|
صراحه ما ادري وش اقول بس اتحدى احد يجاوب ..! السلام عليكم ورحمه الله وبركاته مساء / صباح الخير لجميع الاخوه:smilie47: مبروك الفوز وكسب الثلاث النقاط وهو الاهم في ضل المستوى الباهت والشاحب , صراحه من لاحظ اغلب مباريات الهلال في هذا الموسم يستغرب من المستوى صراحه حتى الان لم نلاحظ اي تكتيك للمدرب وصراحه مدرب متخبط واقسم بالله ان لا يعرف ماذا يفعل او يدبر الفريق او يختلق له حلول وانا مسؤل عن كلامي من خلال المبارايات السابقه واتحدى اي واحد يقولي ماهي طريقه المدرب او ماهو نهجه او تكتيكه لدرجه ان بدات اشك انه يفرض عليه اشياء خارجه عن ارادته ...! فريق لا يلعب على الاطراف ولا يفّعل هذه الطريقه ومدرب لا يعتمد عليها صراحه ما ادري وش اقول بس لا تعليق .! وانا من شفت انه حتى الان يلعب بالزوري بدأت اشك انه مفروض عليه هذا اللاعب انه يلعب , واذا نظرت على الجهه الاخرى تشاهد طيب الذكر نامي واجزم ان المدرب يبغى له مدرب لتدريبه وتوجيهه ..! ان لا احارب اللاعبين ولست ضدهم بل ضد ان اللاعب يلعب وكانه مفروض هو على النادي وكان النادي سوف يتعطل اذا ما لعب بهذا اللاعب مع انه يوجد لاعب جميع الاعضاء اتفقوا انه افضل من الزوري وهو شافي انا اول مره اشوف ظهير لا يجيد الاوفر والعرضيه الصحيحه للمهاجمين والاخر لا يجيد حتى ابجديات الكره ...! الى متى ونحن نجامل فلان وفلان سواءا مدرب او لاعبين من الممكن ان اسمع احد يقول ان المدرب حتى الان لم يكتمل الفريق ولم ينسجموا مع بعض صحيح ولكن حتى الان لا يوجد ولا بصمه على الفريق من المدرب او حتى اقل ما يكون توظيف اللاعبين بالمواقع الصحيحه, والمثل يقول ليالي العيد تبان من عصاريها .. يا اخوان اذا نحن نريد اسيا يجب علينا ابعاد المجامله على جنب ومحاسبه المقصر و ابقاءه جانبا واشراك غيره ممن يحس بالمسئوليه ... نقاط على الطاير .. - هرماش الى الامام يابطل صحيح ممكن ننسى رادوي في ضل وجود هذا المقاتل . - الكوري راح يكون هداف الدوري اذا شارك باقي المباريات اساسي . - ايمانا ما راح نستفيد منه ما دام انه يلعب مهاجم . - المرشدي عائد وبقوه باذن الله . - اسيا باذن الله راح تجي ولكن في عام 2013 اذا كان المدرب سامي .. - اتمنى اعطاء الفرصه لـ رضوان واشراكه من الان وعدم البحث عن قلب . - اتمنى الشهراني يكون بالهلال في يناير ولا نريد غيره . - لدينا خط دفاع كامل مع الحارس بـ الاولمبي من اروع ما يكون يحتاجون صبر فقط . بالاخير هذه وجهه نظري :ba: بالتوفيق للجميع في كل مكان يارب :rose: |
## صرآحهٌ آلسيدٌ تومآسٌ دولٌ للحينٌ مآخشٌ رأسيٌ مآشفتٌ لآتكتيكٌ ولآ لمحححآت فنيهٌ آلفريقٌ آغلبٌ فوزنآ بآلجولآت آلسآبقهٌ منٌ آجتهآدآت فرديهٌ منٌ آللآعبينٌ مآآقول آلآ آلله يسسسترٌ منهٌ $ |
اتفق معك تمامآ ولا راح ازيد حرف واحد الا الله يستر. |
صح كل المباريات اللي لعب الهلال من اول الموسم ما كان مقنع الا بمباراة الاهلي مستوى ونتيجه والباقي نتايج بدوون مستوى يمكن يكون للتوقف المتكرر يد .. ولكن المباراهـ الجايه اختبار حقيقي لدووول .. بالتوووفيق لهلالناااااا .. |
_صحيح نامي مايعرف يدافع ....لكن مايعرف ابجديات الكرة<------ مع احترامي وصف في غير محله _صحيح الزوري مايعرف يرفع....لكن شافي بيكون احسن منه؟؟ أشك بذلك لأنه محتاج خبره قبل الزج به كأساسي _والمدرب دول يعجبني تفكيره الهجومي ولكن دفاعيا الفريق ضعيف.... ولاتحكم على توماس وتضع كل اللوم عليه.... لم أجد أي مباراه يتصرف فيها تصرف خاطيء كتبديل او خططيا ولكن اللاعبين هم من يخطئون ((على الاقل حتى الان)) واذا برأيك أخطأ أو تدريبه فاشل <---- أثبت كلامك ولاداعي للتهجم على المدرب واللاعبين ووصفهم بشيء أكثر من الي فيهم والمبالغه لسبب أنهم لم يمتعوك للأسف بعض الجماهير تقارن مستويات اللاعبين بمستويات لاعبي برشلونه التألق شيء جيد وايجابي ويرفع المعنويات ولكن يجب أن تكون عقلاني ((الهلال يحتاج أظهره وانا معك بالفكره)) ولكن لست معك ((بمضمون الموضوع)) |
????? للحين الدوري ببدايته والاعبين بين اصابات ومنتخبات بلادهم الاعبين مااجتمعوا مع بعض اسبوع واحد قلنا قبل مبارتنا مع الفقر يتجمعون انصاب حسن لذلك علينا الصبر.. ..تقبل مروري.. |
صرآحهٌ آلسيدٌ تومآسٌ دولٌ للحينٌ مآخشٌ رأسيٌ مآشفتٌ لآتكتيكٌ ولآ لمحححآت فنيهٌ آلفريقٌ آغلبٌ فوزنآ بآلجولآت آلسآبقهٌ منٌ آجتهآدآت فرديهٌ منٌ آللآعبينٌ مآآقول آلآ آلله يسسسترٌ منهٌ $ كلامك صحيح |
انا صراحه ابغى الهلال كذا يفوز بالمباريات الصغيره دون تعب ومستوى ولما تجي المباريات الكبيره يفاجي الجميع مثل مباراه الاهلي ولاتنسون ان الطريق طول والموسم شاق مانبي لاعبين يستهلقون كل قواهم حتى في المباريات الصغيره ولما يجي اخرى الموسم ينطفون احمدو الله على الفوز وهذا الاهم وخلونا نقف معهم يمكن خطه من الاعبين انفسهم عشان مايرهقون انفسهم وبحول الله فالنا اسيا والدوري |
لن أزيد أي كلمه فقط أقول المباراه القادمه هي الأختبار الحقيقي لتوماس دول بالتوفيق يارب وتسلم يمينك |
يعطيك العافيه .بس الهلال لسى مايطمن . |
المدرب أغلب الهلاليين لحد الآن لم يقتنعوا منه وانا منهم والمباراة القادمة هي الاختبار الحقيقي للسيد دول وان شاء الله نتجاوزها ونحصل على نقاطها الثلاث ويبقى لنا مباراة الاتحاد ومباراة الاتفاق هاتان هما أصعب ما في الطريق وياليت المدرب يلعب بمهاجمين اثنين بكل المباريات الجاية على الاقل من بداية الشوط الثاني ويريح ايمانا من كثرة التقدم ومنافسة الهجوم بمراكزهم في كل هجمة ولازم المباراة الجاية يباغت النصر بخطة جهنمية تشل حركتهم وتسهل مهمة هزيمتهم . |
إقتباس:
كلام سليم الله يعطيك الف عاافيه حمودي فلسطيني:yes:. ولاننسى كثرة التوقفات الي تاثر على المستوى |
صباح الخيرات لاتنسى الزوري الي مو عاجبك اساسي في المنتخب الهلال بشكل عام مو في مستواه متفق معك لكن نحط اللوم على لاعب او اثنين مصيبة وتوقف الدوري مسبب ازمة للهلال اللعيبة مو منسجمين لان المحترفين جدد وكل مالعبو مباراة توقف الدوري بعكس بعض الاندية الي اجانبها هم نفسهم العام الماضي عموما النتائج بشكل عام لابأس بها عطفاً على الظروف |
المدرب قاعد يشتغل لكن التوقف هو من يوقف عمل المدرب.... |
اسمح لي ان اختلف معك في مستوى الزوري ففي المباراه الاخيره للمنتخب والهلال تقدم وتحرك وسدد ورفع اما البقيه اوافقك الراي وخاصه نامي ودول يكفي ان عنده ايمانا والفريدي والشلهوب نفس المركز صانعي العاب ولم يصنعوا ولا كوره ونفس الادا |
| الوقت المعتمد في المنتدى بتوقيت جرينتش +3.
الوقت الان » 07:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd