|
(( توماس ... ][ بنادول ][ ... ابيكـ بكلمة رأس ... )) السلام عليكم ورحمة الله وبركاته .. صباح / مساء .. الخير جميعا ً انا من عادتي ادخل واتابع الاخبار واشارك ولو قليلا ً بهالمنتدى الي اعتبره بيتي من سنين وإن قل حبر قلمي في الجريان بين سطورهـ ... ولـ ماللقاء الخميس او مايسمى ديربي الرياض الذي يشدني ويطربني ويمتعني مشاهدته من متعة كبيرة ومثيرة او كما يحلو للكثير بوصفه بـ ( ياربآآآآه ) يازينه من ديربي , صرت انتظر هذا الخميس بفارغ الصبر واللهفة لـ انعزل في غرفتي وحيدا ً متفاديا ً كل ( العزايم من الربع ) لمشاهدة المباراة معهم لاستمتع بها وحدي تارة بين لمسات الفريدي ( اذا كان مروق ) وتارة اخرى لتوقع اين سيضع الشلهوب الكرة واخرى لكيف سيتعامل الهجوم ( العربي & سو ) بـ مبداء انت وضميرك امام المرمى اما بهدف يرفع الغلة او بكرة مرتدة يقف لها ( كلبشة ) الدفاع ومن بجانبه بكل قوة وجبروت . عذرا ً فـ إن تركت العنان لمخيلتي للتعبير سوف يطول الموضوع ويتخلل الملل اجزائكم الدماغية فدعوني ارحب بكم في رحلة ممتعة مع ما شدني لكتابة الموضوع هذا ( والله يعينكم علي ) إقتباس:
( بـ ألعامية ) ......... توماس دول خييييييييييييييير وش تحس فيه طال عمرك اجل ايمانا تبعده عن اللقاء (ياويلك لو يدري كبير الهلاليين وهو الي وصل موضوع انتقاله للزعيم المليون مشاهدة ) اجل على شان ايمانا ماطب في المسبح لانه يحس بشوية برد تمسسك معك طال عمرك انك تستبعده وفي لقاء مين لقاء النصر ؟؟!! ياخي انتآآآ ماتحس يآآآخي انت ماتعرف وش لقاء النصر والهلال انت الحين قاعد تضر الفريق ادري بيجي واحد من اخواننا في الله ويقول هذي قرارات انضباطية ولو ترك الحبل على الغارب لخربت برد عليك هنا اخي الفاضل واقولك بعد لقاء النصر ( امسك ايمانا يا توماس بنادول اقصد دول و وقفه على صلعته رأسا ً على عقب وخله يعمل برمه ) وسو الي تبي فيه اخصم راتبه احرمه مكافئه وقفه كم مباراة مو مهمه كثيييير من الاشياء تقدر تسويها وراح نقولك الى الامام سر ونحن خلفك بس تجي في هالوقت وتزيد المواجع يعني مايكفيك غياب العتيبي وانشغال هوساااوي بالجبنة الفرنسية والزبدة الدنماركية ؟؟؟!!! ولحظة بسألك .. وش قصدك بهالكلام الي تحت .. إقتباس:
تعال تعال قولي متى لعبت مباراة قوية يغلفها طابع التنافس والاثارة ( الشباب ولا الاهلي ) اذا هذا قصدك فـ اسمح لي ... ( عندي الخزان في السطح يهرب مويا تعال شفه ) مالعب الهلال في هذا الموسم مباراة تقدر تقول انها مثيرة او حماسيه مع احترامي للكل الشباب فاز علينا بكل اريحية والاهلي ( مسكين كسر خاطري ) ... وبخصوص كلامك .... إقتباس:
فخذها مني عزيزي من الحين الي قاعد تسويه راح يوصلك لصالة الرحلات الدولية بمطار الملك خالد الدولي ( وهوه مطار دولي يبعد عن العاصمة السعودية الرياض حوالي 35 كيلو متر) لا تنسى هالمعلومات ع شان تقولها لسواق الليموزين .... كل الي اتمناه من شبيه الريح يتدخل لاني قريت انه رافض التوسط في الموضوع فـ تكفى يا بو مساعد الا ايمانا وبالذات هالوقت اقرص اذنه وسو الي تبي فيه بس بعد مباراة النصر . وعذرا ً على الإطالة وعذرا ً على الاخطاء الاملائية وعذرا ً جمهور الازرق وعذرا ً يا يوم الخميس . |
ياخي وش فيك انت على الرجال انت الظاهر مثل الي يمسك له ويحتريه يزل عشان يقول قايلها من زمان ..! |
إقتباس:
اذا تشوف الامر عادي .. فـ تحيتي لفكرك |
إقتباس:
وماأتوقع انه ماراح يشركة راح يدخل واساسي ان شاء الله :yes: |
إقتباس:
واتمنى يطلع كله تخدير لفريق النصر ونشوف ايمانا اساسي لكن الي انكتب تعليق على كلام المدرب وتحيتي لك |
كلام سليييييييييم 100% توماس دول هذا يبي يدهور الهلال والكتاب من عنوانه مدري ليه الإدارة تحتري الهلال ينهزم يعشان يقيلونه واضح واضح واضح ان المدرب فاشل مايحط خطة زين الناس ولا تشكيلة ولا تكتيك تذكروا قريتس كيف كانت الفرق تتساقط أمام الهلال بلاعبين اقل مستوى ممن هم عليه مع توماس أيضا كوزمن كيف كان يحبك الدفاع هذا لارباع ولاسديس لا مهاجم ولامدافع فوز مجهود اللاعبين وبركة رب العالمين بعدين المدرب يحب يتمشكل مع اللاعبين اجل حسن العتيبي عشان وجبة وقفه مباراة وترتب عليها انشال من تشكيلة المنتخب الأساسية يعني سبب تغيير العتيبي من حارس المنتخب الأساسي للاحتياطي وجبة توماس دول حنا جمهور ماتعودنا على الهزايم ولانبيها ومستحيل نتحملها اي مقصر او متسبب في تراجع الكيان الهلالي كلنا ضده إيمانا من أهم اللاعبين المتواجديد في السعودية وأهمهم بالأخير قرار أرعن خنفشاري من توماس أخرج أهم لاعبي الهلال من أهم مباراة في الدوري أشكرك اخوي على الطرح |
بالعكس انا مع ابعاد ايماناا .. لمصلحة الهلال اولا واخيرا . شكرا |
كفوو يا دول استمرر نبي انضباطية بالفريق كل اللاعبين سواااسية انت يا راعي الموضوع اللي مدري وش تحس به؟؟ !! اتمنى من المشرفين حذف الموضوووع موضوع لا يصب في مصلحة الفريق العقل نعمةة !! |
ايمانا عندما لم يلعب مع الاهلي فزناااااااا بالاربعه اماااا بندول فصبروا عليه شووووووي ،،،،،،،،،،،،،،،،،،،،عطو سداح فرصه ،،،،،،،،،،،، |
ايمانا راح يكون اساسي في مباراة الديربي وكل مايثار عن المدرب كذب في كذب وتمنا منك انك تهدي من حذة الانتقاد على المدرب ,. |
إقتباس:
فعلا فوزنا المباريات الي راحت بركة من رب العالمين ودعاء المساكين الجماهير المقهورة من طريقة اللعب والخطط تحيتي لك اخوي |
إقتباس:
ياخوي لو تقراء موضوعي قلت عاقبوه بس مو الحين واعطيتك كم طريقة للعقاب بس شكلك من الي يقراء النص ويجيك مدرعم :laugh: عموما تحيتي لك |
مايتعلق بالمدرب بهو اسواء بكثير من مما توقعت فقد لعب الفريق 8مباريات مستوى متذبذب ولم تظهر اي لمسات للمدرب ((اااااه ياجريتس) اما بخصوص المتعالي ايمانا فمكانه في دكة البدلاء لكي يعرف انه يلعب مع فريق كبير فلا يعني قدومه من الدوري الاسباني ان يكون متعاليا علينا لا والف لا يا ايمانا منذ قدومه لم اشاهد له ولا جمله فنيه رائعه بل اكثر تمريراته مقطوعه ويعتبر بمثابه حفره للهجمات اتمنى من كل قلبي عودة الغزال الشارد ويلهامسون وبيع ايمانا في فترة الانتقالات الشتويه القادمه فمنذ قدومه وهومتعالي على فريقه ومدربه ومنذ اول مباراة بطاقه حمراء!!!!!!!!!!!!!!!!!!!!!!! اتمنى وجود مهاجمين امام النصر العربي ولي يو ومن خلفهم شلهوب وفريدي وعزوز |
الانضباطيه التي تطبق على الجميع شي رائع ونحن نؤيد المدرب .... وبالتوووووووفيق على الجميع ..... |
والله ما اقول الا الله يشفيك اجل دول مايعرف الفريق لا انت الي تعرفله يا حبيبي ايمانا مالعب قدام الاهلي وفزنا 4_0 وش سوا لك ايمانا قدام الشباب انطرد و ما شاء الله الكل يعرف النصر وش بيسون ما راح ينرفزون ايمانا بالذات وانا مع ابعاد ايمانا من التشكيله الاساسيه ويحطه احتياط ابرك |
| الوقت المعتمد في المنتدى بتوقيت جرينتش +3.
الوقت الان » 05:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd