظيم " الجنة ، أي : ما يلقاها إلا من وجبت له الجنة . 000000000000000000000000000000000000 انا هنا لا اقارن الجنه بالدنيا حاشى لله لكن احب ابين لك ولغيرك ممن يعترض على الحظ فهنا يأتي وجهين بانه من له توفيق في الخير والثواب والشي الثاني اي من كتب له الشي مقرون بالعمل الصالح 00000000000000000000000000000000000 نعم انا لا اطالب بعدم العمل بل نعمل ونجتهد لكن في حالة عدم التوفيق لا نتضجر فهذا شي كتب لنا وياخي الفريق مو مقصر ولله الحمد صحيح يمكن يكون فيه بعض الضعف في الاظهره او الدفاع لكن لابد نحمد الله ونشكره على توفيقه رغم الخلل ولانعتمد على القوه فقط لان قوته الفريق في جميع خطوطه اذا لم يصاحبها توفيق لن تنفع والادله كثيره مع كوزمين كنا الافضل دفاع ومع هذا لم نوفق ومع قريتس كنا الافضل في كل شي ولم يحالفنا التوفيق نسال الله ان يديم على هلالنا توفيقه وحتى وان كان اضعف الفرق في كل الخطوط |
شكرا لك يا غالي معك فيما ذكرت بصراحه صعب الحكم تعرف السبب لان قوة الاعب توضح في مباريات القوة و الله وفق امس و لا كانت نتيجة طيبة للنصر وفق الحارس الواعد بقوة في التصدي بتميز و هرماش يستاهل الطرد و ماكان له داعي و اتمنى من هذا الاعب يستفيد من الدروس و يتحلى بالاخلاق المطلوبة لنجوم الزعيم |
بصراحة فقدت الامل في هذه الادارة ! تخيلوا سنوات والفريق ضحية اخطاء دفاعية ،، ولا زال نامي أساسي ! وكذلك المرشدي والزوري ! آسيا تبي مطنوخ مثل البلوي ،، ما يهمه الا فريقه ،، لطش خميس والدوخي ،، ولطش اللي يبي من الاهلي . وربعك بلشين يسوون لائحة لسقف مقدمات العقود ! اقول تقهو |
نتمنى احضار عقيل باللغيث وياسر الشهراني وعبد المطلب الطريدي |
في ظل ظروف التغيير الكبير بتشكيلة الهلال + كثرة التوقفات تعتبر النتائج ممتازه ويعتبر الهلال اقل فرق الدوري فقداً للنقاط نعم هناك اخطاء ولكن الاخطاء تخوف اذا كان هنا رضى واحتفاليه من النادي بهذا المستوى لكن مدام نشوف الرئيس وسامي يطلعون ويأكدون انهم غير راضيين معناته التصحيح بإذن الله قادم |
إقتباس:
ياخوي الرجال قال وجهة نظره وهو صادق مباراة الرائد ثم الانصار ثم النصر المستوى في نزول للاسف وقبل الكلام عن اللاعبين يجب الكلام عن المدرب ماذا قدم من عمل حتى الان هنا السؤال وبس |
انا الحظ ماشي مع المدرب وكلها اجتهادات لاعبين لانا ماشوف اي تكتيك واضح من المدرب .. الحين بيجي واحد بيقول ترا الفريق ماجتمع مدري ايش وتوقفات ياحبيبي اقولك مافي تكتيك واضح تحس كل واحد يلعب بأسلوبه انا بقولك اذا راح نستمر على كذا الله يستر .. بعدين مو فوزنا على النصر تحسون انه اوك .. صح المهم ثلاث نقاط بس ناظر المستوى .. يعني لو واجهنا فريق هجومي راح تعرف كيف الوسط والدفاع ضايع ارد على اختي سعوديه .... مو الحظ الي ساعد السد اهم اجتهدو وتعبو ولعبو بروح قتاليه ورجاليه في الملعب وسلاحهم الاول انهم بعدو عن الاعلام ولا سببلهم ضغط بعدين شوفي كيف الاجانب ماشا ء لله يعطون في الملعب ياكلون الخضر واليابس .. عبد القادر كيتا هذا كنت اتمناه انه يجي بدال ويلي بس الله ماكتب .. وممادو نيانق ونذير بالحاج تقبلو مروري وحترامي لجميع الاعضاء |
وللعلم العربي / ايمانا / الكوري لاعبين كبار لم يجدوا مدرب يوظف امكانياتهم جيدا . هل شاهدتوا جمل تكتيكية بين افراد خط المقدمة منذ قدم المدرب ! |
إقتباس:
انا معك في نقطه انه المدرب مايعرف يوظف الاعبين :ranting::s5s: |
والله انك مسكين والظاهر حالة عزيز افقدتك صوابك اجل ماننافس بالاسيويه، بعض جمهور الزعيم يجهز العصابه قبل الفلقه اتركوا النادي للرئيس وبإذن الله تنحل كل المشاكل، لكن كل من هب ودب قام يكتب وينقد ويختار اللاعب الي يبي ينقده مشكله كبيره، وسواء نامي او غيره من الاجانب الاداره ابخص وادرى بتغييره او ببقائه، شاهد واستمتع مع الزعيم والنقد خليه آخر الموسم # هذا الكلام الي ابي اسمعه :) |
ممايؤسفني جدا أن يكتب اويتحدث البعض بطريقة إعلام الأصفرين ,نحن فائزين ولله الحمد فألف مبروووك ,وش عاد لاسمح الله لوالفريق إنهزم بيطلع كلام كبير مع إحترامي الشخصي لكاتب الموضوع وبعض الأعضاء ان تقزم الفريق وخاصة العضو روكي 19 كأنك متخرج من منتدى الأصفرالصغير او متخرج من مدرسة سعود الصرامي او عدنان جستنيه وماشابههم من اشباه الإعلاميين ,فريقك يفوز في جميع المباريات وأنت تقول الفوز جاء عن طريق كور ثابته وغلطه من المدافع الأصفر ,ربما أنك أحد الأعضاء المتألقين في ذلك المنتدى الأصفر |
| الوقت المعتمد في المنتدى بتوقيت جرينتش +3.
الوقت الان » 01:24 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd