|
زمن الاحتراف هذا زمانه يعني من حق اي لاعب يطلب الي يبي بعدين وشفيها اذا لاعب هلالي انتقل للنصر او الاتحاد او العكس بدال الكباري انا مع هذا الخطوه لانها مربحه للنادي وداعمه للاهتمام بالناشئين والبحث عن المواهب الحقيقه |
. <CENTER>الله يعين بس الله يوفق الرئيس على عقليه بعض الاعبين </CENTER> |
عفارم عليك ياعفروم ! 1% فقط يردون عليك بعد قراءة الموضوع ، أما البقية فهمهم الأول والأخير " عدد المشاركات " ويا قلب لا تحزن .. من حق الفريدي أن يطلب مليار ريال ، لكن مساومة النادي على الملىء مرفوضة ومن لا يجد في نفسه الولاء للنادي فليرحل . وجود المادة لايعني غياب الولاء بأي حال . نقطة يجب أن يعيها الجميع ، الهلال لا يقف على أحد من الرئيس إلى البواب ! |
ياخوي طالما يرتبط بعقد فحتما سيرتبط قلبه مع الفريق يعني اذا جدد راح يجدد الولاء |
آهنييكك موضوعك في الصميم ووآفقك الرآي وغير كذا الجمهور يدخل بكل مبآرآة بدرآهم ومن العصر وشقى وتعب ويشجع ويرفع ب الاعبين وآخر شي آهو الي يتشرط ويبي يستلم المبلغ الفلآني > اتكلم عن الاعبين بشكل عام ,, |
من وجهة نظري من حق الفريدي يطلب الي يبي |
نحتاج لمشجعين زيك ولاعبين بعد لكن الفريدي قال اذا المبلغ يفرق 100 و 200 الف بوقع للهلال بدون تفكير شعور طيب منه ويشكر عليه انا متاكد اذا كان الفرق بين الهلال واي فريق مليون راح يوقع الفريدي للهلال بدون تردد ومهما كان حقه ولو كان غلطان مانقدر نلومه شكرا على حرصك وحبك الكبير للهلال ياغالي . |
مصصدر رزقه الكوره وجيب لي لاعب مثل الفريدي ونقول لـ الفريدي مع السلامه !!1 الفريدي ماقال هالكلام اللي واثق بنفسه ويستاهل الفريدي وكلامه صحيح ادفع والعب اما اتخلى عن المبالغ وكذا عشان الهلال واهي مصدر رزقي !! |
الفريدي بيروح الباب مفتوح الزعيم ما وقف على رفلينو ولا النعيمة ولا يوسف ولا سامي ولا الدعيع ولا نيفيز ولا ولي ولا رادوي ولا اي لاعب الي بيمشي يتوكل على الله والقلب داعي له هذا الاحتراف لكن فيه لاعبين يقدرون ان النادي بيعطيهم الي يبون لو طلبو مثل : جيرارد ميسي انيستا اكزافي فابريقاس و محليا الشلهوب و نور و ياسر لكن مين اللاعب الي بيفكر كذا |
ياخي حط نفسك مكان الفريدي هو افضل صانع لعب في المملكه بالوقت الحالي وافضل لاعب وسط بالهلال |
الله يعطيك العااااافيه كلام سليم |
إقتباس:
سامي من خلال وجوده بالنادي كلاعب لم يساوم الهلالييين ابداً وماعمرنا سمعناه يقول زمن الإنتماء والولاء للنادي ولى وهو لاعب ومصدر رزقه الوحيد كرة القدم ( رجاء لاتقارن سامي بغيرة من اللاعبين ) :smilie47::smilie47: :smilie47: |
لنرى هل ستدفع الأندية السعودية هذا المبلغ الذي لا يستطيع دفعه سوى الهلال يجب أن يعلم الجميع يا سمو الأمير أنهم لن يجدوا فريقا أفضل من الهلال، و أنه لا يوجد فريق يعامل لاعبيه كالهلال، يجب أن تقول لهم ذلك، و يجعلوا ذلك في بالهم دائما. الحل يجب أن يكون في جعل اللاعبين يحسون بخطر مغادرتهم للهلال و ما يمكن أن تؤول إليه أمورهم. الحل يكون بأن يعرف اللاعبون قيمتهم الحقيقية التي يقررها السوق الكروي السعودي و ليس ما تقرره أحلامهم و تصوراتهم للملاءة المالية للإدراة الهلالية. بكل الاحترام الاجابه على السؤال الاول نعم ولو لم تكن كذلك لما انتقلوا الاعبين السؤال الثاني كل واحد من الجماهير يرى ان فريقه الافضل الحلول التي تراها ليست منطقيه ان يكونوا في خطر اذا غادروا الهلال ؟ ما ادري وش المقصود نخوفهم مثلا يعرفوا قيمتهم الحقيقيه ؟ طيب ياسر راح اعاره موسم بمليون ونصف يورو يعني يجي الامير ويقول ترى هالمبلغ كذب؟ اسامه بيروح فرنسا والعروض لدى مدير اعماله يقول له الامير تراك ماتستاهل. انا اتوقع انه من حق اي لاعب ان يطلب مايراه مناسب له كمبلغ في ظل الاحتراف اما الانتما فهذا موضوع اخر اوافقك فيه واتمنى على الامير عبدالرحمن ان يعلنها للجميع الي مايبي الفريق بسلامته لكن للاسف قالها حسن وتمسكوا فيه وجددوا له وقالها المحياني وتمسكوا فيه وهو لاعب احتياط وقالها هوساوي والى الان وراه وراه لين يوقع باكبر عقد وماينلام الفريدي او اي لاعب اخر بغض النظر عن مستواك قل انا ماراح اجدد راح يعطونك الي تبي وهنا مشكله. |
حقيقة استغرب عدم تثبيت الموضوع إنها مقالة تستحق أن تكتب بماء الذهب إنها كلمات خارجات من قلبٍ مغرمٍ وعاشقٍ للكيان الأزرق ثبتوها واجعلوا منها دليلآ استرشاديآ للسير في طريق الوفاء والولاء شكرًا كثيرًا أيها الكاتب الفذ مودتي S |
بسم الله الرحمن الرحيم من وجهة نظري الشخصية كمشجع هلالي صميم ارى ان اللاعب اذا عشق الفريق وانتمى له وجعله البيت الثاني فانه سيقدم له كل مايملك وسيبدع بغض النظر عن المقابل المادي خصوصا وأنه يلعب لفريق كبير مثل الهلال والذي يعرف الجميع عنه انه من افضل الفرق في تعاملها مع اللاعبين والا فإننا لن نرى لاعبين مثل يوسف الثنيان وسامي الجابر وصالح النعيمه وغيرهم الكثير من اللاعبين الذين انتموا للنادي فابدعوا على مدى سنوات طويله قادمة اعذروني على الاطاله وشكرا للجميع |
| الوقت المعتمد في المنتدى بتوقيت جرينتش +3.
الوقت الان » 02:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd