|
اللعب بمحورين دفاعيين ،، دائما مايسبب انتكاسه للزعيم ،، بسم الله الرحمن الرحيم ،، الحمد لله اولا واخر ،، مسلسل الزعيم مع المباريات العصيبه لاينتهى ،، هل هو تخاذل لاعبين ام اخطاء مدربين .. الله اعلم ،، جميعنا يتذكر مباراه النصر والهلال والاهداف المتواليه فالزعيم وكذلك الغرافه ومباراه اليوم دائما تحدث مع الهلال ،، عموما في مباراه اليوم اعتقد السبب هو خروج المحور الهجومي الفريدي ودخول المحور الدفاعي القرني مع المحور الدفاعي الاخر هرماش مما سبب ارتباك في وسط الميدان واتكاليه غير مبرره السبب الاخر هو عدم التنظيم الدفاعي وكذلك الاخطاء الدفاعيه الفتاكه التي حدثت من المدافعين ومن كذلك اخطاء تمرير من لاعبين الوسط ،، بصراحه فريق القادسيه يستحق التحيه متأخر بخمس اهداف وكاد ان يعدل النتيجه ومن امام اسد الغابه ( اسد دوري زين ) قلتها مرار وتكرار الهلال لن يفلح بوجود محورين دفاعيين في وسط الميدان ،، لاانسى ان اشيد باللاعب يوسف العربي ع المجهود والاهداف الجميله التي سجلها اليوم وبالتوفيق للزعيم والي الامام دائما ملاحظه : خيرات قاسم مشترك في هذه المباريات |
بصراحه الكلام في محله فعلا..... |
اللاعبين ضمنوا النتيجه وتهاونوا بالخصم !! يعطيك العافيه أخوي ،،، |
اختلاف معاك ،، واتوقع ادخال محور دفاعي في ظل تقدم الفريق بخماسية بالشوط الاول شي ايجابي ، بالمحافظة على المرمى واعطاء الحرية لثلاثي الوسط بالتقدم وأستقلال الهجمات المرتدة للفريق ،، ومع هذا من المستحيل الاستمرار على محور واحد في المباريات القادمة والمقصود امام الفرق الافضل مستوى من القادسية ، ولكن اعتقد تهاون اللاعبين سبب ظهور المستوى المتواضع بالشوط الثاني ... |
قالها توماس دول في المؤتمر هي عقليت اللعبين (كلام في محله) والدليل هو مع اختلاف المدربين الا ان التهاون هذا موجود وانا متفائل في هذا المدرب خير في تغير الفكر ...! وايضا لا نهظم حق لاعبين القادسيه ادو اداااء حسن وخاصة اللعب المتميز الحاج بوقش |
فوز بطعم الخساره الثقه الزايده هي الي لعب بها الهلال فالشوط الثاني آتمني من الآداره معالجة الآخطاء وبالاخص الدفاع + افضل الاعب فالموسم الماضي حسن العتيبي |
تبون الصراحه هو الاستهتااار بالخصم يجب اعطاء الفرصه للسديري وسلطان البيشي وشافي الدوسري في المباريات القادمه بعد فراغهم من المنتخبات الوطنيه |
والله النكسه عقليلات اللاعبين بالتوفيق للزعيم |
بالتوفيق للزعيم بالمباريات القادمة |
انا معك ان خيرات هو القاسم المشترك وهذا رد للي يطالبون بخيرات بمكان المرشدي واختلف معك من ناحية اللعب بمحورين ... خصوصا اذا كنت تدري ان المدرب راح يحافظ على الدفاع ويعتمد على المرتدات لكن اقوله بصراحه عقلية اللاعبين هي اللي تسبب الانتكاسة ثقة + استهتار + تعالي على الكرة وانت تجاوب على نفسك ماهي معقولة 3 مدربين ونفس الاخطاء ولاتنسى ان المحورين هم هرماش و القرني وكلهم مبدعين بس السبب هو عقلية اللاعب اللي يضمن النتيجة ويظن انه راح يرجع متى ما اراد ان يرجع للمباراة |
أطراف الهلآل لآ دفاع ولآ هجوم... والحمد لله على الفوز |
صدق دول وصراحه كبر بعيني وصريح مايجامل احد نعم يادول انها عقلية الاعب السعودي وبالذات الهلالي ياكثر مامرينا بمثل هذه الامور مع الهلال ومن زمان ليست جديده اظن الاغلب يذكر مباراه الهلال والنصر الاربعه مشكلة الهلال انه لما يتقدم بنتيجه كبيره يتراخى والله من يوم شفت الخمسه مافرحت حتى احد اقاربي كان عندي يقول غريبه مو فرحانه قلت لسه المباراه مانتهتة والله مر عليه شريط الغرافه والنصر في كاس الملك لكن نقول الحمدلله وان شاء الله انها خيره ودرس نعتبر منه قبل المباريات الكبيره والمهمه |
لا هم تهاونوا بالخصم ،، وكان القادسيه في الشوط الثاني في افضل حالاته ،، ،، |
هذه المباره الثانيه نفس النهج مباراتنا مع الفيصلي سيطروا ولولا اضاعتهم الفرص لانتصروا وهذه المباراه سجلوا اربعه اهداف واضاعوا هدف على خط المرمى الخالي من الحارس والسبب خروج الفريدي ياخي خير وسيله للدفاع الهجوووم والفريدي ممتاز حتى بالدفاااع ليش المدرب كل مباراه يخرجه رغم ان الشلهوب اقل اداء منه السبب لابد ان يناقش المدرب |
هرماش يقول بينسينا رادوي اه يارادوي فسم مشتاق لك ضميان هرماش لاعب استعراضي وغير مفيد والداهية يشوت بلنتي ياحلرام والله الغنام احسن منه بالف مرة |
الدفاع مهزله مهزله مهزله , والأظهرة يجب تبديلهم والبحث عن غيرهم . :mad: |
لا اعتقد هذا سبب انت اذا قابلت فرق كبيبره مستحيل تلعب معه بمحور واحد دفاعي بكذا بتكتب نهاية فريقك ولكن اليوم هو سبب ثقافة لاعبين الهلال الاستهتار بالخصم بدليل مبارة الهلال والنصر 5-3 تقدم بنتيجة جيده في الشوط الاول الشوط الثاني شفنا الفريق كيف كان وكيف النصر قدر يقلص الفارق ونفس شي مبارة الهلال والغرافه90 دقيقه سجلنا 3 اهداف بدون مقابل والغرافه في قطر ب 45 دقيقه سجل 3 اهداف هذا بسبب ايش ثقافة الاعب واستهتاره والثقه المفرطه تأثر على الاعب وتأثر في تركيز الاعب |
الحمدلله على الفوز والقادم احلى باذن الله ........... لاتستعجلو ودول مدرب كبير وهو قادر على صنع فريق قوي وانشالله سوف ترون بصماته بعد الدور الاول باذن الله من لايشكر الناس لايشكر الله (شكرا شبيه الريح فنحن نقدر عملك وما تبذله من اجل الزعيم واسعاد الجماهير الهلاليه ونحن معك في السراء والضراء) وبالتوفيق للزعيم |
التهاون هو سبب هذه النتيجة مب معقولة النتايج مع ثلاث مدربين تتكرر نفس الاخطاء اللعيبة هم المسؤولين عن المستوى السيء في الشوط الثاني |
الزوري وخيرات هم نقطة الضعف في الهلال |
هذي المواااااضيع تسلممممم اخوووووووووووووووووووووووي |
لاحول ولا قوة الا بالله والله يا انكم جمهور عاطفي لابعد الحدود ياعمي نسيت العام قدام الغرافه لما خسرت بالاربعه كلن قال ياجيريتس ليه تلعب بمحور واحد وانت فايز 3 صفر ليه ماتحافظ وتلعب بالمرتده ؟؟؟؟ وبعدين ياعمي هذا انت بمحورين وتسجلت فيك 4 شلون لو بواحد ترى هذا كله بسبب الاستهتار بالخمسه وضعف امكانيات خيرات وسذاجه العتيبي وفهاوه نامي والزوري |
إقتباس:
يكفيني هذا الرد .. شكراً لكم |
للمره المليون حيرات مايصلح يسار نامي شوووووووووووووووارع للشهراني المفروض اخراج الشلهوب والزج بعيسى المحياني في الدقيقه 70 في مباراه الفيصلي اخرج الدوسري وبقي الشلهوب وظاع الهلال اليوم اخرج الفريدي للاطابه وبقي الشلعوب وظاع الهلال السوال اين سلطان البيشي بصرااااااااااااااااااحه نامي ليس بالثقه |
اظهرتنا منتهية !! شافي والبيشي افضل من الزوري ونامي من كل النواحي ! الله يصبرنا ! العربي + ايمانا *اموآح* ! وبس =) |
هذه مشكله ازليه للاسف بالهلال ....... اذا تقدم لايحترم الخصم ويبدأ بالاستهتاااااااااااااار |
بصراحه الكلام في محله فعلا..... <CENTER></CENTER> |
ليست المشكلة في وجود محورين دفاعيين لكن المشكلة هو ضياع أدوارهم واتكالهم على بعض هرماش ما قصر وصنع كور حلوة وأدى الذي عليه خاصة بعد عودة من إصابة لكن الغريب هبوط مستوى القرني وضعف دعمه للأظهرة وكذلك مرات يحدث تباعد بينه وبين هرماش وأكثر الكرات كانت تمر من عنده ، غير ضعف متوسطي الدفاع وبصراحة ما كان فيه إعادة تحفيز للاعبين بين الشوطين تكاسلوا مع الخمسة وظهر ضعف تركيزهم حتى الحارس ارتبك بكورة رجعت له وبينه وبين المهاجم مسافة كبيرة بإمكانه يخلصها للأمام لكن ارتبك وتأخر وخلصها !!! وما شاهدنا توجيه بين اللاعبين مثل ما كان بمباراة الأهلي تقديري لك |
$ # # # الحمدالله الثلاث نقااط هذا اهم شي شكرا لك على المتابعة |
السبب بسيط جدا الاستهانه والتخاذل والاتكاليه هذي أهم الاسباب بعيدا عن الفنيات هذي أمور نفسيه مثل ما أنهينا الشوط الأول بخماسيه نقدر نضيف الشوط الثاني خماسيه أخرى لكن اللاعبين اكتفوا المشكلة ليست الفريدي الفريدي كان أسوأ لاعب في الشوط الأول والله أني تمنيت تبديله بعد نهاية الشوط الأول الشيء الثاني هي الحراسه ؟ أخطاء كارثيه من حسن ما ادري وين شراحيلي حسن ينقصه الكثير من مقومات الحراسه وأهم مميزات الحراسه مو موجوده اللي هي الطول والجسم والخروج السليم في العرضيات صحيح يمكن يتصدى لكرات خرافيه لكن تبقى مقومات الحراسه وأساسيات الحراسه أهم من التصدي لكرات صعبه خالد شراحيلي بنيه جسمانيه ممتازه ويوم أعطي الفرصه أثبت نفسه وأخطائه معدومه (ما شاء الله) الشيء الثالث حسن خيرات له مده طويله غايب ومن المفترض ما يشارك من البدايه وكان من المفروض يشارك باسامه والمرشدي وحسن خيرات أعتبره دربك دفاعات الهلال وشتت الدفاع أعتقد المشكلة نفسيه في الدرجه الأولى ومن ثم تأتي الأسباب اللي ذكرتها |
نعم ...أتفق معك ..وهذا ما كتبته قبل شهر و نصف تقريباً.... إقتباس:
|
الفريدي ماشاءالله عليه ألاحظه يقود الفريق بالتوجيه ودايم اشوف توجيهاته بالإشارة حتى لو ما صنع ويكفي الشوط الاول كاتمين القادسية كتم حتى هدفهم خطأ وبمحور واحد فقط بس فيه تنظيم يوم غير المدرب ولعب بمحورين ضاعت المسئولية بين المحورية من يتقدم ومن يرجع ومافيه تفاهم او مساعده للظهيرين وزد على ذلك اخطأ دفاعيه بدائية عدم مسك عدم تشتيت سريع اتكالية بطئ قراءة الكورة... ويكفي الشوط الاول محور واحد والاظهره شفناهم يتقدمون وبمحورين غير منظمين ما قدرت الاظهره تطلع هجوم وفيه بعض الاعبين هبط مستواهم كثير مثل أهلين الوسط والمهاجم العربي... |
الهلـآل مشكلته انه تهـآون في الشوط الـأول توب الهلـآل والشوط الثـآني طلعوآ بـ المستوى الجيد جدآ وتهـآون حسن العتيبي هو السبب الأول |
كلام في موضعه ياشيخ نرجو من المدرب ان يعالج هذي المشكله التي من خلالها يحرز الفريق المنافس اهداف لاهنت خيو : تحياتي...$ZORO |
اختلف معك هو تهاون من اللعيبه كذلك اخراج هوساوي والفريدي اثر بالتوفق للزعيم في قادم المباريات |
محورين امام فريق كفريق القادسيه دائما تصير لنا نكبات مع هالفرق |
انا معك ان خيرات هو القاسم المشترك وهذا رد للي يطالبون بخيرات بمكان المرشدي واختلف معك من ناحية اللعب بمحورين ... خصوصا اذا كنت تدري ان المدرب راح يحافظ على الدفاع ويعتمد على المرتدات لكن اقوله بصراحه عقلية اللاعبين هي اللي تسبب الانتكاسة ثقة + استهتار + تعالي على الكرة |
لو عندى سناتر مثل هوساوى وخيرات وظهير هارب من مركزه مثل الزورى من حقى ان العب باربعه محاور |
يعطيك العافيه والصحة صادق والله ان خيرات هو القاسم المشترك مشكور اخوي على الموضوع |
إقتباس:
ودي |
الله يعطيك العاافيه اتفق معك بنقطة اشرراك محورين غلطه |
انا بعلق على عنوان الموضوع بس لاني ماقريت الموضوع انت وين والكورة وين ؟ المدرب فجرها اليوم واعطانا الخلل الي مو بس بالهلال ,, بالكورة عندنا ككل الي هو العقلية ركزوا على كلام المدربين والناس الفاهمه .. وخلو عنكم التفلسف , بس الظاهر انك مالحقت الهلال على الاقل ايام عزيز وعمر الغامدي .. |
الله يوفق الهلال مشكور اخوي |
| الوقت المعتمد في المنتدى بتوقيت جرينتش +3.
الوقت الان » 10:49 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd