مشكور يا السنعوسي ولك مني تحية بعد رفع القبعة لمجهودك الرائع
صراحة ذكرتنا بلاعب جميل في كل شي وزمن جميل نجم في معلقت الزعيم نردد ابيات الملعقة باستمرار لكننا دوما نتوقف عند الابيات التي تخص نواف كيف وهي تحمل عذوبة الشعر ومتانة الحنين للزمن جميل يستوقفني دوما دوما واتذكر انني اعشق زعيما لا ينضب من النجوم
وللمعلومية
نواف يملك روشتة للحصول على كاس اسيا
لابد من ان يعطيها لنجم آخر يحملها من بعده ؟
مرة اخرى تسلم يا السنعوسي

آآخ بس يانواف

,,,,,,,,,,,,..............

الله عليك يالغالي ع العمل الرائع

ويستاهل الفتى الذهبي والله

آه يا نواف والله افتقدناااااك في الوسط الهلالي


مشكور لك أخي الغالي على المقطع والصور لاهنت

إقتباس الرسالة الأصلية كتبت بواسطة المختـار و نعم بنواف لاعب خدم الهلال و ما قصر و لكن في نهاية الأمر لم يكن اللاعب الأول في الفريق في أي فترة من فترات حياته الرياضية .. ولكن أستغرب منك أخوي السنعوسي هذا الغياب و الظهور المقتصر على الحديث عن نواف أو أحد أبناء التمياط !! فإذا كانت المسألة حميّا و عنصرية فأتمنى أن تكون هذه المواضيع في منتديات قبيلة شمّر ( و نعم في كبار الصحون وساع الطعون ) .. أما إذا كان المقصد هو الحديث عن الهلال و لاعبي الهلال فيا ليت نجد لك مواضيع عن لاعبين يخدمون النادي الآن وهو ما نحن بحاجته من أجل الدعم المعنوي لللاعبين .. أما نواف فمهما كتبنا عنه يبقى لاعب كبير و لكن كتاباتنا لن تفيد الهلال شيء و لن تزيد نواف شيء و لن تحفزه لأي شيء .. شكراً على رحابة صدرك أخي السنعوسي ..

أخوي مع احترامي لك بس تفكيرك غبي لأبعد حد
وش دخل الحميا في الكورة ؟؟ اذا أنت تنظر للكرة بمنظور الحميا ترى غيرك يتابعها من زواية اخرى

انا والله مانيب شمري واصلا ما أدخل الكورة في القبايل والحمدلله ماعندي تعصب قبلي
شمر والجميع على راسي من فوق واحترمهم بس الكورة غير واأمور القبايل مب هذا مكانها
والله لو لي خبرة بالتصاميم او مقاطع الفيديو كان صممت مقاطع لنواف اليوم وغير اليوم لأنه يستاهل

ثاني شي تقولي نواف ماكان اللاعب الأول بالفريق طوال تاريخه ههههههههههه ياحليلك !!!
ياعزيزي ارجع لعام 2000 ميلادي وراجع بطولات الهلال في تلك السنة وتعرف مافعله نواف
تدري ياعزيزي ان الهلال عام 2000 حقق ست بطولات الفضل فيها كلها بعد فضل الله كان لنواف ؟؟
أدري المعلومة صادمة لك بس ارجع لتاريخ الهلال ذيك السنة أو اسأل ناس متابعه ذاك الوقت وتعلمك وش سوى نواف في الست بطولات سواء محلية عربية اسيوية

هذا غير ابداعه مع المنتخب امم اسيا عام 2000 وفي نفس السنة أخذ أفضل لاعب أسيوي عن جدارة واستحقاق
نواف في سنة 2000 الي تابعه صدقني حتى غير الهلاليين يجزم انه بذاك العام لو عديت أفضل 10 لاعبين بالعالم كـ ابداع وتأثير مع فرقهم بيكون نواف من بينهم

ماتكلمت من فراغ ارجع للتاريخ وتعلم ياحبيبي


أخوي السنعوسي تأكد أنه كل ناجح وراهـ أحد يحاربة ويشكك بنجاحه
وتأكد أن غالبية جمهور الهلال المتابعين للصرح الشامخ شبكة الزعيم يفخرون بك ويطلبون منك المزيد عن نواف التمياط بالذات لأنه يستحق منك الكثير
لاهنت يالسنعوسي ورحم الله والديك

أسف طولت بس لزوم توضيح الحقائق

إقتباس الرسالة الأصلية كتبت بواسطة الواثق111 اما اسطورة كثر منها اقول شكله ولد عمك عالعموم هو لاعب جيد ولكنه ساوم النادي مرتين الاولى في بداياته والثانية بعد ما عالجه النادي سنه ونص قام يساوم بس اسطوره قوية

اخوي سم هالورده واترك الهياط وانت ماتدري وش السالفة

نواف قدم في سنة 2000 فقط مايجعله يستحق لقب أسطورة ولو لم يلعب سوى هذه السنة لكفته

صديقي عشان ماطول بالكلام اقرى ردي على صديقك راعي الحميا لأنه يبدو لي تفكيركم واحد والرد أعتقد كافي

سر ياسنعوسي ولا تدر ظهرك للمهايطية

مشكوووووووووووووووووووووووور

موضوع رائع جداََ .... الله يذكرك بالخير يا نواف ..~
يعطيكم الف عافية يارب

إقتباس الرسالة الأصلية كتبت بواسطة الواثق111 ياخي انا من اكثر من 25 سنه اتابع الهلال واعرف اللاعبين المحبين للكيان واتابع كل كلمة يقولها اللاعبين ولا لي علاقة شخصية مع احد عشان اعطيه اكبر من حجمه على العموم المساومة الاولى بعد ماصعد اللاعب للفريق الاول عرض عليه النادي 9 آلاف واخذ سيارته وطلع من النادي زعلان حتى تدخل الامير بندر بن ثامر ورجعة بعد ماعطاه راتب 11 الف وتقر تسأل وتتأكد والمساومة الثانية يوم جدد معه النادي سنتين اصيب وعالجة النادي من الرباط سنة ونص ولما رجع قال انا ابي 6 مليون للتجديد اما احمد الحربي وهو ماهو ابن النادي لما اصيب بالرباط وعالجة النادي جدد سنه ببلاش

والله مع احترامي الشديد لك ماعندك سالفه .. انا رديت عليك قلت يمكن الرجال عنده اثبات مادريت انه كلام بالهوا !