الحمد الله , كسبت الملاين من مشروعي .. لكن مو عارف كيف اصرفهآ !
 

السلام عليكم ورحمة الله وبركآته ,

اسعد الله اوقاتكم بكل خير آحبتي , .!

حبيت أتكلم عن عدة نقآط أحبتي ,

أولآ , عندي ملاين من مشروعي بس مو عآرف اصرف الملاين !

. .انا طالب جامعي ثاني سنة .. الحمد الله معتمد عليه اعتماد كلي ع المكافأة وفي راسي مشروع ببدا فيه بس السؤال اللحين الملاين اللي بكسبها وين آوديهآ؟!!





يمكن البعض قرآ الجملة وقآل .. ماذا دهاه؟ ..

او بالعامية , ( سلامات وش يحس فيه ذا ) :d

عاد للأسف هذا حال بعض الجماهير الهلالية حآليا تتكلم عن نهائي البطولات كأسيا وولي العهد , او بالدوري كأنه مضمون ومافيه منافسة قوية , و و و و و ..

مع ان أغلب البطولات اللي خسرناها بنفس هالسبب , ي ثقة زايده ( زي صاحب المشروع اللي ضمن الملاين ) ي التسسرع بالامور وعدم أخذها حبه حبه ( مثل صاحب المشروع مفروض يفكر بكل شي يحتاجه قبل مايضمن الفلوس )
والتوفيق بيد الله في الننهاية..

آسيآ الكثير يتكلم عنها وعن الانتقالات , واحنا قدامنا 7 مباريات بالدوري, قبل الانتقالات الشتوية ..

7 مباريات×3 نقاط = 21 نقطة كفيلة بتحديد ملامح منافسين ع الدوري .. ومفروض نحترم كل خصم ونجمع النقاط ونركز لأن معروف البطل هو صاحب الدوري !

اتمنى ماننسى هالشي :smilie47:

___

ثآنيا , نبي كل شي صح ومانبي شي غلط ونبي كل شي لنآ ! واللي مو عاجبه الوضع يقلب وجهه !

اتوقع هذآ حآل لسآن بعض الاعضاء, يبون اللاعبين مايخطون ويتأقلمون ويصيرون افضل شي , يبون اللاعب الفلاني يجي الهلال يبون اللاعب الفلاني مايطلع من الهلال , نبي بو فيصل و الادارة الهلالية تسوي كذا وتجيب كذآ .. واذا جاء احد يناقشه عصب ,

اللي احب اذكركم احنا مثل العائلة ومحد معصوم من الخطأ , وقبل مانطالب بشي نعرف الرجال وش عليه و وش مو عليه . . ونطلبه بأسلوب وننتقد انتقاد بحيث يكون عندنا حل مو انتقاد وبس , !


واللي بيقول ابو فيصل اذا مو قدها يتوكل

ودي اذكره ان عهد ابو فيصل هو العهد الوحيد اللي لما يجي اجانبه نسبة كبيرة تكون مرتاحه !


مو مثل قبل كان يجي الاجنبي ويدنا على قلوبنا ي رب يضبط ي رب يضبط ,:d !

+

راح تشوفون الاندية كلها تمشي مثل ممشى الهلال , والوقت راح يكون كفيل بهالشي !
+

اللاعبين لهم حريتهم مانقدر نجبر احد , اذا هوساوي او الفريدي يبغون يرحلون احب ااقولهم قبل لا ترحلون شكرا شكرا شكرا على كل ماقدمتوه للهلال , واتمنى لكم التوفيق في حيآتكم الشخصية !

+

بوجهة نظري أبناء النادي أحق في حجز الخانة قبل اللي في خارج اسوار النادي , واقصد به تصعيد واعطاء فرص للاعبين الأولمبي
َ~~~

ثآلثا\ آسيآ ..

موعدنا , 6 ديسمبر نتناقش عن نتائج قرعة مجموعتنا :smilie47:

في الختآم

كلمة شكر لكل من رأس الهرم الاداري , صاحب السمو الملكي الامير عبدالرحمن بن مسآعد , ونواف بن سعد , والعضو الدائم والمحبوب والساعي لتقديم كافة وسائل الراحة لعشاق الهلال الاستاذ القدير حسن ناقور , والامير القدير جدا ع قلب كل هلالي , الامير بندر بن محمد , وسآمي الجابر , والمهندس احمد محجوب , الاستاذ احمد خميس امين عام نادي الهلال , وخالد المغيربي وهشام اللحيدان ماننساهم , وايضا الطاقم التدريبي لنادي الهلال ,توماس دول وطاقمه , ولكل من له دور في رفع نادي اسسم الهلال بمختلف الألعاب , شكرا شكرا شكرا,

آسف ع الاطالة والتنسيق السيئ :wub:

سبحآن الله وبحمده سبحآن الله العظيم , :smilie47:

هههههههههههههههههههههههههههههه

عليك عنواااان مدري وش يبي


يعطيك العافية وان شاء الله 2012 اسيا للزعيم متفااائل جدا

جميلة طريقة طرحك وصلت الفكرة مشكوووريا هلالي =$

يعطيك الف عاااافيه



وان شااء الله اسياء 2012للهلااااال

حيآكم الله ,:smilie47:

, ورادوي المزاحميه , ياخي اسمك كأني سمعته بالاذاعة مرة :d

الهلال حساده كثير للاسف

والنفسية اللي قاعدين ترددونها انها في لاعبين الهلال ابدا مهيب في اللاعبين


النفسية موجوده في مشجعي واعلاميين الفقر والاتشاد والتماسيح وجماهير الاندية الخليجية

كابت الهلال على انفاسهم سنين واذا جاء الهلال يلعب في اسيا قاموا يحاربونه بكل صور المحاربة والا بالله واحد يقول قبل المباراة الحاسمه انا باذبح جمل اذا خرج ويطقطقون على الهلال ليله كاملة ,,

والا الثاني يقول فيه لاعبين هلللين يتعاطون منشطات ..!!!

والا اللي فاتح برنامج خاص يرفع ضغط الهلال وتهييج الجماهير السعودية ضد الهلال .. ويصورنه انه فريق حكام وفريق لا ينجح خارجيا ,,

وبرضوا لا ننسى الفرق الخليجية صارت تقلد الفقر والاتشاد في طريقة واساليب لعبهم واستفزازهم للهلال اذا لعبوا معهم وحتى في اخبارهم ومواقعهم ,,


النفسية هي نفس الاندية المنافسه هي من وقفت في طريق الهلال ورب الكعبة ما خلى الهلال يفشل اسيويا الى نفسية الفقراوية والاتشادية واندية الخليج الحاقده ,,, قلوبهم وحسدهم الكامل للهلال ,,,





الله يوفق الهلال ويجعل اسيا من نصيبه ثلاث سنين متتابعات ,,,

بغيت اعطيك رقم حسابي الله يرجك

عجبني ردك الصراحة كله الا اللي بالأحمر , :d

وكل اللي قلته جوآبه لك ,, هو لأن الهلال هو البطل = ) ,

يعني اسئلك بالله اذا ماسوو كذآ لزعيم آسيا ومحقق البطولات بكثرة الفترة الاخيره + يمتلك الانتصارات الغالبية وبينه وبين كل الاندية السعودية اللي كان له مباراة معه . . من تبيهم يسون هالضغوط عليه ؟ الوحدة اللي هبط ؟ ولا نجران ؟ ولا النصر اللي صار امنية حياته بطولةة لو بالغلط ؟

كل شي راح يطلعونه ع البطل ولك بأندية ابطال اوربا ببلدهم مثال , =)
هنا يجي الدور التهيئه النفسية للاعبين قبل كل شي !

احنا الجماهير خل ضغطنا يرتفع ونروح لمستشفيات نعالج وكل شي , اهم شي اللاعبين يقدمون اللي عليهم وينسون هالضغوطات لأن حالهم حالنا مثل مانتأثر يتأثرون , واذا بيتأثرون اكيد ماراح يقدمون شي !

وصدقني الهلال لو حققها في السنوات الجايه بترجع ثقته وبيحققها السنة اللي بعدها !

ومع مهاجمينا الاجانب متفائل خير عليهم حس تهديفي ماشاء الله رهيب جدا ! ان شاء الله تضبط امور الوسط ويتأقلمون بأسرع وقت ممكن ,!

..

شآكر ومقدر لردك الجميل :smilie47::smilie47:

الله يعافيك واللهم آمين وان شاء الله بنحقق الخامسية 2012 ؛ الدوري + كاس الملك + الدوري + الامير فيصل + آسيآ :d

اكيد البعض بيقول وين وش هالمبالغة ,

طيب ع الاقل ضامنين بإذن الله بطولة وحدة هالسنة بإذن الله

عزائي للي للحين يحوسون يبون بطولة :s2:

لهالدرجة ملزمم اني أحولك ال5 ريال اللي عيت تنسحب من المكافأة :wub:

كلامك سليم اخوووي الله يوفق الزعيم يارب في اسيا 2012

نفسية نفسية نفسية احنا صنعناها وصنعها الخصوم في مسامع لاعبينا من عام 2002 ما جبنا اسيا كم لاعب تغير ؟؟
اذا على كذا ماراح نجيبها الى الابد اذا بنقول نفسية اللاعب الهلالي فاغلب اللاعبين محققين بطولات الدوري والكاس وعندهم ثقافة الفوز إلا في اسيا تدري ليه ؟؟ لانا احنا والخصوم نزرع فيهم حكاية (النفسية) ونعطيهم كـ عذر مسبق لاخفاقهم ,, لو نذكرهم ونحمسهم بالجيل اللي كان له صولات وجولات في اسيا وهو جيل قريب جدا منهم بل فيه لاعبين حاليين لعبوا معهم ,,

طبيب نفسي اجنبي متفرغ يستلم راتب شهري 30 -50 الف ريال كفيلة في اعداد اللاعبين وامر ضروري ليس للهلال فقط بل لنجران او الوحده او اي فريق ,,


الهلال اذا يبي اسيا يدفع فلوس ويكوّن فريق قوي وشرس ويكون (وسيع ) وجه مع الخصم والاعلام والحكم وكل من يوقف في طريقه ,,

الشي الأخير الفريق القوي الواثق من نفسه ماراح احد يوقف في وجهه لاحظ ولا ( نفسية) ,, ولا فقر وتشاد ولا تمساح ,,,,,,,,,,,,,,

\
ههههههههههههههههههههههههههههههههههههههههههههههههههههههههههههههههههه

بطططني :D يآخي انت مجنون

طريقه طرح رائعه











.