|
إلى عبدالرحمن بن مساعد ( عاجل للاهمية ) بسم الله الرحمن الرحيم السلام عليكم ورحمة الله وبركاته أنا مشجع هلالي بسيط ليس لي علاقات داخل النادي ولاأعرف أحد من اللاعبين ولكن متابع للرياضة السعودية ونادي الهلال بشكل خاص , لدي قدرة جيدة على تحليل مايجري في الكرة السعودية وخاصة الهلالية ومن حرصي على نادي الهلال ومن معزة خاصة لابوفيصل ( صاحب السمو الملكي الامير عبدالرحمن بن مساعد ) سوف أكتب تعليقي على مايجري في الساحة الهلالية وأتمنى من يقراء تعليقي وله صله أويمون على رئيس نادي الهلال أن ينقل له هذا الموضوع . 1- ( موضوع الفريدي وهوساوي ) نبداء بالاخ أسامة هوساوي ونسئل أنفسنا ماذا قدم للهلال ونتذكر ماذا فعل أمام الفريق الايراني في بطولة آسيا اللي كلفتنا الخروج من البطولة ولكن الاعلام الهلالي الله يهديهم حاطين اسامة بالثريا من أجل مايتشمت أنصار نادي النصر بنادي الهلال وهذا الكلام لايعني أن أسامة فاشل ولكن لاعب مثله مثل قلوب الدفاع اللي في الفرق الاخرى ولكن الاعلام جعله أفضل منهم , طيب وش الحل : الحل أذا كان أسامة ملزم يروح . يروح الله يستر عليه عندنا رضوان الموسى وعبدالله الدوسري تومهم محققين مع المنتخب الاولمبي بطولة شمال أفريقيا وكانا أساسيين , نعطيهم الفرصة وان شاء الله تعالى سوف يبدعون وينسونا أسامة هوساوي . أما الفريدي سالفته سالفة ( الظاهر عنده عتامة الفرده اللي يقولون ) أحمد نموذج ممتاز للشاب السعودي ونعم وسبعين نعم فيه لانه شاب ملتزم ولم تغريه الشهره أولم تجره للبزوطه بالعاميه , لكن مساله تجديده للهلال أشوف أن يعطى السقف الاعلى وإذا لم يرضى أحمد الله يستر عليه عندنا تخمه في الوسط ( الدوسري والعابد والفرج ومبارك البيشي والشلهوب وعندك جيل المستقبل عبدالكريم القحطاني وبدر المرشدي وغيرهم كثير ) بالمختصرالهلال مصنع في خانة الوسط . 2- ( علاقة سامي مع الاعبين وغيرهم ) أنا لاأعلم عن هذا الموضوع شئ ولكن نسمع الشائعات ولكن منصب سامي حساس جدآ ويفرض عليه أن تكون علاقته اكثرمن ممتازة لانه يقوي الجانب النفسي لدى اللاعبين وأذا كان الكلام صحيح ان هناك مشاكل يجب معرفة من هو المخطئ ويعاقب واذا كان سامي أخطاء مع انني لاأعتقد ذلك ولا أتمناه فنواف التمياط بديل رائع جدآ لسامي . 3- ( الظهور الأعلامي ) أسف ياسمو الامير ولكن ظهورك في الاعلام يفسد على النادي أشياء كثيرة لان الاعلام لدينا اعلام اندية ياسمو الامير. 4- ( أين تكمن مشكلة الهلال ) تكمن في الظهير الأيمن والظهير الايسر كل العالم تقول هذا الكلام وأنا أويدهم والحل في شافي وسلطان والبحث في الاولمبي وفئة الشباب نطلعه لو عمره 16 سنة . 5- ( الروح القتالية المخلصة للشعار ) هذا مايحتاجه لاعبين الهلال الروح بعد توفيق الله سبحانه وتعالى . |
وعليكم السلام ورحمه الله وبركاته كل عام وانت بخير يغاالي :rose: بالنسبه لموضوع هوساوي تقريبا شبه انتهى لانه يريد الاحتراف الخارجي الهلال عارض على هوساوي 26 مليون ولكن ما جدد عقده معا الهلال ؟ الفريدي يبحث عن المال ولكن لا يبحث عن البطولات ومنصات الذهب ؟ :ranting: الهلال ما راح يوقف على اي لاعب منهم الهلال يصنع النجوم مثل سامي والدعيع والثنيان والشلهوب .................... الخ يعطيك العافيه عـ الموضوع |
طول مافيه لاعبين همهم الفلوس ماراح نجيب الاسيويه شف السد ماكان مرشح للفوز با اللقب بس القتاليه الي كانو عليها وحبهم للنادي كان سبب من الاسباب ما اقول الا الله يوفق الزعيم بس مشكور اخوي ع الطرح |
ثقتي بالهلال جداً كبيرة مهما راح من لاعبين هناك من يسد خانتهم بأقتدار والامثله كثيرة بس أتركوا الادارة تعمل وأن شاء الله تشوفوا الي يسركم الهلال وجد ليكون دائماً في القمة :alzaeem: |
موضوعك رائع ومصير الفريدي يوقع واعتقد ان هوساوي سيوقع لكن هذا بسبب ضجة الاعلام كم كنت اتمنى ان يكون موضوعك بمنتدى الجمهور الهلالي |
إقتباس:
مشكور آخوي على آلموضوع ... و حتى آلفريدي لو رآح لنآدي غير آلهلآل بيفشل وربي |
أوافقك الرأي في كل نقاطك .. أتمنىآ ان لا يعطىآ هوساوي والفريدي أكبر من حجمهم ..هم نجوم لكن مو اساطير .. النقطه الثانيه اشوف عبدالرحمن بن مساعد كثير الخروج للاعلام ومتسااهل جدا في امور النادي ومثالي مع الانديه الاخرىآ . اتمنىآ ان يعآمل الغير مثل مايعآمل الهلال .. الله يطول بعمرعبدالرحمن بن مساعد يوفقه .. شكرا لك اخوي .. |
مشكور على هالموضوع الرائع بالنسبه لسامي تقول ان فيه مشاكل مع الاعبين انا من وجهة نظري لا يوجد اي مشاكل ما بين الاعبين وسااامي وبخصوص ان لو استقيل ساامي نجيب نواف التمياط هاذه خطوه جيده |
وعليكم السلام ورحمه الله وبركاته كل عام وانت بخير يغاالي :rose: بالنسبه لموضوع هوساوي تقريبا شبه انتهى لانه يريد الاحتراف الخارجي الهلال عارض على هوساوي 26 مليون ولكن ما جدد عقده معا الهلال ؟ الفريدي يبحث عن المال ولكن لا يبحث عن البطولات ومنصات الذهب ؟ :ranting: الهلال ما راح يوقف على اي لاعب منهم الهلال يصنع النجوم مثل سامي والدعيع والثنيان والشلهوب ... وغيرهم يعطيك العافيه عـ الموضوع |
كلامك سللللليم لاهنت اخوي سبحان الله بحمده سبحان الله العظيم سبحان الله بحمده سبحان الله العظيم سبحان الله بحمده سبحان الله العظيم |
والله طفشونا ،، ياخي ما تبون ،،>> قولوا ما نبي مايحتاج سياسة ولا اجتماعات بعد ٤ ايام او بعد اسبوع ،، اللي جابهم يجيب غيرهم ،، خلونا نتابع كورة يعطيك العافية عالموضوع الجميل |
مشكوور اخووي على موضوعك المنطقي والصريح بس الي ابغاه يسير في زعيمنا النقطه الرابعه والخامسه وكلو راح يسير تمام بإذن الله |
بعض النقاط منطقيه وبعضها اخالفك الراي |
إقتباس:
مع ان الروح احيان اهم من الابداع والكعوب وللعب للمتعه فاحنا كاجماهير نبي بطولات فقط |
~ ظهير ايمن ، نجيب لاعب محلي لان سلطآن ماتوقع يمسك هالخآنه عدل واذا مسكها زين ع زين والظهير الايسر شافي موجود ، طيب !! بس باقي قلوب دفاع ، واخر شي { الروح ب الملعب } هذي مادري شلون نجيها ماتنشرا ابد؟ |
| الوقت المعتمد في المنتدى بتوقيت جرينتش +3.
الوقت الان » 06:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd