|
المحلل ... يفسر تخاذل الهلال في الشوط الثاني !! اولا بسم الله الرحمن الرحيم ثانيا مبروك الفوز الصعب جداا من امام بنو قادس ثالثا سمعنا التحليلات العجيبه والغريبه من اعضاء المنتدى و وصف المدرب با الفاظ لاتليق بمشجع هلالي عودة القادسيه لم تكون الاولى على الهلال فخلال موسمين الماضيين كانت الشواهد كثيره ابرزها الغرافه النصر والاهلي السعودي والاماراتي والشباب وغيرها لكن الي نستغربه الي يقول الهلال مايعرف يدافع ليش طلع الفريدي ونزل القرني وان الفريق مايعرف يلعب بمحورين لنعود بالذاكره لدوري ابطال اسيا الموسم الماضي الكل اتهم جيريتس بالغرور عندما لعب بمحور واحد امام الغرافه في الاياب وقالوا انت فايز 3 لازم تحافظ ؟؟ الحين يوم سوى توماس دول هالتغيير مع الشوط الثاني واللعب بمحورين للحفاظ واللعب بالمرتد انتقدووه ؟؟ الجمهور للاسف يحكم على المدرب والنهج المناسب من خلال النتيجه متناسي دور اللاعبين في الملعب اخطاء الدفاع الكوراثيه والحارس هي السبب في عوده القادسيه بهذه القوه وليس اخطاء المدرب وارجعوا للمباريات الي يتقدم فيها الهلال بنتيجه كبيره تحياتي لكم |
الله يوفق الهلال مشكور اخوي |
اللاعبين ضمنو النتيجة وتساهلوا وما قدروا يعودون مع حماس لاعبين القادسية هذا اللي شفناه والمدرب ماله دخل |
<CENTER>بذن الله نشوووف مستواا يرضينااا بلجولات الساابقه بكل الشووطين بذن الله </CENTER> |
أنا قلت من قبل موسمين الدفاع ضعيف مرة , ويبين بالمباريات الكبيرة , أو بالمباريات اللي ضد اندية تملك مهاجمين كبار وهدافين , يعني والله تعبت من قبل موسمين وانا اتكلم عن الدفاع , والله العظيم ادخل الشبكة , وأحصل المواضيع وارد على 1 او 2 واشوف اذا فيه مواضيع عن الدفاع ولالا , واذا لقيت ادخل وأرد برد جلست نص ساعه وانا اكتبه , يعني ماعندي شغل غير الدفاع , واللي يدبل كبدي يجيك واحد يقول خيرات ممتاز والموسى والزوري ونامي والمرشدي ومدري من .؟ يا شباب حنا عرفنا الله وحنا ما شفناه , يعني أرحمو عقولنا شوي , فيه لاعبين والله العظيم تحكم عليهم من ركضتهم من الكنترول حق اللاعب , يعني ما يحتاج يتدرب او يلعب مباراة علشان احكم عليه .يجيك واحد مثل خيرات بغض النظر عن ركضته وكنتروله للكورة , شوفو بنيته الجسمانية .؟ يعني بالله هذا يصلح مدافع بنادي زي الهلال.؟ المشكلة أنه يلعب في مباراة مثلا قدام نجران , وتلقى نجران مقفل ب9 مدافعين وبعد المباراة يجيك المحلل والمشجع ووووالخ.. يقولك اللاعب قدم مستوى كبير في بداياته وهو لاعب متوقع له مستقبل كبير , والمباراة اللي بعدها مع الاتحاد مثلا وتلقى نفس المدافع جايب العيد وداااج , ويطلع الللي كان يمدحه بالمباراة السابقة ويقولك المدافع ماكان بيومه .ههههههه ..لـيه من متى واللاعب قدم مستوى .؟ يعني اللاعب غامر جيريتس وأشركه قدام النصر قبل موسمين بديل للدجة المرشدي , وخسرنا بالعرضيات 2-1 وخيرات يتفرج على الاهداف كالعاده ,اللاعب دخل في مباراة الاتحاد الاخيرة بالدوري قبل موسمين اللي خسرناها بجدة 2-1 واول مادخل سجل زياية هدف بالرأس وشوفو وين واقف مع أنه قلب دفاع إلا أنه جالس بالظهير الايسر , لا والظهير الايسر الزوري جالس يتفنن بالكورة بعد .:to: http://center.jeddahbikers.com/uploa...3191559711.gif في مباراة الغرافة مع إن المباراة كانت شبه محسومة من الذهاب والغرافة كان يلعب بفرصة شبه مستحيلة , لكن مع اول دقيقة اعطاهم خيرات هدية وسجلو هدف , ولحقو الهدف بهدفين هرضيات وهو يتفرج وكانو بيتاهلون ..يعني اللاعب ممكن اندية ثانية تحقق انجازات بفضل مشاركته مع الهلال يعني الغرافة لو فاز ممكن يحقق الاسيوية بفضل الله ثم خيرات , ولا نرجع للوراء , أمس القادسية حقق انجاز وسجل 4 على الهلال بفضل هاللاعب ومن هم على شاكلته الزوري ونامي وووالخ. والقائمة تطول .. الله يعين .. سبحانك اللهم وبحمدك أشهد أن لا إله إلا أنت أستغفرك وأتوب إليك .. |
يسلم رأسك هذي الناس اللي تفهم وهذا الكلام المنطقي تصريح المدرب دول الرائع بعد هذه المباراة يدل على فكر وعقليه احترافيه مميزه واتوقع حساب الاعبين بيكون عسيررر |
الدفاع مع الحارس سبب المستوى السيى الشوط الثاني وين مقولة الحارس نص الفريق((الله يرحم ايام الدعيع)) |
يعطيك العافيه والصحة مشكور اخوي على الموضوع |
صحيح كلامك وانا اعتبرها طبيعي يحصل للفريق في كل موسم مياراة زي كذا حتى تحصل في اقوى دوريات العالم لكن انا ودي اوضح نقطة الي هي اخطاء العتيبي الفادحة كيف يطلع من 18 وزميلة المدافع اقرب للككورة هل هي عدم ثقة فالمدافع ام استهتار باللعب اتمنا انها ماتكرر من الشاطر العتيبي والله يعيننا على جهة نامي الي مو مستفيدين منها ولا حتى 1% |
باذن الله يتم تدارك الاخطاء في المباريات القادمة والقادم افضل باذن الله بالتوفيق للزعيم |
كلامك صحيح ليست غلطة المدرب غلط من اللاعبين مافيها شي لو نزل المدرب محور ثاتي للتنظيم الدفاعي |
الصدق تومس دول مدرب خطير ارجعو لمباراة التعاون الأهلي التعاون حاشرينه بملعبه حتى سجلنا الهدف باخر الشوط الثاني الأهلي حاشرينه لين جاب الهلال الرابع معناته من الاعبين يسير تراخي وش دخل المدرب وكلامك ميه ميه نذكر الغرافة ونذكر النصر المشكلة بالاعبين |
صراحة انا مع المدرب في كلامه لكن اللاعبين تملكهم الغرور بعد نهاية الشوط الاول ونزلوا الشوط الثاني متهاونين والحمدلله اننا لم نقع في فخ التعادل |
احسنت تحليل سليم جدا انخفاض ملحوظ في مستوى الدفاع و الحارس المباريات القادمة نعوض ان شاء الله |
اخطاء الدفاع الكوراثيه والحارس هي السبب بالاضافه الى الاستهانه بالفريق المقابل بعد الخماسيه كذلك لايوجد فريق سعودي يستمر بتسجيل الاهداف سوى فريق الاتحاد واتذكر مباراة الاتحاد ونجران 10-1 بالتوفيق للزعيم |
| الوقت المعتمد في المنتدى بتوقيت جرينتش +3.
الوقت الان » 10:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd