الفريدي في تصريح ناري : (موبايلي) تستغلنا ولن نصور لها مجانا ..وعقدي مع الهلال (كلام جرايد) - صفحة رقم 3 - نادي الهلال السعودي - شبكة الزعيم

الكاسر ياسر · #1 01/11/2011, 10:25 PM

اعتقد المشكله في عقده مع الهلال لم يلزمه على التصوير
اما عقد موبايلي مع الهلال يجبر اي لاعب تختاره موبايلي انه يصور لها اعلان

المشكله في صياغه العقود بين اداره الهلال ولاعبينها
ولا ذنب للفريدي في المطالبه بمبالغ لتصوير اعلانات موبايلي ....

لاكن المشكله في احمد الله يهديه يحب يتكلم عن حقوقه اعلاميا دايما !!!!!

سنفوره · #2 01/11/2011, 10:29 PM

ي للييييل . . .

------------------------

سلمان شمر · #3 01/11/2011, 10:29 PM

##

اذا السالفه كذا .. ماينلام احمد

بالتوفيق لهلالنـا ~

المشجعه الهلاليه · #4 01/11/2011, 10:30 PM

وش فيه على الفلوس احمد كل شوي والثاني يتكلم على الفلوس شخص مادي بحت

إحترت اسميك! · #5 01/11/2011, 10:44 PM

احس ان هاللاعب بدأ يحترق ببطيء ؟
المشكلة انه يلعب مباراة واحدة حلوة كل عشر مباريات ؟
النجم با أحمد يلعب تسع مباريات حلوة ومباراة سيئة ؟
ياخوفي عليك من الغرور يا أحمد

al_concord_15 · #6 01/11/2011, 10:47 PM

ياكثر ردود المعارضين لك يا فريدي
مادري كأني داخل منتدى نادي منافس
الفريدي ..
أحد أعمدة الهلال مستقبلا بإذن الله
والعقليات الكرتونيه لبعض الجماهير
تخليك تصدق ان الفريدي مايبي الهلال وانه يتعالى على الزعيم
روحو راجعو انفسكم وشوفو انتم تشجعون مين يا(شطار)

الفريدي بكلامة وانا اعتقد انه مصيب
موبايلي تستغل الهلال إسماً ورقماً
ومردودها بالمقابل أقل من المطلوب
ننتظر التحسن أو مرحباً بتغيير الشريك

ابو الهزازيع · #7 01/11/2011, 10:53 PM

عادي يحق له الفريدي اذا له شي لازم ياخذه
موبايلي بتستغل صور الاعبين مثل ماستغلت الهلال بالمتجر اللي مايحصل ولا ريال منه نادي الهلال

ودعوه كلها تجاره للامانه اذا مافي شي يربطه بعقد بينه وبين الهلال ان يوقع مجاني مايحق لموبايلي تستغل اي لاعب

واتمنى اذا موبايلي غيرت طريقتها ودفعت للاعب عشانه طالب بحقه اتمنى جميع الاعبين اللي صورو بلاش يطالبون كمان بحقوقهم

ŚăЯăβ · #8 01/11/2011, 11:03 PM

احسن

ضاحكين علينا بالمتجر

بضاعه صينيه وسعرها نار

الزعيم روح شعلان · #9 01/11/2011, 11:04 PM

مشكور اول شي على النقل ثاني شي انا اشوف اللاعب معه حق يا اخوان موبايلي مستفيده من الهلال بشكل كبير مره

ومستغله كل شي باالنادي حتى الجدران ما عتقوها واذا تبون مثال هذا عبدو عطيف يصور مع موبايلي بس بفلوس مو براعية

واتوقع من حق اللاعبين المطالبه بفلوس اذا عقدهم مع الهلال مافيه بند يجبرهم على التصوير وبعدين في اكثر من للاعب رفض

اشمعنى الفريدي في بعض الجماهير تدمر اللاعبين ما توقف معهم لك ودي يا صاحب الموضوع وعساك على القوه

هلالي عيال وايل · #10 01/11/2011, 11:04 PM

اذا السالفه كذا .. ماينلام احمد

بالتوفيق لهلالنـا ~

محبوب الهلال. · #11 01/11/2011, 11:05 PM

هذا من حق احمد يعني تبيني اصور بلاش

..[ Dany ].. · #12 01/11/2011, 11:21 PM

يؤ يؤ يؤ .. موو قآدرة أعلق ...

متعب زمانه · #13 01/11/2011, 11:26 PM

شفيكم
بعض الردود مدري وش تبي
من حقه كـ محترف يطلب اللي يبي

maxezo7 · #14 01/11/2011, 11:29 PM

الله يهديه

ويوفق الزعيم ...

هتلر العرب 32 · #15 01/11/2011, 11:31 PM

الحين اي واحد يطالب بحقه صار مغرور ..؟!!

بصراحة كلام احمد صح..... ومن ابسط حقوقه يطالب بحقه من التصوير...
موبايلي ماغير جالسه تضحك على اللاعبين .... سواء في جوائز الافضلية في كل مباراة.... او تصوير الاعلانات..
بصراحة حتى مع النادي... اشوف ان العقد ضعيف .... ويستحق الزعيم الافضل.... وبإستطاعته جلب شركات اقوى من موبايلي...

اتمنى من احمد يستمر في مقاطعتهم..