|
الاتراس الهلالي ؟؟ اقتراحاتي ؟؟ السلام عليكم ورحمة الله وبركاته مسآكم الله بالخير ،، ومبروووك فوز الزعيم وانا اشوف ان رجل المباراه الوحش ايمانا :smilie47: ونهنئ انفسنا كجمهور ونهنئ ابو فيصل ونقوله هذا كله من فضل الله ثم جهودك المتواصله ... نجي عند صلب الموضوع اللي هو الالتراس [FONT=Comic Sans MS][SIZE=6][COLOR=navy][B] ايجابياتنا : قد تكون من الايجابيات واهمها التي انا اراها هي التفاعل معظم المباراه لكن ينص التفاعل شيئا من التنظيم .. السلبيات والحلول : اول سلبيه واخطرها التي رأيناها اليوم وفي كل مباراه تواجد الالتراس في وسط المدرجات ؟؟ المفروض ان الالتراس يمسك الجهة اليمنى او اليسرى كل لا يخترب شكل المدرجات اليوم شفناه كانه بقعه حبر في وسط ثوب .. لان اغلب الحاضرين لابسين ثياب ومحاوطين الالتراس وحنا مانقدر نغير فكر المجتمع فعلينا ايجاد حل وهو اخذ الجهة اليمنى او اليسرى ثاني سلبيه وهي اللبس رأينا ان الالتراس لبسهم واحد كلهم وهذ الشيء فيه شيء من الجمال ولكن الاجمل ان يكون طقمين للالتراس واحد ابيض والثاني ازرق ويكون في المباراه واحد لابس ابيض جنبه لابس ازرق وهكذا على شكل طاوله الشطرنج كل واحد جنبه واحد بلون ثاني والالوان ازرق وابيض وياليت لو الفنيله الزرقاء تكون افتح لانها غامقه بزياده .. رابع شي وين الكبابيس والشالات الكبيره والصغيره ووين اللافتات ووين هاذي اللي تطلع دخان ازرق او بنفسجي حنا نبي الازرق ووين الشرايط البيظ ما شفنا شي ..؟؟ خامس شي قله المتواجدون بالاتراس اتمنى زياده العدد ... وتخصيص ميزانيه من الاداره تكون بسيطه كي لا تؤثر على النادي للالتراس لدفع شيء يسير للمشاركين بالالتراس ولشراء الاغراض اللي ذكرنا فوق بالنقطه الرابعه وبالتوفيق للزعيم في قادم الايام محبكم / محمد الخالدي MOHD-Z |
اقل شيئ يوزعون ملابس بلاستيكية زرقاء زي زمان |
الالتراس اللي انا اشوفه هو نسخة طبق الأصل من الرابطة تقليد اهازيج لكن بدائيه جدا والقائد لم ينجح بوزن صوته مع صوت الجمهور ! والتشجيع اليوم تحس ماله طعم ابد مهما يسوون ! لا بد من وجود (طيران) .. الجمهور ماراح يتحمس بدونه والأيام بيننا ! هذي ثقافة جمهورنا وماراح تتغير مهما يكون .. وهذي الاشياء هي اللي تحمسهم ! والمصيبه الأكبر (يطالبون من الجمهور يرددون معهم) كيف تبغون الجمهور يرددون وهم مايعرفون وش تقولون اصلا ، وصوتكم مو واصل للي جنبكم كيف لو الجمهور كله عاد ! وبالتوفيق لهم ، |
يعطيك العافية أتمنى و أتمنى أن رئيس الالتراس يطبق بعض كلام الجمهور الهلالي وشكرا |
ياناس انتم غريبين صراحه كله على الاتراس وعددهم مايزيد عن 30شخص وكل شي هم من يتحمله وكثر الله خيرهم مقدمين شغل جبار لازم ياجماهير الهلال تتقبلون الفكره وتعاونون معهم كان فيه اعلان عن البروفه اللي بيعملون عليها الدخله من يوم السبت الماضي وكان موعدها امس الاثنين وكم كان عدد الحضور من اكبر جماهير في المملكه 58 وش تبونهم يسوون ذولي لحالهم اتمنى من اللي مو منظم معهم عدم انتقادهم والصبر عليهم في هذا الوقت بالذات وكثر الله خيرهم لسه مستمرين غيرنا اختفو |
بسم الله الرحمن الرحيم اعزائي عشاق الزعيم (1) تواجدنا في وسط المدرجات شيء ايجابي عشان يتفاعلون معنا الجماهير (2) هدفنا من توحيد اللبس هو ان يكون المدرج كامل باللون الازرق (3) بخصوص الشالات كان من المفروض ان يوفرونها لنا موبايلي بس ما جابوا لنا شالات (4) اللافتات والابخره الزرقاء ممنوعه اما الشرائط البيضاء (( ورق الرول )) ما سمحوا لنا ندخلها للملعب (5) الإداره ماقصروا معنا بالدعم وفاتحين لنا النادي لعمل البروفات والاجتماعات في اي وقت (6) اما بخصوص عدد أعضاء الالتراس الحمد لله العدد يزيد في كل مباراة اعتذر على الاطاله اتمنى وضحت لكم الشيء المطلوب عضو في الالتراس الهلالي (( الموج الازرق )) s13s |
| الوقت المعتمد في المنتدى بتوقيت جرينتش +3.
الوقت الان » 02:08 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd