نادي الهلال السعودي - شبكة الزعيم - الموقع الرسمي - ابراهيموفيتش مخاطباً غوارديولا: " أنت تخاف من مورينهو "

- منتدى الرياضة العربية و العالمية (http://vb.alhilal.com/forumdisplay.php?f=13)

PUYOL Carles
:rose:

احييك على فكرك الراقي .

بس عندي استفسار بسيط جدا
قرات في احد الصحف ان بيب من يوم استلم تدريب برشلونة وهو حاط في راسه فكرة ان ميسي يصبح اقرب لمنطقة الجزاء (المركز اللي هو فيه هالحين)
يعني تحويله من جناح الى مركزه الحالي

قرات اسبابك اللي قلتها عن خروج صامويل ايتو واراها منطقية جدا

لكن اذا كان الكلام اللي قريته في الصحيفة صحيح فانتداب ابرا كبديل لايتو كان جرما في حق ابرا .. بمعنى انه جابه وهو حاط في راسه انه ما راح يلعبهبترجع تقولي ان ابرا اصلا كان يلعب راس حربه وميسي ما بدا يلعب في مركزه الجديد الا بعد خروج ابرا

طيل هذا الجواخي تمت التضحية به وهو هداف اسبانيا التاريخي ليلبع في مركز الجناح مما ادى الى هبوط مستواه اولا ومعدله التهديفي ثانيا

ودي :rose:

إقتباس:

واشمئزازي الكبير للمهاجم العادي حاليا خشيمانوفتش

هي حاجة من 2

يا إنك ما تتابع ميلان هذي السنة
او انك تتابع ولكن التعصب غطا على عينيك الكريمتين

وشكرآ:rose:

إقتباس:

لكن اذا كان الكلام اللي قريته في الصحيفة صحيح فانتداب ابرا كبديل لايتو كان جرما في حق ابرا .. بمعنى انه جابه وهو حاط في راسه انه ما راح يلعبهبترجع تقولي ان ابرا اصلا كان يلعب راس حربه وميسي ما بدا يلعب في مركزه الجديد الا بعد خروج ابرا

طيل هذا الجواخي تمت التضحية به وهو هداف اسبانيا التاريخي ليلبع في مركز الجناح مما ادى الى هبوط مستواه اولا ومعدله التهديفي ثانيا

صحيح هذا الكلام

الفكره كانت تقريب ميسي من منطقة الجزاء

ولكن تقريب لاعب من منطقة جزاء مومعناتها تكبيله ..

- ميسي يعتبروه الناس الا في لاماسيا لاعب هداف من صغره ، لكن الناس الا بالخارج ماكانو يعتبروه هالشي

- لما مسك بيب وتيتو مهمة تدريب الفريق الاول .. كانوا يقولو هالكلام بالنسبه لنا مضحك ، لأننا نعرف ميسي عدل [ تيتو هو مدرب سابق لـ احد الفرق السنيه بالمناسبه ومن خلال هالشي درب ميسي في صغره ]

- بوجود ميسي كجناح .. هو كان بعيد عن المرمى بكل الاحوال .. لكن طريقة لعب الفريق بشكل عام كانت ايضا تبعد اللاعب .. كان فيه شغل فردي اكثر ، مع عمل اكثر على خارج الملعب .. مجئ الفيس سمح لميسي بالدخول للعمق + مع بيب صار فيه تحضير اكثر ولعب في العمق اكثر مع تحركات جماعيه اكثر ، وهالشي كان كفيل بتقريب ميسي للمرمى (ميسي 2009 و 2010)

- الفكره بالنسبه لـ بيب وتيتو وهي انه ميسي خطير في المساحات ع الاطراف لكن في العمق ومع المساحات الضيقه الولد يقدر يسوي اي شي يبغاه

- ريكارد لما غير مركز رونالدينيو لجناح يسار كان يقول هالشي يعطي الامكانيه يروح للعمق او الطرف

- بيب لما حط ميسي في النص يقول هالشي يخليه متداخل اكثر في اللعبه الكامله للفريق ويعطيه الامكانيه يروح يمين او يسار او في النص

- بيب وتيتو يبحثو دايما عن العمق وفتح التكتلات .. وحتى من ايام ايتو .. لما كان عمق الخصم صعب اختراقه .. يحول ميسي لعمق الهجوم ويستغل مهاراته (على فكره ايتو كان يعاند احيانا على هالتغييرات)

- ميسي كلاعب رقم 9 وهمي؟ .. هالشي ماصار الا في وقت لاحق يعني موسم 2011 .. لكن قبل هالموسم ، وتحت يد بيب ، كان يتمتع بسجل تهديفي افضل بكثير من ايام ريكارد

- نقطة التحول لـ ميسي (وبوسكيتس كمان) و دخولهم في الفريق بشكل اكبر .. هو نهائي روما ضد مانشستر .. صحيح بعدها جا ابرا .. لكن خواص ابرا ومهاراته كانت ممكن تسوي نفس الا يسويه ميسي حاليا .. لكن هالشي ماضبط زي مايبغاه برشلونه .. لما نشاهد ابرا والا يسويه .. نقدر نقول انه كان ممكن يضيف الكثير لبرشلونه .. بطول قامته .. ومهاراته وتمريراته وتسديداته وقدرته على الاحتفاظ بالكره .. هالشي ماسواه .. وقدر بعدين يسويه ميسي زي مايبغا

- مثل ما ان ميسي لعب في هالمكان وهو صغير .. حتى فيا لعب في الجناح وهو في سرقسطه مثلا .. صح .. اشتهر في فالنسيا على انه لاعب صندوق وخطير جدا .. لكن كمقارنه بين وضعه السابق والحالي .. في فالنسيا كان يلقى مساحات اكبر في مناطق الخصم .. على عكس فريقه الحالي .. برشلونه نادرا مايلقى مساحات في مناطق الخصم ، بل يصنعها .. لان الخصم اساسا يدخل بقصد الدفاع باكثر مايقدر ..

- فييا صحيح جناح يعتبر حاليا .. لكن هالشي يتغير .. ولما الفريق يلقى المساحات .. يصير فيا لاعب فعال جدا .. وميسي يتحول من لاعب هداف الى لاعب صانع العاب ..

إقتباس:

فانتداب ابرا كبديل لايتو كان جرما في حق ابرا

بالنظر لهاالنقطه تحديدا ...

فـ بيب وتيتو قالوا فكرتنا ماضبطت .. كنا نحاول نغير اللعب ونضيف خيارات اكثر في حالات الدفاع الزايده .. لكن استوعبنا انه فيه اشياء صعب اضافتها لاسلوب برشلونه

(الكلام مونصا بس بما معناه)

الموضوع كان ممتاز جداً من ناحية النقاشات الايجابيه ,, تدخلت بعض الاشكال واصبح شكاليت الموضوع سيئه جداً ,, :yes::cry:

هذا رد بيب على تصاريح ابرا في كتابه

" ماعندي شي اقوله .. ماعندي شي شخصي وياه .. واشكره على كل شي قدمه لنا في السنه الا قضاها ايانا "

---

بشكل عام .. كثير من الناس .. سهله عندهم يقولو بيب عنصري بيب حقود بيب مادري ايش .. وجزء اخر يقولو انه فيه طبقه برشلونيه مسويه بيب ملاك ومثالي ..

لكن السؤال . وش ثمن النجاح لشخص خبرته بسيطه؟ .. اذا تتوقعو الكل ينجح بدون عقبات وفشل واشيا تعكر المزاج .. انتو تعيشو قصص اطفال مو حياة واقعيه

حتى الافلام اذا بيسوو فلم بن كلب .. يركز على النهايه السعيده .. وباقي الفلم كله اشيا تسد النفس خخخخخ

هذي تصاريح بيب كامله وهو يرد على ابرا اول ماطلع

- اشكره على كل شغله وجهوده وتفانيه خلال السنه الا قضاها معانا .. اتفهم انه ماحب الشغل وياي .. بس كل الا اقدر اقوله كان الشغل وياه شي طيب .. تعلمت منه كثير وماتوقع كنا بنفوز بخمس بطولات بدونه

- هو المفروض يتفهم اني ماقدرت اتعامل ايا الموضوع بشكل افضل .. هو صار له يلعب اكثر من 10 سنين وانا ماصار ليي 3 سنين كمدرب .. ممكن اتفهم انه هو بيلوم المدرب .. بس انا سويت كل الا اقدر عليه

- عملي هو استخراج افضل مايمكن من اللاعبين وليس تغيير شخصياتهم .. احيانا الشخصيات ونوعيات الناس المختلفه ماتضبط .. اشياء عدة صارت بينا بس هالاشيا بتظل بينا .. في النهايه ابرا سجل 12 هدف خلال 15 مباراه وصنع العديد من الاهداف

http://www.totalbarca.com/2010/news/guardiola-i-dont-know-if-we-could-have-won-five-trophies-without-ibra/

--

بيب مو مثالي .. لكن واقعي .. وبالنسبه ليي .. انا ما لي شغل بكلام "اييييييييوه ياكاسر خششششششمه" .. " ادعسسسسسسسسسس" ومادري ايش ..

لما اقارن الشي باي شي عملي .. واربطه بالمنطق .. ما اشوف اي شي صار بين بيب واي لاعب .. عباره عن عنصريه او اجرام بحق احد!

لكن لما نجي نحكم على احد .. احكمو من الجانبين .. مو جانب واحد

^^

نفس كلامه أيام ما طلع ابرا وقام يهاجم بيب ,, بيب يرد بمثالية علشان ما يأجج الموضوع ولا يعطي هياط ابرا اكبر من حجمــه .

من خلال اكثر من رد لك أحــس انك تقف مع بيب ومع توجهــه , وهذا الشيء غلط وبقوة مع كامل احترامي وحبي لك وانت عارف برأيي تجاهك :smilie47:

يا عزيزي بيب حتــى لما كان يغير ابراهيموفتش ما كان يسلم عليه وهو طالع من الملعب بعكس غيره من اللاعبين
أنا ما اتكلم عن مستوى ابرا ولا عن شخصيته ولا عن عيوبه ومميزاته , أنا اتكلم عن تعامله مع بيب وتعامل بيب معاه .
أنا اذكر أيامها لما تجمعوا اللاعبين استعدادا للموسم الجديد وكان غايب عن الفريق اللاعبين اللي شاركوا في كأس العالم ,
اذكر الشباب كانوا ينزلون عندنا مقاطع فيديو للتدريبات , وكنا نشوف اسلوب بيب الجآآآف مع ابرا , حتى لما كان يقرب
منه كان يدير له ظهره , واذا مانيب غلطان تناقشت انا وانت ايامها عن هالنقطة بذات كثييير , بيب مش عنصري ولا حاقد ولاشي
بس بيب حس انه اخطأ خطأ فادح لما استقطب ابرا وراهن عليه وكان الضحية ايتو وفي النهاية كانت المحصلة صفــر
فشكلة ما طاق اصلا رائحة ابرا وما صدق على الله إنه طار من النادي .
ابرا يتكلم ويصرح هنا وهناك من زود الغبن اللي في قلبه , في النهاية بيب كان ممكن ينهي كل هالجدل بجلسه وحده مع ابرا
بس بيب ما عطى لللاعب فرصة حتى يدافع عن نفســه , حتى تصريحات بيب كلها مثالية وانشائية ما تاخذ منها لا ابيض ولا اسود
يعني ما اتهم ابرا انه سوا له شيء او عمل معاه شي كل المشكلة لاعب لم يكن كما اراده بيب داخل الملعب , فتعامل معه بيب كما يريد خارج الملعب

وكذا ولا كذا في النهاية بيب هو اكبر مستفيد من هالقضية وأنا متأكد انه فتحت له افاق اخرى للتعامل مع لاعبيه بشكل افضـــل ...:rose::rose:

:rose::rose:

-

لو يحططون درآجان مدرب للبرشا او الريآل ,,

و الله لـ ينجح و يحقق معهم بطولات كثيرتن :d

اما ب النسبة لكلآم إبرا :smilie47: : فهو م قآل شي غلط ,,

طبيعي يخآف من مورينهو .. و من اللي م يخآف منه :s2:

كبير يا إبرا و كبير يا ميييييييلآن :smilie47::smilie47::smilie47::smilie47:

عوافي صآلح الكتاب بيكسر الدنيا و ان شاء الله اقدر اوفر لي نسخه :smilie47:

إقتباس:

لاعب مرعب في الدوري الإيطالي فقط

وش عآد عقب ذآ يا بطل ..

يعطيييييييييييييك العااااااااااااافيه

كفو ياابرا .. انا احب ذا اللاعب .. مع انه راح برشلونه

بس احبه ..

الى قاله صدق .. مورينهو الافضل .. شاء من شاء وأبى من ابى