أرحل مرفوع الرأس يا بلاتشي
 

بلاتشي رجل رجل رجل لأنه ما رضى على نفسه يدرب أشباه لاعبين ويتعامل مع أشباه أعضاء شرف كل همهم تصفية حسابات شخصية ودعم لاعبين تسحيب مدرجات الدرجة الثانية –عقليات الثمانينيات الهجرية- ولكن العكس يوم شاف ان الجو في الهلال معد يسر ترك الهلال بكرامته تركه لأنه يحبه وأنا متأكد من هالكلام ومتأكد أن بلاتشي هلالي هلالي هلالي ويعشق الهلال –نترك الماده على جنب لأنها مصدر رزق ولا ننسى أن اللاعبين بعد نقول عنهم هلاليين وهم ياخذون رواتب من الهلال ونفس الشي الإداريين (إذن المادة ما تعيب الانتماء)، نعم لا ننسى انه ترك الهلال مثل ما تركه آخر مره أيام ما كان يجيب بطولات ويهاجم في نفس اليوم من أعضاء شرف الهلال وللأسف ها الأعضاء هم مصدر قوة الهلال المادية وهم نفسهم مصدر ضعفه بعقلياتهم الرجعية.

وقفه تأمل يا جماعه –وقفة عقل- ترا علة الهلال مو بلاتشي لأنه هو من جاب الهلال معه سبع بطولات في الفترتين وقبله كان ماتورانا العالمي ولا نجح، ولا هي في الإدارة لان قبل الإدارة الحالية كانت إدارة الأمير سعود بن تركي وجابت بطولات لكنها عانت من هجوم وقبلها إدارة الأمير بندر بن محمد ونفس المشكلة كانت ولا ننسى الموسم الثاني للأمير بندر بن محمد فقد فيه الهلال خمس بطولات (وأنا هنا ما انتقد لان هذي هي الكورة موسم فوق وموسم ما أقول تحت لكن أقول متوسط)، ولا هم اللاعبين (كمهارات) لان هاللاعبين هم الأفضل على مستوى المملكة وهم اللي جابوا اعظم إنجازات الهلال.

طيب لاهي بلاتشي ولا المدرب عموما ولا هي الإدارة ولا هي اللاعبين وش ممكن تكون مشكلة الهلال؟؟؟؟؟؟ (وش تبي تتفلسف وتقول يا JuGgLeR في في المنتدى؟؟؟ ).

من وجهة نظري الشخصية (لا تنسون ترا قلت الشخصية يعني لحد يسب) ان الهلال يعاني من عقليات متحجرة في أعضاء شرفه (لا تستعجلون ترا مو لحالهم بتنفل السبحة الحين بس كمل القراءة) أعضاء شرف حقبة الثمانينيات الهجرية اللي يدعم له لاعب لاعبين ويحاول يفرضهم على إدارة ولا على مدرب معين وإذا ما لعبوا وقف دعم ولا هاجم المدرب والإدارة والأدلة على كذا كثيرة اهمها تطيرتهم للمصيبيح اللى كان فيه الأمل بعد الله لكن حسبي الله عليهم طيروه، المصيبيح طيروه لأنه فرض الانضباط على لاعبين شغلتهم تعتمد على الانضباط لكن الشكاوي من أنصاف اللاعبين وأقول أنصاف اللاعبين عقليا وليس مهاريا لان للأسف بعضهم مهاراتهم عالية لكن عقولهم (نص استوا)، إذن قلنا أعضاء شرف متخلفين تاريخيا (وترا أقول بعض أعضاء الشرف مو كلهم) اثروا على عقليا وتصرفات وأساليب اللاعبين واجيب مثال هنا للجمعان (عنتر) فلولا الضغوط الشرفية كان من زمان في مزبلة تاريخ الهلال ولا ننسى موقفة مع المصيبيح وكيف رجعوه بالقوة حتى يوم انحاش عن مباراة نهائية حولوه لهاوي وهذا تصرف محترف يحسب لإدارة المصيبيح لكن الضغوط الشرفية خلتهم يعطونه راتب محترف (يا زين هالعقاب) ولا اكتفت هالضغوط بكذا لا كملتها بأنها أوقعت العقاب على المصيبيح نفسه وطلعت المصيبيح من الادراة (ويازمان العجايب وش بقى ما ظهر)، طيب قلنا العلة بدت من اعضاء الشرف وانسحبت على اللاعبين لكن وين الإدارة ووش دورها ؟؟؟؟!!!!! إدارة الهلال حالها حال فمن بعد وفاة الأمير عبدالله بن سعد رحمة الله إن شاء الله وإدارة الهلال !!!!!كيف الحال!!!! مع قمة تقديري واحترامي لفترة الأمير بندر بن محمد اللي لولا الدعم من أخوه الأمير سلطان كان عانت نفس معاناة إدارات الهلال الباقية كل إدارة تجي للهلال يصير همها وشغلها الشاغل رضى هالاعضاء - ما يرضون عسى عمرهم ما رضوا- والامثله على كذا كثيرة ومنها طرد المصيبيح وترجيع الجمعان ورفع الإيقاف عن سامي في فترة من الفترات (ترا لحد يتفلسف ويسب ترا أنا أغلى لاعب عندي سامي بس الحق حق) يوم وقفه الأمير بندر بن محمد يوم ترك سامي الفريق وسافر بدون أذن ثاني يوم تفاجئنا برجعته ونفس الشي ينطبق على الثنيان وينسحب الحال في ادراة الامير سعود بن تركي واللي عانت عانت عانت وعانى المصيبيح مسكين لأنه مثل ما قلت رئيس الهلال المفروض يكون عنده مهارات علاقات عامة مو مهارات إدارية فالأمير سعود كان دائما مسافر ومسلم الإدارة للمصيبيح اللي ما يقدر يقوم بنفس دور الأمير سعود مع اعضاء الشرف من تقريب وجهات نظر ووووووو لانه ما يعرف لها السوالف فكاااااااااااان السقوط...
اللي أبى أوصله أن علة الهلال ليست اليوم ولا هالموسم ولا حتى الموسم السابق علة الهلال متراكمة وكانت تختفي أحيانا ببعض المهدئات المرحلية (مثل إدارة غنية، شراء لاعبين جدد، مدربين أكفاء) لكن العلة تبقى في أعضاء الشرف وأقول هنا بعضهم، فلو سلموا الراية للإدارة ويكون دور مجلس أعضاء الشرف دوري وإشرافي على أعمال الإدارة وليس مباشرة على اللاعبين ويكون هناك محاسبة للإدارة واكرر للإدارة وليس للاعبين كل شهر أو ثلاثة أشهر يمكن وأقول يمكن يكون في هذا علاج أو على الأقل بداية علاج لوضع الهلال.
والله اعلم

نقاط (شخصية و1000 مره أقول شخصية يعني خواطر)

@@ ليش ما يضحي الهلال بها الموسم كامل ويكرش أشباه اللاعبين ويعطي الفرصة لفريق شباب الهلال يشارك والله بتكون فرصه ذهبية لها الصغار وخاصة إن هالموسم طارت فيه الطيور بأرزاقها وراحت على الهلال.

@@ من اليوم ورايح أي لاعب أو إداري أو حتى يمكن رئيس النادي يبي شي من أعضاء الشرف يبي له يجيب واسطة من الجمعان ولا الثنيان ولا سامي عشان يتنفذ له اللي يبي (اعيد واكرر ترا انا احب سامي والثنيان واشوفهم علامات فارقة في تاريخ الهلال لكن كلاعبين من دون ما يكون لهم وضع خاص أو تأثير على إدارة الهلال).

@@ اقتراح لشبكة الزعيم، ليش ما تقدم الشبكة بريد اليكتروني لكل لاعب واداري وحتى للمدربين في النادي وتعلن البريد لاعضاء المنتدى عشان يكون فيه اتصال وطرح للاراء ومعرفة اللاعبين لعيوبهم والمدرب لاراء المدرجات وووووو (ما ابي اطولها لكن شكله اقتراح زين واترك لكم تفكرون في ايجابياته).

أي شباب وبيلاتشي دمر الكبار والصغار وكل شئ ...
...
..
.
أي فريق تقصد يبني هذا المعتوه الهارب الذي لايملك ولا شئ من فنون كرة القدم ..
..
نسيت يوم كان يدرب السد ويلعبون ضد الهلااااااااااااااااااااااااااااااااال كانت خطته هي انهم يطلعون سامي مصاب ويستفزونه بأي شكل ويمنعون نجوم الهلال بواسطة الضرب واللعب القذر .
..
.
لو كان عنده سالفه كان عرف يحط خطه غير القرف اللي كان مسويه على باله خطه ..وهو الذي درب الهلال يعني يعرف امكانياتهم !!!!! وانت كل املكم هو انه يعرف السد والعين وهذا الشئ هو اللي يخلينا نفووووووووز !!!!!!!!
...
..
.
أي واحد يقول بيلاتشي مدرب ((بغض النظر عن انه كويس ولا لا )) بس يثبت أنه مدرب كرة قدم له اللي يبي ........
...
..
.
حتى اللياقه أول شئ يعمله أغبى مدرب في العالم بيلاتشي ماسوى اي شئ يرفع المعدل اللياقي ...
وأزعجنا بشكاويه وتبريراته الغبيه والتي تدينه ((لاعبين الهلال ماعندهم لياقه))
طيب انت وش وظيفتك ليه احنا جبناك ؟؟؟؟؟؟؟؟!!!!!!!!!
..
.
شكل بيلاتشي كان ينتظر من الأدارة التعاقد مع اللياقه أو شرائها من السوبر ماركة وتوزيعها على لاعبين الهلال !!!!!
...
..
.
وتقولوووووون مدرب ((الله يرحم))