|
اذا تبون اسيا لازم تغيرون وتجيبون ووو ياجماعة هدو اللعب السلام عليكم ورحمة الله وبركاته منتدى الجمهور الهلالي شكيت اني في منتدى السد من كثر مواضيعهم عموما انا كل سنة ألاحظ منتدانا الغالي أغلب مواضيعه اذا تبون اسيا لازم تسوون كذا وكذا وكذا...... حسيت اننا نتكلم عن بطولة من أعظم بطولات العالم كله ياجماعة اسيا جابتها أندية كثيرة اقل من الهلال فنيا الإتحاد وصل للنهائي 2009 بنفس التشكيلة ونفس الموسم الي أكل منا خمسة سيوجنام الكوري أخذها 2010 وهو بشق الأنفس مطلع الشباب الي في نفس الموسم ونفس التشكيلة هزمناهم بالأولمبي السد حققها 2011 وهو ما فاز ولا فوز من دور ال16 ما عدا فوز واحد وبالحظ ليه حنا نعطي البطولة أكبر من حجمها يعني بما ان السد حققها بدون فوز من دور ال16 ما اسبعد النصر ولا الاتفاق ولا الأهلي تمشي معهم ويحققونها يا جماعة الدوري الي حنا نحققه ومحتكرينه في السنوات الأخيرة أصعب من اسيا الإعلام المحارب كبر من حجم هالبطولة وفضحهم السد العالمي لقب يتغنون فيه وحققه السد بدون فوز وانا متأكد انه من اهم اسباب غياب الهلال الفترة الأخيرة عن هالبطولة هو اننا عطيناها أكبر من حجمها اللعيبة يدخلون البطولة وهم نفسيا خايفين منها واخرتها ننهزم من فرق ما تجي ولا نصف قوة الزعيم أسف على الإطالة لكن ياجماعة لو كل سنة نطلع من هالبطولة وما نحققها فتراها بطولة خروج مغلوب مثلها مثل ولي العهد وكأس الملك الفريق الكبير الي له نفس طويل يبين في الدوري والحمد لله السنوات الأخيرة الزعيم احتكر الدوري واثبت انه أكبر فريق سعودي حتى لو ما يحقق اسيا طول عمره يظل أكبر فريق سعودي |
من افضل المواضيع التي قرأتها من ناحية تشخيص الامر والبطولة ببساطة ممتنعة موضوع عفوي جدااا ولكن شخص حالة نعاني منها كهلاليين اننا وقعنا بفخ التهويل التي كبلت تفكيرنا وواقعنا الذي يقول اننا نستطيع تحقيق البطولة لو اخذناها قطعة قطعة استجبنا للضغوط سواء كجماهير او ادارة او لاعبين .. لذلك انا متفائل بتحقيق البطولة فقط لو اعتبرناها بطولة عادية ان اتت فخير وبركة وان لم تأتي فستأتي بالسنة التي تليها بدون منحها اي تمييز دمت بخير |
اي والله الصراحه , بسيط جدا , تعبنا من الكلام اللي يجيك طويل حيل ,وبنفس المحتوى عن اسيا والسد ! لكن والله المشكلةة صارت بطولة الدوري ماتسوى شي مع اني اشوفها افضل بطولة ! هي اللي توضح مين البطل ! , كأس اسيا والله اشوفها بسيطه جدا ! المشكلة اللاعبين الهلالين لما يكون بنفسهم انه شي صعب , صعدو المدافعين األاولمبي والاظهره خلو الخانات الدفاعية يكون فيها تنافس لا أكثر ولا اقل , واتوقع نشوف الزوري ونامي من افضل الاظهرة لما يكون فيه منافسة بينهم بين شافي والبيشي , وبرضو نفس الحكاية بقلوب الدفاع ! |
- من جججد يكبرونهههآ ,, و الله م يههمني اهم شي يآخذ الهلال بططولة واناقز عليههآ من الفرحةة ض1 اي بطولة اهم شي بطولة ,, و مثل م ققلت الجماهير خخلوا آسيآ مثل كاس العآلم ,, |
إقتباس:
مع الأسف الإعلام المضاد حاولو التصغير من بطولة الدوري بحجة انها بطولة محلية صدقني يالغالي الفرق السعودية كلها تحلم حلم بالدوري وأكبر دليل الشباب على الرغم من انه ما راح يشارك في اسيا الموسم هذا الا انه استعد استعداد يعتبر من أفضل الفرق السعودية استعداد كل هذا لأنهم يتمنون الدوري الإتحاد قاتل وسوى صجة اعلامية على شان تأجيل مباراتهم مع الشباب وكل هذا لأنهم يحلمون بالدوري صدقني الزعيم احتكر الدوري لأنه الأفضل ولإعلام جالس يحاول يقلل من حجم هالبطولة الي كل الأندية السعودية تحلم فيها |
بالنسبه الاعلام كلامك صحيح فلو اصبح الهلال بعدجولتين المركز الاول رايح تسمع نجسالنيه والصرامي وجمال جاهل وشنوان يقولون الدوري ضعيف والهلال أقوى الضعفاء فتبدل حال الهلال يبدل الاخرين فلنا الفخر اما اسيا فالمشكله في الاعلام الاصفراللذي أوهن قوى الاعبين باشغالهم بالعقود والمستوى والاكاذيب فلاعبي الهلال دون المستوى الفكري لفرقة الثنيان وسامي ثم لايوجدقائد في الهلال يستحق القياده وهذه مشكلة الاداره |
كلامك عين العقل وعين الصواب هاذي المواضيع الي تفتح النفس انك تقراها وشكرا |
اااااااااا شكرا لك اااااااااااااااااا |
مشكورين يالغالين على مروركم |
مثل ما تفضلت اخوي .. كلامك صحيح .. فعلاً أعطيناها أكبر من حجمها , ويجب علينا دفع الثمن بإعطاءها لحجمها لا نكبرها ولا نصغرها .. الزعيم قادر الزعيم قادر الزعيم قادر .. بس لو انكم ما تنجرفون مع الإعلام اللي اثر عليكم في السنوات السابقة . :rose: |
المفروض انه نهدي اللعب ع الاعبين والإدارة لانه راح يكون ضغط كبير ع الإدارة والاعبين ,, الله يوفق الهلال إن شاء الله ونقول يارب . |
بطولة كأس الملك لم نحققها ومع ذلك نعتبرها كأي بطولة قصيرة مثلها مثل اسيا وولي العهد لو رأينا أسيا كأي بطولة قد نحققها وان لم نحققها فهي كأي بطولة لا يهم ان نحققها لأننا ان لم نحققها سنحقق بطولات غيرها المهم اننا في ساحة المعركة غالبا منتصرون وهيبتنا ليست هيبة فريق وانما هيبة فرق بأكملها وجميع الفرق السعودية والأسيوية تهابنا |
في الصميم ... يسلموووو ... |
انا صــراحـــه تهمني اسيــــــــــا .. وتهمني كل بطوله .. محليه او قاريه انا ابي اسيـــا .. ليه اجامل واصطنع شي ماابيه ابي اسيــــــــــــــــــــــــــــــــــــــا وكلكم تبونها حتى انت ياصاحب الموضوع .. وتبي تقنعني ان زين المحلي اكبر واكفئ من اسيـــــا < اطمرها عزيزي مثاليات زائفه |
كلام رآئع وسليم بصرآحه موضوع يستحق القراءه والتصفيق تقبل عبووووري واعتذر عن الرد لانه مافيه قلم بعد قلمك تقبل عبووري |
إقتباس:
أوهموك انك بعدم تحقيقك لأسيا تعتبر فريق ناقص ومو كبير طيب حبيبي كأس الملك ما حققناها ابد ليه ما تقول اتمناها من بد البطولات صدقني يالغالي الكوريين اذا تابعت دوريهم تحصلهم يفرحون بالدوري أكثر من أسيا البطولات القصيرة (بطولات خروج المغلوب) مو مقياس للفريق الكبير والدليل الوحدة وصل نهائي ولي العهد والأهلي أخذ كأس الملك والسد أخذ كأس أسيا (بدون انتصار من دور 16) لا يأثر فيك الإعلام تراك مشجع لفريق كبير بأسيا أو بدونها |
إقتباس:
أشكرك يالغالي على اطرائك وأتشرف بمرورك |
انا عن نفسي ابي اشوف الهلال فريق متكامل لا متاكل يؤدي بنفس الاداء في جميع المباريات ويلعب الاساسي والاحتياطي بنفس القوه لايحس اي لاعب انه لايمكن تغييره لاعب الرئيس مثل لاعب الجمهور مايدخل نامي التشكيله وهو ليس باهل لها ولايبقى لاعب الاحتياط بدون مشاركه لموسم كامل ثم يلعب مباراه للظروف ويؤدي جيدا وافضل من الاساسي ثم يرجع للاحتياط او يقوم المدرب باللعب بلاعبين في غير مراكزهم ثم يبعدهم |
إقتباس:
صحيح كلامك واذا بغيت تختبر فريق هو فيه الميزات الي انت قلتها ولا لا لازم تختبره في بطولة طويلة وتحتاج لنفس طويل مثل الدوري بينما البطولات القصيرة (بولات خروج مغلوب) مثل أسيا مستحيل تكون مقياس للفرق الكبيرة والدليل السد حقق اسيا بدون اي انتصار من دور ال 16 ماعدا مرة وحدة وبالحظ |
من جد ازعجونا بهالمواضيع حسيت ان اسيا هي كل شي صحيح اسيا مهه بس لا يجب ان تكون هاجس اشكرك ع الطرح |
شي طبيعي راح تهوّل هالبطوله بحكم غياب الهلال عنها وتسيده محليّـاً ! إقتباس:
بل فنيه واضحه وضوح الشمس ! اللي يسمعك يقول دفاعك صلب وفريقك كامل والكامل الله ؟ ماكأن فيه عك من بعض اللاعبين وبالمناسبه الدور النفسي يشغل جزء غير مؤثر بكرة القدم الحديثه مثل مايقول المُحلل الفني عادل البطي ! متى ماكان عندك فريق قوي وصلب ومدرب صارم لايُجامل .. لن تستعصي عليك الآسيويه ~ |
إقتباس:
ياخيتي يابنت الأجواد اذا كانت المشكلة فنية أجل كيف الاتحاد وصل نهائي 2009 وهو بنفس التشكيلة ونفس الموسم ماكل منا خمسة كيف الشباب وصل ربع النهائي 2010 وطلع بالحظ من بطل البطولة الكوري وحنا بنفس التشكيلة حقت الشباب هازمين الشباب بالأولمبي وبنفس الموسم كيف السد حققها وهو ما فاز ولا فوز من بعد دور 16 غير فوز واحد وحظ والله العظيم اذا على قوة الأسماء فالهلال أقوى فريق اسيوي على الرغم من نقصه دفاعيا بعدين لو فرضنا ان السبب كان فني ليه نطلع من فرق ضعيفة(مثل ام صلال والعين والوحدة) لو السبب فني كان ما طلعنا الا على يد الفرق الي أقوى منا فنيا المسألة نفسيا واتركينا من كلام البطي |
سبحان الله بحمده سبحان الله العظيم سبحان الله بحمده سبحان الله العظيم سبحان الله بحمده سبحان الله العظيم |
اتفق معك اهم شيئ يكوون التركيييز ع كل البطوولااات لاهنت |
عادي طبل لمحمد نامي وماجد المرشدي وعبدالله الزوري خذ راحتك واهم شي تقول النتيجه اهم ومو مهم المستوى واهم شي تفوز بخمسه وتاكل اربعه واهم شي تدفع ملايين في لعيبه محترفين مثل محمد نامي ماجد المرشدي وعبدالله الزوري واهم شي تقول السد ماعنده سالفه لانه يجامل لعيبته ولاعنده احتراف بمعنى الكلمه زي ماعندنا في نادي الهلال اهم شي استمر على التطبيل عشان يحقق الهلال بطول اسيا |
إقتباس:
|
صحيح كلامك وعلى فكرة الهلال يحقق البطولة دائما بعد مايحققها السد وثانيا ترا السد لم يتاهل عن جدارة لكي نضعه بطل واي فريق يدخل البطولة وهو غير مرشح يصل النهائي وسبق وان فعلها الكرامة السوري بوصوله للنهائي وخسر بفارق هدف |
الجمهور الهلالي يبغى اسيا لاتقعد تقول لي اكبر من حجمه ومدري كيف شف النصر الي الفتح يفوز عليه الحين يستهبل فينا يقول انتم محلين لا الهلال محلي وخارجي بإذن الله النسخه الجديده للهلال بإذن الله اعذرا على الكلام الحار لكن هذي الحقيقه والهلال زعيم اسيا اكيد وبإذن الله راح نحقق اسيا بس اصبر |
استطاع الاعلام الاصفر ان ياثر على الجمهور باسيا |
والله جبتها على الجرح الدوري اصعب من اسيا مليون مرره .... بس الاعلام الاصفر هو اللي ضغط اللاعبين وجعلهم يدخلون المباريات في اسيا مشحونين وركزو على مشحونين ... دمتم زعماء ,,,, |
نحن لا نبحث عن الاسيويه نحن نبحث عن مرحلة الاحلال المزعومه من قبل الاداره الاداره صرحت ان الفريق في مرحلة احلال ملا تطالبونا ببطولات امنا بالله كيف تقولي مرحلة احلال و الفريق لم يتغير فيه الا الاجانب فقط يعني 40% من التشكيله الاساسيه وهذا غير كافي لا نريد بطوله هذا الموسم نريد تغيير اللاعبين السعوديين الحاليين امثال الزوري و المرشدي و نامي و العتيبي و الزج بأسماء شابه من الفريق الاولمبي امثال شافي الدوسري و عبدالله الدوسري و رضوان الموسى و سلطان البيشي و محمد القرني و سلمان الفرج و سالم الدوسري و و الصانع و تسريح حسن العتيبي و جعل شراحيلي حارس للفريق الاول هذا ما يسمى بأحلال الفريق لكن حاليا الاداره قاعده تبربس قاعدين يعتمدون على اشباه لاعبين و يكابرون و يعتقدون انهم يمتلكون الافضل وهذا اكبر خطأ اتمنى من الاداره ان تصحى من سباتها و تتعاقد مع الشهراني و أحمد عكاش بأي طريقه حتى لو كانت بطريقة المبادله بين اللاعبين مع زيادة مبالغ ماليه |
إقتباس:
انت مضيع وداخل موضوع بالغلط انا ما جبت طاري مدح لا لنامي ولا للزوري انا قلت لك ان الهلال افضل فريق باسيا وما في قريق ما عنده نقاط ضعف ولا اجل الهلال ما حقق اسيا وما اظن يحققها وش عندك انت رح توكل على الله دور لك فريق غيره حنا راضين بالزعيم لو ما يحققها ابد الحمدلله والشكر عالم تدخل وما تدري وش تكتب |
إقتباس:
المسألة مو عيارة مبزرة يالغالي نصراوي ولا اتحادي يقولك محلي قله انت معي بنفس البطولة وبيني وبينك الملعب خذ المحلي مني كانك تقدر خلني احلي بالسنة مرتين والاتحاد له موسمين حب الفصفص ما يطوله اجل اذا انت حققت اسيا بيقولون ايه مو انت اول واحد تأهل للعالمية يعني انت محلي صدقني كلام المبزرة كثير ولا يكون همك هو همنا طال عمرك اذا تقابلنا في الملعب نعرف نرد عليهم وناخذ البطولات من قدام عيونهم عطني فريق ياخذ بطولتين بالسنة غير الهلال الحمدلله اني هلالي |
إقتباس:
اخي الغالي انا لست ضد المطالبة بالتغير للأفضل أنا موضوعي خاص بهؤلاء من تجد جل همهم ومواضيعهم وردودهم عن بطولة أسيا وكأن الهلال ناقص بعدم تحقيقها فعلا الإعلام الأصفر قوي واستطاع ايهام كثير من جماهيرنا المساكين بأن الهلال بعدم تحقيقه أسيا يعتبر فريق ناقص وغير كبير |
اخوي أكيد اسيا تهم الهلاليين وبشكل كبير لا تقولون حسستوني انها كاس العالم ومن هالكلام خلونا نتكلم بصراحه اسيا عقدة الهلال وكلنا كهلاليين نتمناها إحنا نبغاها عاشان نكسر هالعقدة وبالتوفيق للهلال |
إقتباس:
طيب كأس الملك ما حققه الهلال ليه ما نعتبره عقده ونعطيه اكبر من حجمه مثل اسيا دامك تشوف ان اسيا غاية في الأهمية وعقدتنا اجل ترانا ما راح ناخذها ويالبى الهلال اخذها ولا لا يبقى كبير |
إقتباس:
و لو تلاحظ اغلب الفرق اللي طلعنا منها بأخطاء دفاعيه فادحه العام الخساره من الإتحاد كانت بأخظاء من بعض اللاعبين مثل الشلهوب وهوساوي بخصوص خماسية الإتحاد .. تراهم مالعبوا مع الهلال بنفس التشكيله لاتنسى بذيك المباراة كان مهاجمهم طلال المشعل ، وفيه غياب لأسماء كبيره مثل نور وهزازي وأخيراً أرجع لمباراة الرباعيه الشهيره مع الغرافه لتتأكد ان نكسات الهلال فنيه لا نفسيه وأكبر دليل يبرهن كلامي المستويات اللي تُقدّم من بعض اللاعبين خصوصاً بالخطوط الخلفيه ~ |
إقتباس:
يعطيك ألف عااافيه |
إقتباس:
ياخيتي يالغالية انا معاك ان الهلال عنده مشاكل فنية وما فيه فريق ما عنده مشاكل لكن ليه مشاكلنا الفنية ما حرمتنا اصعب بطولة (بطولة الدوري) محتكرينها في السنوات الأخيرة لا ونحسمها بدري بعد ليه مشاكلنا ما حرمتنا بطولة ولي العهد الي صارت ملك للهلال كل موسم يحققها صدقيني بعض الفرق السعودية الي ما قدرت تاخذ منا الدوري وكاس ولي العهد أقوى من الغرافة والسد وام صلال والوحدة الإماراتي ومع ذلك طلعونا هالفرق الخليجية الضعيفة وش يدل عليه كوننا نبدع بكل البطولات الا اسيا هذا وش دليله دليل انا معطين هالبطولة أكبر من حجمها والله العظيم بطولة صغيرة وما تستاهل الضجة الإعلامية لكن حنا معطينها أكبر من حجمها والإعلام خلاها عقدة بعيوننا على شان يحسسنا ان الزعيم فريق صغير لكن حامض على بوزهم الزعيم بأسيا ولا بدونها يعتبر أكبر فريق سعودي وأسيوي بعد |
إقتباس:
أشكرك يالغالي على اطرائك وأتشرف بإعجابك |
كلامك عين العقل وعين الصواب هاذي المواضيع الي تفتح النفس انك تقراها <CENTER>وشكرا </CENTER> |
إقتباس:
مشكور يالغالي على اطرائك نورت |
كلام سليم +صحيح +يدل على قرائتك والمامك التام بالمواضيع شكرا لك اتمنى رفع المووووضع |
أشـكر الجميــع علــى المــرور |
والله يااخوي اسمح لي بالموووضوع بس اسيا الكل يبيها ولو مانبيها مكان الرئيس عبدالرحمن قال تصرريح(( ان اسيا عندنا اهم من الدوري السعودي)) تقارن بطوولة قااره ببطولة محلليه؟؟؟؟ لا اسمح لي بطووله عن بطووله تفررق بطووله تاهل الى كااس العالم للانديه افضل من بطووله تاهل الى اسيا .... |
والله يااخوي اسمح لي بالموووضوع بس اسيا الكل يبيها ولو مانبيها مكان الرئيس عبدالرحمن قال تصرريح(( ان اسيا عندنا اهم من الدوري السعودي)) تقارن بطوولة قااره ببطولة محلليه؟؟؟؟ لا اسمح لي بطووله عن بطووله تفررق بطووله تاهل الى كااس العالم للانديه افضل من بطووله تاهل الى اسيا ....>>وجهة نظر :alzaeem: |
إقتباس:
اي لو انك محروم من الدوري كان قلت الدوري كلن يبيه يابابا السد حقق اسيا بدون فوز من بعد دور16 عدا مرة بالحظ وتقولي بطولة كبيرة |
كلام رائع وجميل في الصميم تحياتي |
كلامك عين العقل وعين الصواب هاذي المواضيع الي تفتح النفس انك تقراها وشكرا |
أهم شي يآخذ الزعيم الملكي بططولة |
إقتباس:
مشكوره على اطرائك شرف لي اعجابك نورتي |
إقتباس:
وشرف لي اعجابك |
اسيا لن ترضى بغير الهلال وهذا سنة اسيا |
أنا أخالفك بالرأي إحنا أسهل ما عندنا الدوري يعني ما نحس فيه طعم البطولة الصعبة و الهلال أحب ما عنده البطولات الصعبة و إذا كان الحظ ضدنا هذا قدرنا و لاكن الهلال ماراح يقصر في الحصول على هذي المستعصية |
إقتباس:
اللحين لما تقولي بطولة تأهلك لكاس العالم , ! هل الفريق قآدر يقآرع بطل اوربا مثل مايقارعونهم ابطال امريكا الجنوبية ! اهم شي الفريق يكون قوي وفيهم روح الشباب ! النقطةة الثانية , شف الاتحاد اللي يقولون ان الهلال محلي وما محلي السنتين الاخيرة كم بطولة حقق ؟ وكم بطولة حقق الهلال؟ النصر اللي مسوي ضجه عالمي وماعالمي ي شيخ وودهم بإي بطولة حتى ان الودية الاخيرة حاولو يضمونها للبطولات الرسمية ! ويقالهم تأهلو للأسيا خلال 10 سنوات الاخيرة ! تأهلو مرة ومن كانت مجموعتهم ! اضعف مجموعة ! لا وفوق كذآ , اسرع هدف في دوري الابطال عليهم ب28 ثانية ! ي حبيب قلبي هذول امنيتهم بطولة , فيتعذرون بسالفة العالمية , ! يآخي كل شي بالسعودية معكوس ! معروف اهم بطولة هي الدوري ثم يجي بعدها بطولة القارة , ثم الكأس ! واذا تبي تتأككد رح اسألك اي اسباني , او انقليزي او فرنسي الهلال ماخرج من البطولات الاخيرة الا من الثقة الزايدة فقط ! ام صلال كانو واثقين من الفوز ! الوحدة كانو واثقين ! , ذوب آهان كانو واثقين ! خلونا نكون واقعين مو نفسية من ناحية انها ضغط لا , هي من ناحية الثقة الزايدة بالفوز |
إقتباس:
اخذ الهلال الدوري وهو يستحقّه بلا شك ، لكن ألا تعتقد ان ظروف الإتحاد ومشاكله وتعادلاته وظروف الشباب أيضاً ساعدت الهلال على حسمها بوقت مُبكّر ؟ تعتقد لو كانت الفرق الكبيره شاده حيلها من البدايه ومعده بشكل جيد مثل الهلال راح ياخذها الهلال بهالسهوله ؟ ومافيه فريق لاعبينه كلهم 100% لكن الضعف بفريقنا واااضح وغالباً مايحرج الفريق منّه ~ |
إقتباس:
يالغالية كل الفرق عندهم ظروف مو بس الشباب والاتحاد الهلال كان اشدهم ظروف بذهاب المدرب جيرتس بنصف الموسم وذهاب تايقو والإصابات لكن الاتحاد على الرغم من ظروفه وصل نصف النهائي والسد الفقير فنيا الي مركزه بالدوري القطري متأخر وما حقق ولا مع المراكز الثلاث الأولى هو الي حقق اسيا انا الي ابي اوصله ان الهلال أكبر مشكله تواجهه في اسيا هي المشكلة النفسية (تكبيرنا لحجم البطولة واننا خلينها عقدة على لعيبتنا) والصحيح انها بطولة سهلة وصغيرة مثلها مثل اي بطولة خروج مغلوب مثلها مثل كأس الملك الي الأهلي حققه ومثلها مثل ولي العهد الي الوحدة من الدرجة الأولى حقق وصيف هالبطولة بوصوله للنهائي |
إقتباس:
ياخي الدوري اصعب من أسيا والهلال حققه كثير تجي تقول ما انبسط بالدوري ملينا منه طيب كأس الملك ما حققناه ابد ليه ما تكبرون من حجمه مشكلتكم اثر فيكم الإعلام الأصفر |
| الوقت المعتمد في المنتدى بتوقيت جرينتش +3.
الوقت الان » 12:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd