السلام عليكم و رحمة الله و بركاته
ما بطول بالحكي بعلمكم ليه قلت كذا
ببساطه لما أشوف مدرب يدون كل شيء بدفتر وش بيكون هالمدرب غير فاشل ...؟
لما اشوف مدرب يناقز من الفرحه بالهدف وش يكون هالمدرب غير فاشل ...؟
لما أشوف مدرب يقول الصدق أن اللاعب عقليته 0 وش بيكون غير فاشل ...؟
ثلاث أسئله جاوبوني عليها
مدرب جعل الهلال مدمر هجومياً تكتيك مميز جداً عندما تلعب بمحور وحيد و 3 إلى 4 وسط هجومي انت تلعب لجل تسلخ الخصم
يا اخي انت مدرب فاشل حنا نبي مدرب يخلينا ننهزم بالأربعه و الخمسه ما نبي مدرب مميز مثلك
يا دول انت أفضل مدرب سنة 2006 في ألمانيا هالشيء ما ينفعنا بشيء ....
حنا نبي جيرتس
هذا كلام بعض الجماهير الله يهداهم
لكن أنا عني بقولها
الهلال + دول = آسيا
هذه شبيهة بنظرية فيثاغورس بس مافيها تربيع
و هالشيء اللي بيحصل لأن عندنا مدرب مميز يبي يعالج خلل الهلال اللي هو :-
عقلية اللاعب
من المعروف ان اللاعب إن كان تفكيره برى الكوره ما راح يسوي شيء و انتم قيسوها بالدلائل
أدريانو كان من افضل لاعبي الإنتر لكن التفكير أنهى حياته الكرويه كلاعب مميز
هنا نعرف ليه حنا ما نجيب آسيا لأن عقلية اللاعبين عندنا للأسف محدوده ما ارتقت للإحتراف باقي يفكر انه هاوي
الآن لما المدرب عرف الجرح فينا أكيد بيعالجه ليه حنا نستعجل عليه ..؟
مثال بسيط :-
لما تنجرح في يدك جرح بسيط كم يستغرق الجرح لجل يلتأم .؟
بالكثير أسبوع
حنا نبي هلال دول ينطلق و تونا ببداية الجرح ..؟
مو لازم يطيب الجرح لجل نعرف ننطلق صح .؟
الهلال الآن يدرس بالالماني .
لازم اول شيء يتقن اللاعب الهلالي الدرس الألماني و اللغه لجل يجيد اللغه بشكل تام
و لكم فيها مثال :-
الطفل لما يدخل المدرسه يعقد المدرس لجل يحفظ الحروف الأبجديه
اللاعب مثل الطفل لما تتغير مدرسة المدرب فيرجع للصفر و يبدأ من جديد
لا نستعجل و كفى
و اعتذر للإطاله .
إن كان في ما كتبته صائب فهو من الله .
و إن كان في ما كتبته مخطئ فمن نفسي و من الشيطان .
رساله لتوماس دول :- انت مدرب قليل فيك فاشل و السبب ... 
الوضع المتطور
