|
هل السعودي مواطن متخلف ؟ أي شخص عربي أو سعودي يذهب إلى أوروبا وأمريكا وكندا ( الغرب بشكل عام ) سيذهل من قوة النظام وانتشاره بين الناس من يوم تنزل المطار وحتى مواقف التاكسي وفي الشوارع والمرافق الخاصة والحكومية ما تشوف إلا النظام والترتيب شي لا يكاد يصدق . أي إنسان سواء من أهل البلد الأوروبي أو من السواح إذا يبغي يروح إلى أي دائرة حكومية يعرف وش راح يصير له وش إللي له وش إللي عليه ولا تحتاج تطلب فزعة ولا واسطة .. اللهم كل إللي عليك تروح للاستقبال أو العلاقات العامة وهم راح يعلمونك بكل شي . في الغرب كل شي عندهم 1 و 2 و3 في الورق وأيضاً 1و 2و 3 على الواقع . بكذا تقول الغربيين ناس نظاميين ومرتبين . السؤال : ليش هم نظاميين وحنا أنواع الفوضى في الشارع وفي الدوائر الحكومية وفي مطاراتنا وفي جامعاتنا وفي مدارسنا إلخ ؟ هل العرق دساس ؟ هذا ما هو جواب .. لو تتطلعون على تاريخ الأوروبيين حكومات وشعوب ما راح تصدقون بأنهم كانوا على رأس البشر في التخلف والجهل بل عرف عنهم قلة الاستحمام وانتشار الخرافات بينهم إلى درجة غير مسبوقة بل وصل الأمر بأن الكنيسة منعت وبالقوة تعلم الشعر أو الرياضيات لأنها من الهرطقة يعني كفر وفلسفة زايدة . وشوفوا وين وصلوا الآن .. السؤال مرة ثانية ليييييششش هم منظمين ؟ الجواب أكيد النظام وتطبيق النظام وتطبيق العقوبات على المخالفين للنظام كائن من كان . طيب سؤال ثاني : ليش حنا ما نصير مثلهم ؟!!!! وش المانع ؟ المشكلة عندنا يقال بأنها مركبة يعني من الدولة ومن المواطن .. مثال : تحصل الطريق كله حفر ومطبات وهذي مسؤولية الدولة .. وتحصل المواطن يمشي على هالطريق بسرعة أو عكس سير أو قطع إشارة وغيرها وهذي مسؤولية المواطن .. لكن أيضاً السؤال لازال مطروح : المسؤولية على مين ؟ من وجهة نظري الدولة هي المسؤولة فقط ولا غير الدولة .. كيف ؟ : المواطن السعودي من وجهة نظري عنده قابلية لتطبيق النظام .. لا تستغربون .. أعطيكم أمثلة : توقف عند إشارة فيها عشر سيارات وتحصل سيارة واحدة تقطع الإشارة !! على طول تقول وش هالتخلف ! .. لكن نسيت بأن فيه تسع سيارات واقفة ومحترمة النظام بالرغم من بأنهم لو قطعوا الإشارة والله العظيم ما عندك أحد ولا أحد درى عنهم ومع ذلك واقفين عند الإشارة ومحترمين النظام .. أيضاً تدخل دائرة حكومية تحصل المراجعين أنواع الفوضى وعلى طول تقول شعب متخلف .. لكن صدقني هذا ظلم لأن المراجعين ما يدرون وين يروحون وعند من يمشي أوراقهم , فهم ماهم متخلفين لأنك لو تدخل بنك تحصل نفس المواطنين مرتبين ومنظمين .. ليش ؟ لأن البنك مرتب ومنظم ويعلم الناس من وين يروحون وكيف يخلصون أمورهم بكذا تحصل البنك هدوء وترتيب وبدون فوضى . مثال آخر : المطار إذا ما فيه مشكلة من الخطوط تحصل المسافرين ما سكين طابور ومحترمين وهدوء .. لكن لو فيه لخبطة وفوضى وتأخر رحلات من الخطوط تحصل المسافرين يعيشون حالة من الفوضى . عندنا أكيد عينات غريبة عجيبة ترفع الضغط وهذا موجود في أي دولة صدقوني في كل الدول .. لكن ليش ما نشوفهم في الغرب ؟! .. لأن عندهم عقوبات لأشكالهم , وعندنا ما فيه عقوبات بالتالي راح تشوفهم في كل مكان .. لكن صدقوني من الظلم التعميم . حنا دائما نرى المخالف والمهايط وننسى بأنه في ذات المكان ناس محترمة وماشية بالنظام بالرغم بأنه لا يوجد ما يردعهم لو خالفوا النظام . بكذا أظن بأننا أحسن من الأوروبيين وإلا لأ . من هنا راح أسئل مرة ثانية : من المسؤول عن بعض مظاهر الفوضى وحتى التخلف في بلدنا ؟ |
- هلآ وغلآ آخوي :smilie47: موضوع رآئع وفكرة وطرح متناسق :yes::smilie47: وشسمة على الطاري كنت في الصيفية الماضية في لندن :s5s::smilie47::smilie47::smilie47: أستشهد فقط بـ المطار , طوآبير تمتد الى طول كبير , ومع ذلك جلست أقل من مطآر الملك خالد بالرياض , يعني المقصد شعب مخلص ويعمل :):smilie47: تحيآتي وتقديري , لي عودةة مع تعليقات الزعمآء :smilie47: |
نقطه بخصوص جهل الغرب في الماضي قصه مرت علي و نسيت الكثير منها لكن لب موضوعها ان احد الحكام المسلمين اهدى حاكما اوروبيا و قتها ساعة ذات العقارب في وقت الازدهار العلم بين العرب و المسلمين و قتها و كانت من اختراع المسلمين لكن هذه الهديه قوبلت بالرفض من قبل الاوروبين لانهم تعجبوا من ان الساعه تتحرك من تلقاء نفسها و كانوا على ما اظن انهم يظنون وجود شيء من العفاريت بها :s2: و قد يأتي غيري يعرف القصه كامله بتفاصيلها و يصحح لي لكن احببت ان انقل لك كيف كانو جهله و نحن من اسس العلم لكن للأسف |
السبب من وجهة نظري الموطن لأنه اول شي يفكر فيه الواسطه ولو رفض قريبه المسؤل يتوسط له سقطت اسهمه اجتماعيا وانهالت عليه التهم وانه ينفع من وراه منفعه كنت احدث صديقه عن قريب لي في مجلس الشورى وكيف انه يرفض الواسطه وانه حتى ابنائه وبناته ما يتوسط لهم فبنته الصغرى قبلت بقسم لا تريده ودرست ترم بعدين حولت رغم ان والدها يقدر يخليها تقبل بالقسم اللي تبغى وبنته الثانيه معيده في كليه وكانت تبي جامعه معينه لأن اختها ووالدها هناك لكن والدهم ما توسط لهم رغم كفائتهم واستحقاقهم انا اعرف البنات جيدا وما شاء الله كلهم تربيتهم راقيه واخلاقهم عاليه وقمه في الأدب والتواضع وما يحبون ياخذون شي ما يستحقونه صديقتي عصبت من قريبي لأنه رافض مبداء الواسطه وتقول اللي مافيه خير لعياله مافيه خير لغيرهم ذنبه الوحيد انه اراد تأدية عمله بأخلاص وأمانه واتهم فيهم لأنه بدأ بنفسه لو كل مسؤل ما قبل بالواسطه وكل مواطن ما استعان بواسطه بتتحسن امور البلد يصورك ساهر كلم قريبك اللي يشتغل هناك ويلغيها مسكك المرور كلم قريبك اللي بالمرور ويطلعك من الحجز تبي وظيفه كلم قريبك ويحط لأسمك اولويه حتى لو ما معك شهاده سيارتك محجوزه كلم قريبك يشيلون المخالفات وتطلع سيارتك ويرجعونها مره ثانيه الخلل انه لما يقرا اسمك من العائله او معرفه يخالف عشانك القانون وما احد يتكلم لأن الكل كبير وصغير ماشي ع الواسطه واللي يحش فيها ويعيبها لو حصلت له ما رفضها لو تخلصنا من الواسطه صار للقانون قيمه لو اصدرت فتوى بتحريمها ووجد عقاب ووعي من المجتمع صار مجتمعنا راقي بالحب والإشراق |
اعتقد برأيي ان الحكومة تتحمل جزء كبير , فلا يوجد متابعة . . ولا يوجد عقوبات صارمة . . ولك في المواطن السعودي في الخارج مثال . . فالمواطن السعودي في الخارج يحترم النظام ويقدّره , لأنه يعرف أن هناك عقوبات لأيٍ من يخالف النظام . . أما في المملكة العربية السعودية , فلا يوجد من يحترم النظام , لأنه يعرف ان ليس هناك أي عقوبات ومتابعات . . وايضاً الكلام ينطبق على الدوائر الحكومية . . فلا يوجد أي اهتمام ومتابعة لمشكلات المواطنين . . فيكثر عدد المواطنين وتبدأ الفوضى تعم . وأحييك أخي ربيعة على الموضوع الرائع ! دمتم بخير :rose: |
المشكلة هي جهل أمة بأكملها !! العقلية والتفكير والتربية والبيئة والعلم .. * وإللي مسييرين الحكومة في الأخير مواطنين زي كل المواطنين .. : ) يعني تربوا معانا ، درسوا معانا وأكلوا معانا .. يعني ما جوا من المريخ مثلًا !! إقتباس:
المشكلة يا عزيزي إننا مستغربين من مبدأ " التغيّر للأحسن " .. - إللي الإنسان صاحب الفطرة السليمة بطبيعته مجبول عليها - ونسينا إننا في فترة من فترات التاريخ كنا أفضل من إللي نحنا عليه الآن .. طبيعي إن الأوروبي اختار الأفضل لنفسه ، بعد ما كان عايش في الظلمات .. عمومًا ما ننسا قول العزيز الحكيم ( وتلك الأيام نداولها بين الناس .. ) ، و ( إن الله لا يغيّر ما بقوم حتى يغيّروا ما بأنفسهم .. ) .. أما إللي يحيّر .. نحنا ليش صرنا زي كذا ؟!! بعد ما أجدادنا سادوا العالم في كل المجالات .. ! الله يعين بس .. يعطيك العافية .. |
رووووووووووووووووووعه والله ياربيعه المشكلة عندنا من الدولة ومن المواطن تحصل الطريق كله حفر ومطبات وهذي مسؤولية الدولة .. وتحصل المواطن يمشي على هالطريق بسرعة أو عكس سير أو قطع إشارة وغيرها وهذي مسؤولية المواطن .. وياكثر المشاكل الاخرى عوافي وبارك الله بك |
إقتباس:
واسبابها قد تطرق الى الكثير منها احبتنا اعلاه واضيف ايضا ان ( الفوضى ) تعد في بعض دول العالم الثالث صناعة حيث يساعد ذلك على غياب وتضييع مبدأ المسائلة والمحاسبة والمسؤولية ،،، ونسأل الله التوفيق للجميع ،،، يعيطيك العافية ربيعة |
انا احمل هذه الاسباب للحكومه لان الحكومه لو واضعه قوانين صارمه وواضعين اش اللي لك يامواطن واش اللي عليك مافي احد بيتجرا يسوي شي لكن تدخل دائره حكوميه تجي بالطيب وتصف سرا تشوف العالم طمروا عليك واكلوا حقك وانت واقف تصيح وتخانق وتجيب واسطه وفوق هذا كله تاخذ حقك ولا احد يقدر يكلمك وانا هذا تحصلي في جميع الدوائر الحكوميه اذا جيتهم بادب واحترام طردني او صرفني بكلمتين واجيه بعدها بقله ادب وصياح خلص معاملتي وقالي فوقها سم طال عمرك لانه عارف انه مافي رقابه عليه يعني اذا الحكومه ماهي منظمه فكيف تبغى باقي موظفين الحكومه يكونون منظمين حالنا يقهر الصراحه ويعرف كلامي اللي يراجع دوائر حكوميه لكن الشكوى لله |
هيَ ثقافة مجتمع. الشاب السعودي مُختلف 360 درجة .. عن الشاب السعودِي المغترب :) |
موضوعك جدا حلووووووو .. من أمن العقوبة اساء الادب الفوضى يا اخوي تحمل المواطن في المركز الاول .. شوف في الشوارع حتى العمال فوضوييين بشكل مو طبيعي والسبب انهم شايفين الشعب فوضوي وهم مع الخيل يا شقرا ... لو كل شخص نظم نفسه انتظمو العمال << رافعين ضغطي هالعمال :ranting: تقبل مرري |
موضوع رائع .. ما إن تضع مواطناً سعودياً في بيئة خلقت لنفسها اجواء الواسطات و المحسوبيات وان تضع امامه ان ما من شيئ سوف يمر مرور الكرام في كل مواضيع الحياة الا حال وجود الواسطة والمحسوبيات . تجدهـ قد انضم اليهم .. فكرياً + عملياً ..!! نفس المواطن السعودي .. اذا وضعته في بيئة حضارية منظمة لا ترى الفروقات التي يراها الاغلبية هنا . من مكانة اجتماعية و مناصب و..الخ . حتى تجده في ارتياح تام وطمانينة وسلام كاملين . يعيش يومه دونما شيئاً ينغص يومه . ليست معادلة رياضية ليتم شرحها .. لكن كل مواطن سعودي قابل للتاثير الاجتماعي من حوله . حاله كحال جميع مواطني الدول في العالم .. ملاحظة .. منذ ولد زيد ابن عمر وخرج للدنيا لم يتم له شيئاً الا بذات الواو فقط . فكيف له الا يكون ذات فكراً إتكالي , لامبالي , متخلف في عبارة اخرى ؟! في الجانب الاخر .. كريس بن روبن خرج للدنيا وقد جهز له كل شئ بضغط ماوس واوراقه سلسه كسريان المياهـ في الانهار .. دونما معوقات و تعقيدات دبلوماسية كالتي لدينا هنا .. كم تكون احتمالية ان يكون كريس ذا شأن في العالم و منتج في دولته ..!! الشعب السعودي . يحتاج الى توعية . فقط |
موضوع رائع اتوقع ثاني موضوع يتثبت لك :d بالاسبوع ذا يا اخي الكريم نظام الفوضى عندنا مطبق على جميع الاصعده و ذلك لغياب العقوبات على من يتعدى النظام و تطبقيها بشكل متساوى على جميع الاشخاص |
موضوع جميل وأتوقع أن عادة التخلف هي عادة مكتسبه من جيل لآخر |
كل مافي الموضوع ((الرقابة ..و.. العقوبة )) : ليش نتكلم عن الدول وعن العالم ..تعال نتكلم عن اصغر مملكه ..مملكة الأهل او الاسره (البيت) الام لما ماتكون في مملكتها ( بيتها) يوم واحد تعال شوف البيت .."مافيه مدعس رجل " على قولة امي ..البنات والشباب والصغار في قمة الفوضى ..والخدم لاعبين لعب في البيت .. لانوم ولا اكل منظم ولا اخلاق .. الاب كذلك ..اذا ماكان في مملكته يوم واحد شوف تصرف الموجودين بالبيت (الشباب خاصة) .. ليش مافي نظام !!! لأن ماحد داري عن اي شي .. : يعني العماله اللي صارو اكثر من اهل البلد..لو رحت البر تلاقي بنقالي !!! لو في رقابه على اللي يستقدمون هل برأيك كان بلدنا يغص من العماله ؟؟!! : فوضى لان المدير ماهو شديد على موظفينه..فوضى لأن مافي قوانين واااااضحه ..ومافي عقوبات صارمه ..مو حلول او عقوبات ضعيفه .. السؤال ..متى تكون الفوضى ؟؟؟؟ تكون الفوضى حين لايوجد مدير .. : : حتى استغفر الله العظيم خوف من الله مافي .. : : "اذا غاب القط العب يافار" .. اشكرك على الموضوع الرائع بصراحه .. |
| الوقت المعتمد في المنتدى بتوقيت جرينتش +3.
الوقت الان » 02:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd