هلا أخوي 20يحلمون20

والله ما أدري وش أقول يا الغالي..
أنت من جد مصدق المقطع الأول اللي عرضته عن الصاروخين..!!
من جدك تظن السعودية عندها صواريخ تحمل رؤوس نووية

بصراحة على كثر ما قرأت وعلى كثر ما تكلمت مع اثنين شغالين في وزارة الدفاع هذه أول مرة اسمع عن صاروخ يحمل رؤوس نووية إلا إذا كان القصد من المقطع صاروخ يعني صاروخ باللهجة الدارجة يعني كذبة..!!

وحتى أسلوب المقارنة غلط × غلط
لأن القوة وفعالية الجيش واستخدام المعدات يكون بالتدريب عليها وقوة التجارب اللي يخوضها الجيش والجيش الإيراني دائماً يقوم بتجارب للصواريخ أما السعودية فنادراً جداً ما تقوم بتجارب.
وحتى في المقطع الثاني حكاية إسقاط طائرات إيرانية هذه سمعتها زمان ولكن ما صدقتها لأني قرأت كتاب خالد بن سلطان "مقاتل من الصحراء" وما جاب طاري الحكاية هذه على أهميتها..!!
يعني الحكاية مجرد بهرجة إعلامية وأكاذيب عشان مدح لذكاء وعبقرية الملك فهد الله يرحمه وذكاء الداهية المفكر العظيم بندر بن سلطان..!!

المحك الحقيقي في قوة الجيش هو العدة والعتاد وأنت يا الغالي جاي تقارن صاروخ واحد..!!
وبمناسبة العدة والعتاد المقارنة فضائحية وليست في صالح السعودية أبداً

إيران إجمالي عدد جنودها أكثر من نص مليون جندي
السعودية إجمالي الجنود في إحصائيات غربية ربع مليون ولكن أقول لك من كلام واحد في وزارة الدفاع أن الرقم هذا مبالغ فيه جداً ويقول عدد أفراد القوات البرية ما يتجاوز 70 ألف والباقي أعداد وهمية وما راح أقول وش يعني أعداد وهمية أو سبب هذه الأعداد الوهمية..!!

في الطائرات العدد متقارب والفرق لصالح إيران في التدريب

الدبابات إيران 1800
السعودية 1300

المدفعيات إيران أكثر من 1500
السعودية 340
..!!

المدمرات إيران 3
السعودية صفر..!!

الغواصات إيران 19
السعودية صفر..!!

الحوامات البرمائية إيران 26
السعودية صفر..!!

وحتى لو أغفلنا كل الأرقام السابقة وقارنا بالتجارب فالجيش السعودي ساقط في التجارب..
يوم حرب الخليج حتى الخفجي ما قدرنا نحررها لوحدنا يوم دخل 700 جندي عراقي ويا ليت اكتفينا بمساعدة الطائرات الأمريكية لتحرير الخفجي ولكن الفضيحة أن حتى القوات البرية دخل معنا قوات قطرية..!!!!

إيران نشبت في حلق العراق أيام صدام "العراق مو أي دولة وصدام يعني صدام" وما قدر صدام يسوي شيء معها على الرغم من الدعم المباشر من كل دول الخليج وأمريكا للعراق ومع ذلك استمر في حرب طاحنة مع الإيرانيين لمدة ثمان سنين وأنت جاي تقول أننا بنقدر على إيران..!!

أنا عارف إنهم أبناء متعة وأوغاد وحقارى وأغبياء وجبناء إلخ إلخ إلخ ولكن هل كونهم أبناء متعة وأوغاد يجعلنا أقوى في الموازين العسكرية..!!

احنا طال عمرك يوم صدام حرك قواته اتجاه الكويت أول شيء سوته السعودية الاستنجاد بكل قوات العالم من الشرق والغرب فهل تتوقع أن الأمر راح يختلف لو احتلت إيران البحرين وهددت بغزو السعودية..؟؟

^
تصدق ما انتبهت للكلمة في رده
ما أقول إلا يا كبرها عند ربي..:s2:
مره جايبين في التلفزيون قبل كم سنة مظليين ينزلون على سطح عمارة يشتبه وجود إرهابيين فيها وجا آخر مظلي وطاح على مؤخرته وما عرف ينزل مضبوط :s2:
بصراحة كان منظرهم مضحك ويجيب الاشمئزاز والفشيلة..!!


الغالي مواصل من يومين
كلامك صحيح والسعودية أساساً وقعت قبل عشرين سنة معاهدة حظر انتشار الأسلحة النووية عكس إيران ومصر اللي إلى الآن لم يصدقوا على توقيع المعاهدة؛ يعني لو السعودية فكرت في صاروخ نووي على قول الأخ يحلمون فراح يتم تطبيق عقوبات دولية عليها..

وما قلته أنت عن احترام الخصم هو عين الصواب وللأسف بعض الناس عندما ننتقد الضعف اللي احنا فيه يعتقد بأننا نكره البلد..!!

الشيعة ماطلعلهم لسان إلا بعد وفاة اسامةبن لادن

ايران تعتقد بصواريخها النووية قادره على هزيمة اي دولة متى شائت

انتم جالسين تتكلمون على قوة الطرفين من ناحية الجيش والصواريخ ..

وكانكم شغالين في الاستخبارات ,,

انا ردي على هل الاقاويل شيئان ومدري تفهمونه ولا لا :

1-
2- لاتنسون ان امريكا والدول الاوربية ماهي راضية عن ايران

فلو افتراضنا ان هناك حرب بين ايران والسعودية

سنجد تحالف كبير مع السعودية

وطبعا الفاتوره تسددها السعودية ..

لو افترضنا افتراض تشـائمي ..

وهو حرب ايران ضد السعودية دون تدخل امريكا إلخ

لمصلحة امريكا ان تستحوذ على اكبر مخزون نفط في العالم .

كيف !!

ايران تشن الحرب بقوة ضد السعودية .. تكسب الحرب .

تدخل امريكا اخيرا بمعاونة اسرائيل وفرنسا وإلخ ..

تشن حرب ضد ايران الوحيده

تحتل ايران والسعودية:d


^^

الافتراض الثاني دعابه دعابه :s2:

وشفيك معصب الله يهديك .. تفائل .. ترى الاسلحة العسكرية فى المملكة سرية !!

لا من شاف ولا من درىِ

بعدين دقينا خشوم الهمج اللى يلعبون فى الخوبة والجابرية وشقينا خشومهم ..

ارجو منك التفاءل ، وايران حدها استعراض عضلاتها وبعض عوراتها قدام العالم !!

انت قلتها تصعيد(وقح) الشعب (وقح) الاخلاق (وقح) الرئيس(وقح) صفات ايران