|
الف الف مبروك ياحبتي الهلاليون على الفوز..... لازلت عند رائي في القاتو رغم تسببه في الهدف .. شكرآ من الاعماق الرئيس الهلال , فعلآ احضرت مدرب قدير ,قراء المباره في شوطها الاول , ووضع خطة الفوز في الشوط الثاني ..... القاتو نريد اهدافآ لاتصفيقآ.. |
الف مبروك لك اخوي... بس انا اعتقد المدرب جانب الصواب في التغييرات اللي سواها وكذلك في التشكيله الاساسيه.. كلنا شفنا الهلال مع الاتفاق بعد ان لعب الهلال ناقصا.. حتى اليوم اصيب العتيبي بس ربك ستر والا كان صارت علووووووووووم.. ابقولها كلمه بس لا تزعل مني.. التيماوي لا زال يلعب بتاريخه وليس بمستواه؟؟؟؟؟ |
الف مبروك الفوز |
تحياتي ... الاهم هو كسب المباراه وبعدين كم عدد المباريات اللي قاد المدرب الهلال فيها وهذي اول مباراه يشارك فيها اغلب اللاعبين الدوليين والذيب مالعب يعني عطوه فرصه ووقت كافي للحكم عليه وانت يالغانم كيف حالك اولا وبعدين التيماوي ايضا يحتاج لوقت يكفي حماسه وروحه العاليه وانشاء الله يستعيد مستواه المعروووووووف.... العوّاااام........... |
الف مبروك الفوز اهم شي الفوز وتحقق |
اخوي منتجع الثمامه... اولا هلا فيك والله لك وحشه.. ثانيا بالنسبه للتيماوي هو يلعب تقريبا من بداية الموسم وما شفنا شيء كل يوم نقول الجاي احسن وهو محلك سر... يوسف وهو الشايب شفت بدونه كيف كان الوسط... ملينا من المجاملات اللي مالها داعي...كلنا نحب التيماوي ونحتزم تاريخه بس ما نجامله على حساب النادي وعلى حساب غيره من اللاعبين الشباب...انا عندي يلعب الشهراني مثلا احسن..خله يخطي ويسبب هدف والا عشره بس مرده يستفيد وهو توه صغير والمستقبل قدامه... اما بالنسبه للكاتو....(( الضرب في الميت حرام )) وبس!! |
الغانم أنت كذا.... التيماوي كان لابد يكون محله التغيير بدل الغامدي . ليش غير الغامدي ؟ علشان الكرت الأحمر ... الغامدي يعصب اذا شاف الوسط ضايع . وينك يوسف ---- فقدناك ؟؟؟ عسى المانع خير . ياليت المدرب غير التيماوي بدل الغامدي ...... مهوب أحسن . اترك المجامله حنا هلاليين قبل كل شيء .... ونموت في الزعيم - صح . خلك هلالاي وترانا هلالايين - لايغرك قولهم الزعيم ماله هلاليين . |
اولا ابارك لكل محبي وعشاق الزعيم بهذا الفوز وثانيا مستوى التيماوي اليوم يعني صراحة وبدون مجامله ولا احد يزعل سيء جدا وثالثا المدرب تغيرين صح وتغير مااش التغيرين الي هو نزول الشلهوب والنزهان ولكن التغيير الثالث الي هو نزول توليو وخروج الرشيد انا في رأيي انه كان يطلع بدل الرشيد المسعري |
يقولون انا يوسف موقف |
مبروك علينا كلنا وعقبال الكأس وفعلاً أخوي حبي تيماوي نشكر رئيس الهلال على المدرب الرائع في قرأءة الملعب مع وجود بعض الأخطاء علية من حيث أختياره للاعبين وهذه مسألة وقت لاغير و على اللاعب الفذ توليو الذي قدم اليوم فاصلاً مهارياً رائع ونمودج للمحور العالمي الذي بوجوده سيغطي خانة خميس العويران على أكمل وجه. بس ما تلاحظ أن التيماوي طايح مستواه وماقدم شيء يشفع له بتمثيل الهلال من بداية الدوري (يعني لو معطني فرصة لعبدالله المطرف أحسن)<br><font size=1 color="#000080" face="tahoma">[عدلت بواسطة mksa التاريخ:27-02-2001 الساعة: 12:38 AM]</font> |
مبروك لكل الهلاليين.. مبروك مليون...بعد999999الف مبروك زعيم مايرحم خصمه ابد... ومااااااااااااااااااااااااااااااقول الا........مثل ماقال ابو عبدالله من واجه الاعصار ....... مهما صمد ينهار |
في البدائه اقول ان المدرب كان جيد والدليل قلبه لنتيجة المباراة بتغييراته الجيدة وان كان يعاب عليه ابقائه على حسين المسعري طوال المباراة والله اشوفكم متحاملين على خالد التيماوي ااكد كلمة( متحاملين) بالعكس خالد كان طوال المباراة يتحرك وماقصر والله يعطيه العافيه وكان بامكانه اضافة هدف ثالث لو ان الكاتو عكس الكوره له في الشوط الثاني عندما كان في الجهه اليمنى وحيد يستني كوره وشكرا |
واولا الف مبروك الفوز الهلالي المستحق(في الشوط الثاني) في الشوط الاول الهلال ماكان في مستواة @ عمر الغامدي كان تمم بس شافة المدرب معصب ولاعيبة الاتحاد بدات ....الخ0 @ التيماوي قدم مستوى جيد بس ماكان معة الوسط الي يساندة وكان دفاع الاتحاد متحمس زيادة(تشويت ونزلقات)0 @ اما خالد الرشيد كان ناقصة الياقة والعودة الي اجواء المباريات0 @ اما تغير الرشيد بتوليولانة توليو يلعب محور وظهير ايسر0 @ اما الثنيان موقوف (لاتعليق)0 |
بدون زعل الى الجميع, بدون زعل,,, هذا المنتدى موجود لكي نتكلم عن مصلحة الهلال وليس المديح... البعض مازال متمسكا بخالد التيماوي, أقول نعم لو راجع حساباته وعرف أنه لم يقدم شيء يذكر. من يقول أنه اجتهد وأن لاعبين لوسط لم يدعموه,,, أقول أن مركزه في مباراة اليوم هو مركز نواف وهو خلف المهاجمين ومن المفروض توصيل الكره للأمام وليس للخلف كما يفعل. الثنيان غير موقوف بل أراد المدرب اراحته. الاختلاف في الرأي لايفسد للود قضيه. تقبلوا تحياتي. |
فعلآ ياخواني المهم عندنا هو فوز الزعيم , والحمد لله انه تحقق ..وسوى لعب التيماوي او غير الزعيم باقي في القمه وما احد يهمه ولكن لا تلوموني في حب خالد وسامي فاللاثنين منزله خاصه وفي النهايه كل ازرق هلالي أموت فيه ..... وسلامتكم احبتي |
| الوقت المعتمد في المنتدى بتوقيت جرينتش +3.
الوقت الان » 06:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd