بسم الله الرحمن الرحيم ،،،

ببدأ في كلامي وبدون مقدمات ،، حبايب قلبي لا تحضرون مباراة النصر ،،، انا احرضكم على عدم الحضور

الا لشيء واحد فقط لا غير ،، وهو مؤازرة الزعيم ،، اما يجي الواحد فيكم كرشته قدام مترين وما يشجع

وفصفص ودخان ومدري ايش ،،، ويقول جلوس وما نبي احد يقف ومادري ايش ؟!!! حبايبي اجلسوا ببيوتكم

والله العظيم ،،، مافيه فايده من الحضور ،، مباراة عمان والسعوديه حضرتها ، اقسم بالله كان الملعب فاضي

جالس اناظر برابطة المنتخب واضحك ،،، ورابطة عمان كانت بجنبي والله العظيم ما سكتو دقيقه طوال المباراه

ما ريحوا الا بين الشوطين تخيلوا !!! يا حبايبي المشكله بالجمهور السعودي باكمله ،، ولكن حنا نبي نكون غير

يعني الحين بيرد علي ناس يقولون وش دخل جمهور الهلال بمباراة المنتخب ،، انا اقولكم معروف ان غالبية جمهور

الكرة بالسعوديه هلاليين ،، عشان كذا يا حبايبي نبي تشجيع مو تفرج ،، يعني وش الفايده اذا رحت الملعب

وجلست وانت ساكت ،، تابع ببيتك افضل لك وبدون ازعاج ومعلق احلى وتشوف كل شي اوضح من الملعب

يعني ما فيه اي فائدة من الحضور للملعب الا للتشجيع ،،، حبايبي اقسم بالله اني ودي نكون افضل جمهور والنادر

بالعالم ،،، لان المميز يصبح الاشهر ،،، نبي جمهور يكسر طرق التشجيع بالسعوديه ، نبي طرق غريبه ومميزه

وجميله ،،، ما ابي اطول عليكم ، ادري دمي ثقيل وطولت عليكم بالكلام ،،، بس هذا من حرصي والله ،،،

والسلام عليكم ورحمة الله وبركاته ،،،


اخيكم / عبدالكريم الذيابي ،،،!!