اهلين فتى المدينة
بصراحه الاحداث اللي مرت على المنطقة وماصار فيها من مظاهرات واطلاق نار واغتيال كله باسباب عدم وجود الوازع الديني عند البعض .. وعدم وجود الرادع عند البعض الآخر .. وضعف الامن بصفه عامه بالجوف .. وهالاحداث استغربها غالبية سكان المنطقة وأثرت على الجميع وصارت حديث المجالس والاستراحات .. أحداث أثرت على العاقل والمجنون على الكبير والصغير .. فالعاقل وقف بموقف المشاهد ماهو مصدق اللي يحصل ولابيده شي .. والمجنون استغل الفرصة وصار يعبث بارواح الابرياء من كثر مايسمع من مصايب تُقيد ضد مجهول .. صحيح انها احداث تحصل يومياً وبكل مناطق المملكة لكن مكمن الغرابة ان احداث الجوف متوجهه نحو المسئولين بصفة مباشرة .
وسالفة محاولة اغتيال مدير التعليم سمعنا فيها بيومها .. لكن محاولة من الجميع بالتكتيم لم لن تجدي للأسف .. لكن حسبي ان السالفة وحسب ماسمعنا صدرت من مريض نفسي ويمكن الأخ سليمان يعطيكم التفاصيل لأنه من جماعته
واللي وصلني عنه انه مدرس رياضة سابق <<== يعني زميل
كان يعمل بمدينة رفحا وانتقل للعمل بادارة التعليم بالجوف لظروفه الصحيه .. وان السالفة حدثت بموقف السيارات يعني ماواجه مدير التعليم ولا التقى فيه مباشرة والله اعلم .
وصارت سالفة قبل هالسالفة باسبوع .. يعني يوم السبت قبل الماضي ( اول ايام الدراسة ) من مريض نفسي ثاني استغل الوضع الامني السيء للأسف وقام باحتجاز سبعة شباب لمدة اكثر من 24 ساعة بمقهى انترنت يمتلكه اخوه وكانت مطالبه مادية بحته .. او احضار صاروخ عند باب المقهى يطير فيه للقمر
والمضحك بالأمر ان الشباب كانوا متأثرين بالاحداث وخافوا من القتل وكلن لبد بكابينته خايفين من الرشاش .. وهو ماكان معه الا مفك مخبيه ورى ظهره هههههههههههآآآآىى .
والادهى والأمر ان الشرطه هددت المحتجزين بعد فكهم من عبقري زمانه ابو صاروخ بالتكتيم على الموضوع ووقعتهم على عدم الكلام بعد
<<== ماهم عاقلين شرطتنا .. على بالهم اننا مانفقد عيالنا .. ولا نسألهم وينكم من يومين
حطوا حيلهم على هالمساكين المحتجزين ونسوا شغلتهم .. ونسوا الثلاث مجرمين للثلاث جرايم !!
ابشركم ان الامور بدت بالتحسن .. وصار التفتيش يومي لوووووووووووووول
يعني وين مانروح نتوقع ان قدامنا نقطة تفتيش .. وهات الرخصة والاستماره ومدري وش ذنبنا حنا ياللي ماشين سيده ..ومدري وش دخل الرخصة والاستماره بالموضوع
مراسل شبكة الزعيم بالجوف
ف ع ع ع
<< == بايعها ... لكن ان غبت اعرفوا اني رحت بخرايطها