|
المدرب صادق وكلنا معاه لاعبين عقليتهم هي من خذلتنا واللي يدافع عن اللاعبين ويحط اللوم على المدرب والله ان عقليته مثل عقلية اللاغبين وشكرا |
اخوي مع اختلف معاك بنقاط كلام المدرب .. للاسف عقلية اللاعب الخليجي عموما .. ماهو الهلال او اللعيبة السعوديين كذآ .. اللاعبين لما يتقدمون بنتيجه كبيره خلال شوط واحد خلاص تشوفه فاقد التركيز ببقية المباراة ويجيك استهتار لا تغطيه ولا شي .. واعتقد كلام المدرب صحيح .. يعني تغيير الفريدي اللاعب فيه شي ما ادري اجهاد او اصابه تقدم بـ نتيجه كبيره شي طبيعي بيريحه ويبدله .. نفس الحكايه لـ هوساي من المنتخب للهلال وع هالحال ولا راحه ولا شي وياقلب لا تحزن .. ماعندك بديل صاحي .. المرشدي وخيرات يوم فوق ويوم تحت التركيز عندهم مايكون تركيز عالي طوال مجريات المباريات .. تحسهم يسرحون ويهوجسون برى المباراة باجزاء منها ويرتكبون اخطاء فادحه .. وخطا خيرات + العتيبي اكبر دليل .. وبالنسبه كلامك عن عادل هرماش من الناحيه الدفاعيه مع احترامي لك الرجال توه راجع من اصابه وقدم مستوى كبير جدا .. من الناحيه القتاليه + صناعة لعب + تغطيه دفاعيه .. وارجع لـ اواخر المباراة وشوف البرسينق عنده لوين واصل لمكان الظهير الايسر بفريق القادسيه وهو يضغط ع حامل الكره .. وللاسف لعيبة الوسط وباقي اللاعبين في الوسط قاعدين يتمشون حتى بعد ما انلعبت الكوره بشكل طولي .. الله يفكنا شر هالعقليه بس .. نبغى مكاين ماتوقف ابد طوال الـ 90 دقيقه مهما كانت النتيجه .. ويرغبون بالتسجيل الاهداف اكثر واكثر مهما كانت النتيجه .. |
المدرب معه حق 100% ياخي وش ذنبه ان خيرات يتشاور مع العتيبي من ياخذ الكوره!!!!! والفريق يتفرج على الاعب بالفاول!!!! ونامي مايقدر يلحق الشهراني في العرضيات!!!! ولاعبي النص يسحبون رجولهم!!!! وش ذنبة ان الفريدي وهوساوي طلبوا التغييير!!! سامي له وزنه لكن مو هذا السبب الرئيسي في تراخي الاعبين والدليييل الشوط الاول لا تحبطونا بمواضيع زي ذي تكفووون |
انا اوافقك الرأي اننا افتقدنا سامي والمدرب اخطأ لاكن اللاعبين هم السبب وهذا كلام اللاعبين انفسهم بعد المباره |
انا اتفق مع الاغلب هنا بان المدرب لم يخطى لو كانت المره الاولى كنا قلنا ممكن نلومه لكن مو جديده على الهلال ومه مدربين مختلفين لكن نقول الحمدلله وان شاء الله خيره ودرس والحمدلله ماخسرنا النقاط |
هل لا زال أحد يرقع للمهزلة اللي صارت أمس ؟؟؟ من أربعة صفر إلى خمسة أربعة !!!! اللي لعبوا الشوط الأول هم نفسهم اللي لعبوا الشوط الثاني لكن العقلية المتردية عند بعض اللعيبة كادت تكلفنا المباراة و عيشتنا في ضغط نفسي ماله داعي أبداً |
ليش آلحق يزعل , مآقآل آلآ آلحق آلآلمآني ولكنه مب ذآك آلمدرب آلمميز عوآفي |
والله انا ما اشوف المدرب يتحملها يعني كله من اللاعبين والمدرب اخطاء في اخراج ايمانا بس |
كلام المدرب كان واضح انا ما ادري انت على ايش تدافع!!!! هو مدح عقليتهم في الشوط الاول وانتقدها في الثاني ومعاه حق واش اللي مزعلك !!! زالا اللاعبين دائماً صح!! اكبروا وتابعوا الدوريات الاوربية علشان تعرفون تتكلمون مو بس تكتب موضوع لاعبين كبار انتقدوهم مدربيهم سواء في تفكيرهم او اداءهم السيء في مباراة ليه انتو ماتقبلون!! اذا الجمهور هذا عقليته الله يستر على اللاعبين |
نعم عقليت العيبه لك عليها والله حقيقه كم مره نوصل لمراحل كبيرة في اسيا وعقليت العيبه تخسرنا المدرب عرف الخطأ ولابد عليه ان يعالجة وشكرا لك |
الحمد الله جمهور الهلال فاهم وعارف وش يصير بالضبط والموضوع هذا اثبت الكلام هذا توقعت لا قريت الردود بلقى الجميع ضد المدرب زي صاحب الموضوع لكن لقيت العكس الكل اثنى على المدرب وهذا الصح لمتى الموقف هذا تكرر اكثر من مره ومع اكثر من مدرب الهلال والنصر 5/3 الاهلي والهلال 3/3 الغرافه والهلال 3/0 بعدين 4/2 ومع اختلاف المدربين يعني العيب مو من المدرب المدرب بالعكس انضباط وفاهم والتغيرات الي سواه الي عدلت الوضع والا كان المباراه راحت لقادسية انا اشوف ان اللاعبين يتحملون الاخطاء وبقوه والعتيبي يتحمل سبب الهدفين والدفاع يتحمل هدفين والحمد الله على كل حال واهم شي نثق بالمدرب وندعمه دعمنا اللاعبين كثير خلنا نجرب ندعم المدرب ضد اللاعبين يمكن يحسو ان الجمهور ماهو معهم دايم يعني لمتى اذا خسر الفريق غيرنا مدرب حتى لو ماكان السبب هذا الشي لازم يتغير |
كلام المدرب صحيح ميه بالميه والله فعلا عقليات الاعبين ليه نكذب على نفسنا نزل محور ثاني مع هرماش عشان يقفل ماطبقو ولا واحد بالميه من التعليمات واذا انك بتقول ان الاعبين انضمو وحققو هذوله لما كانو مركزين مو داخلين بستهتار وبذكرك بشي تدعم كلام المدرب ايام جريتس اكلناها 4 من الغرافه بعد ماكنا فايزين 3 صفر بالرياض وكله كان استهتار من الاعبين لانهم توقعو انهم فايزين وانتهت الامور والمدرب كلامه ميه بالميه صحيح حنا شفنا كيف كان معصب بالموتمر الصحفي ومن هالمباراه ارفع له القبعه هالمدرب وباذن الله بننسى جميع المدربين اللي مرو على الهلال ان شاء الله |
صح انه نكبنا في هالمباراة ! لكن كلامه صحيح .. العقليات ذي مادري متى تزين ؟؟ من زمان واحنا نتقدم وبعدها يصير كذا ! يبي لهم طبيب نفسي |
مع احترامي للمدرب اللي ما عنده ما عند جدتي لماذا يعاقب الفريق باستبعاد المرشدي من القائمة الاساسية والتي على اثرها تسبب النكبة خيرات مع الزوري في ولوج الاهداف الاربعة. لماذا المدرب لا يوجد لديه لاعب في الاحتياط يعتمد عليه ؟ الم يكن جديرا بالمدرب ان يبحث عن الاستقرار وليس العبث بالفريق كيفما شاء. القرني وشافي وسالم الدوسري والمرشدي أخيرا وليس آخر خسرناهم بسبب السباك فالعقوبة تكون مالية وليست بالحرمان من اللعب وتضييع التوليفة المناسبة. إذا تعافى لاعب مهم واساسي في التشكيلة رجع المدرب وخنبق وأخرج لاعب أساسي آخر. هل كان المرشدي في المباراة سيء في المباريات الماضية حتى تحرم الفريق منه؟ على العموم ما زلت عند رأيي انا المدرب لن يكون مجديا للفريق أبدا. في الهلال خامات ممتازة تحتاج إلى التوظيف المناسب والمدرب لا يزال يعطلها. اللاعب الذي يستحيل أن تمر مباراة دون أن يلعب هو سلطان البيشي وهو اللاعب الجوكر عند المدرب وأتوقع أن يلعب بديلا عن الحارس في المباراة القادمة ! |
هو كآن فيه آستهتآر من آلاعبين لكن لآحظوآ يوم طلع هوساوي شوف الدفاع .!! حسن خيرآت + ماجد المرشدي .. لا تعليق ..!! |
| الوقت المعتمد في المنتدى بتوقيت جرينتش +3.
الوقت الان » 11:57 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd