وجهة نظر الشلهوب لا يستحق الهلال - صفحة رقم 4 - نادي الهلال السعودي - شبكة الزعيم

roo0roo0 · #46 31/10/2011, 11:36 PM

لآعب من الطراااز النادر
مبروك التجديد معه
بالتوفيق له ،،

زعـيم اسـيا · #47 31/10/2011, 11:50 PM

و الله الشلهوب يستحق الكثير

و مثل ما قال فارس عوض في ياسر
اقولها في الشلهوب

انه لا يلعب من اجل المال

بل من اجل كبرياء الهلال

»--(¯`هلالي´¯)--»M · #48 31/10/2011, 11:58 PM

مافهمت عنوان الموضــــــــــوع !!

الشلهوب لايستحق الهلال < والمضمون خارج العنوان ولا يمت له بأي صله !

.هلالي مبتعث. · #49 01/11/2011, 12:01 AM

إقتباس

الرسالة الأصلية كتبت بواسطة alwaly3749


	كيف عشر دقائق والعقد ارتفع من ثلاثه مليون لسنة الى اربعه ملايين ونصف انا ماني ضد الشلهوب بالعكس هو قمة في الاخلاق والجميع يشهد لكن حتى 24 بطولة الي قلتوها لها رجالها والهلال النزهان حقق معه بطولات تعادل بطولات ماجد عبدالله بالنصر يعني تحقيق البطولات في الهلال ماهي شرط ان الاعب موهبة كروية الكورة الحين هي افتكاك الكورة والشلهوب لايجيدها وايضا لا يجيد الحفاظ على كورته وهل تقييم الاعب بعدم وضع قصة او ربطة ليته يحط قرون الى ركبته بس يعطيني في مباريات الحسم ,,

والله الموضوع مايستاهل ان الواحد يرد عليه

لآكن .. مثل هالردود اللي ترفع الضغط .. تجبر ان الواحد يرد

لإلجام مثل هالناس

انت تقول انك منت ضد الشلهوب وانه قمه فالاخلاق

هذا شهاده محنا منتظرينها من واحد هنا في المنتدى

اذا كانت جميع جماهير الانديه الاخرى تقول هالشيء

ثانيا وبخصوص قيمة العقد

ممكن ترتفع الا 6 مليون وبخمس دقائق وليس بعشر

اذا كان اللي راح يدفع مهوب انت .. والحمدلله انه مهوب انت

بخصوص البطولات

انت تقول لها رجالها .. اكيد لها رجالها ولها مدربينها ولها رؤوسائها بعد

لاكن شئت ام ابيت .. هي مسجله في سجلات محمد الشلهوب

ومحسوبه له .. وسيتغنا بها بعد اعتزاله

اما مقولتك .. ان الكوره الآن هي افتكاك الكرة والشلهوب لا يجيدها

هل افتكاك الكره هو كل شيء ؟؟

هل الفريق يجب ان يفتك الكره طوال الـ90 دقيقه ؟؟

طيب انا اذا كان نسبة امتلاكي للكره 70% في المباراة

وش فايدة اللاعبين اللي يجيدون افتكاك الكوره في هذه الحاله

ابي لاعب يمسك كوره .. ابي لاعب يجيد التمريرات

ابي لاعب يجيد الضربات الثابته .. ابي لاعب يجيد المهاره

ان كان يملك كل هالمهارات .. فأنا لن اطالبه بإفتكاك الكره

فهناك مهام مختلفه للاعبين في الفريق .. وفيه لاعبين مهمتهم افتكاك الكره

وحتى كلامي هذا .. لايعني انني اتفق معك

بأن الشلهوب لايجيد افتكاك الكره .. بل مركزه الموسم الماضي اثبت عكس كلامك

اما بخصوص القرون .. والله ماعرفنا لكم

ان صار اللاعب راعي ستايلات ووكشخه وترزز

قلتوا ياليته يلعب كثر ما يترزز

وان صار مثل محمد .. قلتوا ياليته يترزز

ياخي اذا كان الشلهوب مايحسم مباريات .. قلي من اللي يحسم ؟؟

نسيت نصف نهآئي 2005 قدام الاتحاد ؟؟

نسيت نهائي ولي العهد 2004 قدام القاددسيه ؟؟

هداف الدوري الموسم ماقبل الماضي !!

هذا من الاشياء اللي علقت بأذهاني

ولو بحثت لوجدت الكثير والكثير لهذا اللاعب

ربي يحفظه ويسعده .. وحلال عليه الاربع ملايين ونصف

يستاهلها وربي يستاهلها