|
الله يعطيكم العافيه انا ماسويت شي للحين على وضعي الحين بسالكم الحين اذا خذو رقم لوحتك في مثل هالحالات وبلغو به المرور متى يتصل بيك المرور ؟ |
إقتباس:
يـابن الحلال وش مسوي أنت الحين بالظبط !!! موب تقول أنكـ مالمســته بس دقـيت إشارة موب لمبه تسمـى إشاره:s2: ولفيت بعدين هو غير مساره وصدم بالحديد, أول شي الشرطه ماراح يتصـلون عليك ولارح يجبون خبر لكـ إلا إذا أنت صادمه ولا شي , أنبسط يابن الحلال بـالعيد وأستانس وكلن يخطي بالسواقه , بس عاد خلكـ حذر أكثر المرة الثانيه , بس ماتسـوى كل هالخوف , وبعدين وووضح شوي بالظبط كيف صار موب بس دقيت اللمبه :s2: , المهم لو تروح للشرطه وتسلم نفسك:s2: يبي يقولكـ رح لـ بيتكم ونم وخلكـ رجل , |
شكل آلسآلفه كلآم فآضي لك يوم ألحين ومآسويت شي , |
بعض الردود ودك تكفخهم .. Dr,Thunder : روق ياخوي وطول بالك ومايكون الا خير وماعليك من الردود اللي تلقي اللوم علييك .. واستشر اللي اكبر منك وفاااهم لهالامور ..اذا عندك اخ كبير كلمه وفهمه او عم او خال .. وتفاائل اخوي ولا توتر نفسك وما يكون الا خير .. طمنا .. |
يارجال لا تسلم نفسك ولا شي يكفي انك حاس بالذنب وندمان وعفى الله عما سلف |
هلا اخواني الله يعطيكم العافيه ويفرج عنكم كرب الدنيا وهمومها ادعولي الله يحفظكم للحين ماحصل شئ في نقطه ماقلت لكم وهو وانا بعد اللي صار وانا مكمل طريقي ماشي بسرعه من الموقع لحقني واحد راعي سياره ويسجل رقم لوحتي ووقفت عند اشاره ووقف وراي ونزل قالي ارجع ترى رقمك معي قلت ياخي انا ماسويت شي قالي لا انت حاده وراح ابلغ عنك ووللحين ماوصلني اي خبر على الجوال من المرور لي يومين تتوقعون متى يتصلون ؟؟ مع اني خايف على صحة الوالد والوالده لان اعصابهم شوي تعبانه يعني حتى لو يقولون توقيف اسبوع مدري وش بيصير فيهم وهذا اللي مانعني اسلم نفسي لكن خايف وجالس انتظر اتصال المرور |
^ مدري بس احس انك جالس تطقطق على العيال ! بعدين ابعرف وشلون الرجال جاي مجلعد وماسك مسار غير مسارك ، وقدامه موتر على كلامك بغى يصدمه بـ سبب السرعه ، الخطأ او الحادث الي صار يكون بـ سبب دقة " لمبه " او خلنا نقول عليك انت !؟ بـ النسبة لـ الي لحقك واخذ رقم اللوحه ، امم المشكلة هنا ان الي لحقك عطاهم رقم اللوحه ، وقالهم انك انت المسؤوال وانك هارب ووو ، لو الموتر بـ أسمك سهالات " مفيش فضيحه " لكن الي فهمته ان الموتر مو بـ أسمك ! على كلٍ لا تخاف يابن الحلال ، كف بلاغ والموضوع منتهي ، خصوصاً انك ماخطيت ! شوري عليك بما انك صغير والموقف صعب تتحمله لـ حالك ، خذ معك واحدٍ كبير ، ورح لـ أقرب قسم شرطه من مكان الحادث ، لأن الرجال " الي لحقك " يمكن سوى بلاغ على الموتر والحين فيه تعميم وقروشه فـ رح وشف وش الي جد بـ الموضوع ، وماتدري يمكن السالفه اهون وماتستاهل كل هـ الجزع :$ الله ييسر امرك ! |
إقتباس:
الحين اذا خذو اللوحه المفروض يتصلوا على صاحبها صح ؟؟ لي يومين ماوصلني اتصال ؟ |
إقتباس:
|
إقتباس:
|
إقتباس:
واذا اخذو اللوحه وش الاجراءت اللي بيسوونها ؟ |
اتوقع قبل ما تدخل بيتكم جاك رجال وقالك كافي نصب |
إقتباس:
هل بستفيد شئ اذا فبركت هالقصه من راسي ؟ على كلن الله يجيرينا حنا واياك وكل المسلمين من بلاوي الدنيا |
ياويييييييييلك خربت عليه العيد << ترآهـ بيسآمحك . والله يتوب عليك وعلينا . بس لو تروح يمكن يقول أنبه ضميره وسلم نفسه ويمكن ماجاه شي بس تصلح سيارته ويممممكن يسامحك . |
إقتباس:
عاد هم كثير , وإذا كثروا أكثر اعتبر نص الشعب السعودي في عداد الأموات :s2::smilie47: أخوي صاحب الموضوع ما تلاحظ إنك مسوي زحمة والشارع فاضي؟ قصدي طبعاً هنا بالموضوع , أما الشارع الصدقي فما فيها كلام زحمة وحوادث بعد :s2: خذ العلم .. مهما سويت من بلاوي فما دام ما صدمت أحد أو هو صدمك فما عليك شي ! وبما إني خرّيج حوادث شنيعة الله يكفيني شرها ويبعدها عني وعنكم .. فقد حصل لي حادث بسبب واحد مدري غشيم أو متهور أو نعسان الزبدة أنه خطم علي خطمة أليمة وتسبب في حادث لي .. الزبدة قلت للمرور إن صاحب كامري بيضاء هو اللي لف علي وكنت بأصدمه لو ماتحاشيته فقالوا لي : صدمك؟ قلت لا .. قال أجل ما عليه شي ! قلت مو مشكلة أهم شي سلامة الجمجمة أما الحديد فالتأمين الله لا يهينه مش مقصر ! :s2::smilie47: فمختصر الموضوع , ما راح يجيك أحد ولا تخاف وقفل الموضوع لأنه مسبب زحمة أليمة :d أما إن كان عندك ضمير وتحب تصلح سيارة الرجال فخذها مني نصيحة .. إذا كانت السيارة عليها تأمين فخل أبوك يروح للمرور يقول لهم إنه هو اللي كان يسوق , لأن التأمين ما يشملك بما إن ما عندك رخصة .. وبكذا التأمين يصلح سيارة الرجال إن كانه حي , وإن كانه مات الله لا يقدر بـ شرّ فالتأمين برضه بيدفع الدية وتكون للورثة ويرتاح ضميرك الحي يا أبو ضمير جنان ! أما إذا ما كان على السيارة تأمين .. فـ عط ضميرك إجازة كم يوم وانسى الموضوع :s2::smilie47: |
| الوقت المعتمد في المنتدى بتوقيت جرينتش +3.
الوقت الان » 12:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd