والله الفريدي صدق نفسه بصراحه ماطلعه الا الهلال وشاف نفسه على ايش ترا اكثر لاعب يرفع ضغطنا انت صح تجيك مباراه تلعب وتبدع بس عشره تحت اما انك تقول من يدفع اكثر الله يقطعك ياللي شايل الفريق اجل ذهب زمن الولاء شف عيسى ترك ملايين النصر وجانا لبا قلبه شف الشهراني وهو توه صغير حق القادسيه قال مابي ملايين ابي العب بالهلال وغيره الكثيرون من اللي راحو مثل الثنيان وسامي وابوثنين وتجي انت تقول ذهب زمن الولاء طيب ليه عند هذولي اللي ذكرتهم ماذهب يتركون الملاايين عشان الهلال بس بصراحه عرفت الحين ليه تلعب بأنانيه زايده اكثر المباريات لأنك تلعب لنفسك وليس لمصلحه النادي لأن اللي ينتمي ويحب شعاره بيلعب من قلب يبون ملايين وهم ماقدرو يفوزون على فريق ايراني ولاجابو اسيا حتى مع المنتخب كنه لاعب بدائي،، الفريدي الزعيم مايوقف على اي لاعب وسطنا فيه عزوز والعابد توهم صغار وافضل منك بكثير يلعبون برووح وماقالو اللي قلته المشكله واللي قاهرني باقي على عقده 9 شهور ويدخل 6 شهور ليه هالكلام الحين اتمنى من شبيه الريح مايعطي اكثر من 4 مليون بالسنه وان زاد اي فريق خله يروح بصراحه مافيه اي لااعب سعودي يستاهل مبلغ كبير والله اتكلم من حر مافيني قهرر يطلعك ويبرزك الهلال وبالاخير تشوف نفسك ههههه ياحليلك يالفريدي لاتصدق للي يقولون لك انك تشبه الثنيان لاوالله ماعليش بدري عليك ولاتوصل مواصيله يكفي حبه وانتمااااائه للشعار عشان كذا يلعب من روح موب ببروود زايد لان الرصيد مليااان ولاهمه الا الفلوووس ،، والله اعجبني كلام الحمادي امس ببرنامج الملعب والله يعجبني كلامك قال اللي ماينتمي لشعاره ماراح يلعب من قلب ويوصل المنتخب لكاس العالم مدام همه الماده ويقول اغلى لاعب سعودي مفروض بالكثير مليون ونص وهو صادق يقول اول يلعبون من قلب وروح لانهم يحبون شعارهم الحين يركلون الكوره بس عشان اخر الشهر برصيده 500 الف ،، الفريدي اذا بتزاود على شبيه الريح الزعيم اكبر منك ومن اللي يسوي كذا ذهبو اساطير ونجوم ولم يتأثر الزعيم بيتأثر منك وخل البلوي ينفعك واللي يلعب في راسك ماراح تلقى مثل اجواء الزعيم ولا سياسه الزعيم ولا بطولات الزعيم ولا رؤساء مثل الزعيم وخل الملاايين تنفعك لين صار اخرتك مثل خميس العويران والدوخي والغشيان ومن هم على شاكلتهم ،، بالتوفيق لزعيمنا