|
في فضاء السعودية الرياضية..... ضاعت المباريات الهلالية... والحل بسيط..؟! السلام عليكم ورحمة الله وبركاته مسائكم (صباحكم) كله خير وفرح بأذن الله كم فرحت كثيراً عندما اعُلن عن مكرمة خادم الحرمين الشريفين بأعطاء حقوق نقل مباريات الدوري والبطولات الاخرى لقناتنا , قناة الرياضيه السعودية . ولكن تخبطات القناة الرياضيه جعلتني اتمنى لو كنا بلا مكرمه و اشاهد مباريات فريقي بلا منّة من احد او اقول(بفلوسي) لكان ارحم لي من ما تفعلة القناة هذه الايام. فأنا لا اعلم أي سبب لعدم نقل المباريات سواء الهلالية او أي نادي اخر لكن الواضح لنا انها مجرد تخبطات وعشوائية تعيشها القناة هذه الايام. فمن صدمة النقل والتصوير الاوروبي الذي اتضح انه مجرد مؤسسة مقاولات ونظافة. الى المخرجين الاوروبيين الذين اتضح انهم مجرد (باكستانيين) يعملون بهذه المؤسسة. الى نسيان المباريات للأندية وعدم علمهم في أي ملعب سيلعبون. وبالطبع لا اريد ان اتكلم عن المعلقين وطريقة الاخراج البدائية والانتقائية وما يدخل في فيها من الميول. وغيرها الكثير. وانا لا اريد ان اتكلم عن هذا الموضوع كثيراً فما فقد قد فقد للأبد ,صحيح اننا نشعر بالحسرة والقهر على هذه المباريات لكن ما فات مات واذا فات الفوت ما ينفع الصوت. لكن ما يهمنا هي مبارياتنا المفقودة والتي حرمنا منها ومن مشاهدتها.. ما اريد ان اقوله هو الحل لهذه المباريات التي تمنّ علينا بها قناتنا الرياضية. الحل هو اننا نخرج مبارياتنا بأنفسنا ..! كيف.؟ بشكل بسيط وبطريقة سهله و بالعربي نشتري كاميرات تصوير تكون خاصة بالنادي والتي لا تتعدى اسعار بعضها المية الف ريال وتكفينا منها كاميرتين اثنتين ننقل بها مبارياتنا. نعم نريد كاميرات خاصة بنا, فقد تعبنا من هذه القناة التي لا تنقل الا حسب وقت فراغها او (على كيفها) فا اغلب اندية اوروبا لديها كاميرات تنقل لمشجيعها التمارين والمباريات الودية الغير منقولة مع انهم ليس لديهم قناة تنسى مبارياتهم. وانا لا اريد ان يكون لنا قناة تلفزيونية فمنها اننا ننقل المباريات الودية مثل مباراة الحمادة الاخيرة وكي لا تكون كما رأينا تصوير اعتقد انه بالجوال او انها كاميرة فيديو . ومنها اننا ننقل مبارياتنا التي لا تنقلها الخشبيه. وايضاً اننا نتطور قليلً ونبدأ ننقل التمارين الفريق داخل النادي بالصوت والصورة بدلً من الصور اليومية والتي تكون متعبة وشاقة للمصورين اكثر من اننا لو صورناها بكاميرات التصوير هذه. و نضع جميع هذه المقاطع في منتدانا الهلالي ليستمتع به جمهور الزعيم واخيراً اتمنى ان يجد هذا الرأي قبولً من ادارتنا العزيزة والتأييد من الجمهور الهلالي حتى يصل هذا الرأي للأدارة. ودمتم (غـــــــــريـــــــــب) |
شكراً على الرفع . |
. <CENTER>الله يعين بس الف شكر لك </CENTER> |
هههههههههههههههههه شر البلية مايضحك تسلم اخوي...حنا همنا الكاس واسيا واذا جت على المباريات وين تنقل ..تعبنا من هالكلام ومحد بيساعدنا بشي كثير قبلك قالوه شكرا اخوي |
فكرة ممتازة لاكنها استحالة ان تنفذ .. |
يارجال اغسل يدك بس يبون يسون زي الجزيرة الرياضية عشانها حكومية بس ماقدرو حتى يجيبون كمايره وحدة زي الي عند الجزيرة وتحديدا الدوري القطري حتى الكاميره العنكبوتية ماجابوها ومعلقين خارج التغطية زي الكويتي بدر شداد ولا النفيسة ولا مقدمين البرامج ولا مراسلين مايعرفون يتكلمون ولا ولا وفوق هذا مباريات ماينقلوها من شفت المقيرن هو الوســــيط والله غسلت يدي ابغى اعرف 2 مليار وين راحت .....؟ |
هــي فكـرة ممتازة واستثمارية خاصة الإعلانات التي ستغطي التكاليف وإذا وضع الإقتراح بيد الإستثماري الأمير عبد الله بن مساعد فهو الأنسب لها لكن بحال رياضتنا هناك من يريد أن يستفيد بقدر ما يريد ويوقف تطور رياضتنا لأجل مصالحه الشخصية وهذا الذي انغشينا فيه ...... |
فكرة ممتازة لاكنها استحالة ان تنفذ عمرك شفت خشب تطور ويصير ذهب ؟ هذي هي الخشبية لو جابوا ماجابوا الفكر العقيم والسقيم راح يبقى معهم |
فكرة حلوه بس مستحيله ،، والقناة الرياضية باتطور بس بعد عشر سنين ويمكن بعد او انا نظم كاس العالم بعدها يمكن اتطور |
تنفذ , اذا تطورت القنآه بالتوفيق لـ الزعيم ,’ يعطيك العآفيه |
انا مؤيد جداً للفكرة .. وممكن تنفذ عن طريق المركز الاعلامي او عن طريق فخر الهلال فهو لن يتأخر عن دعم اي فكرة تخص الجماهير وان كان ممكن استثمارها بشكل او اخر كمباريات ودية او تمارين او تغطيه ميدانيه فليه لااا الفكره تستحق الدراسه فعلا |
إقتباس:
كيف مستحيلة يعني ؟ ما تقدر تشتري كاميرا والا ما تقدر تصور والا كيف؟ اي واحد عنده ابجديات التصوير يقدر يصور وينزل التصوير بالمنتدى. لا تحسب اني اقول ابي قناة , انا ابي اقل شي الاهداف اللي ما نشوفها الا بالصور الفوتوغرافية. والموضوع مو مستحيل مثل ما تقول. (انا كذا هلالي) (هههههههههههههههههه شر البلية مايضحك تسلم اخوي...حنا همنا الكاس واسيا واذا جت على المباريات وين تنقل ..تعبنا من هالكلام ومحد بيساعدنا بشي كثير قبلك قالوه شكرا اخوي) ممكن تعلمني وش المضحك بالموضوع او وش البلية اللي تقول عنها.؟ ثاني شي فيه ناس يهمها كل شيء يخص الهلال سواء مباريات ودية او ناشئين او شباب او حتى تمارين مو بس اذا جت مباراة نهائيه طلع التشجيع والانتماء. |
هههههههههههههههههه وقالو تطورت الراياضيه بعد ليه مانفتح قناه لـ الزعيم احسن !! |
ربك يعين .. والف شكر على الموضوع الرائع واتمنى ان تنفذ الفكره في القريب العآجل :ba::ba1: |
والله فكرره حلوه ولو وصلت لحسن الناقور توقع ينفذها مجنون الناقور بيسوي اي شي لجمهور الهلال |
| الوقت المعتمد في المنتدى بتوقيت جرينتش +3.
الوقت الان » 06:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd