EPL 8 || البريمر يعود .. الأنفيلد يستضيف كلاسيكو إنجلترا الأقوى || - نادي الهلال السعودي - شبكة الزعيم

DЯJ · #11 14/10/2011, 08:04 PM

اخيراً رجعت يالبريمر بعد اسبوعين مُملات

وعاد والعوده احمد .. بكلاسيكو انجلترا الاول

المباراه ماتخضع لاي معايير فنيه او تكتيك او شي ..
اللي جاهز نفسياً وبدنياً بتكون له كملته في هذي المباراه
اللي مطمني هو ان المباراه على ارضنا وان المباراه بتشهد عودة الليدر

وعودة الليدر كلنا نعرف وش تسوي بالفريق وتغير مستوى الفريق 360 درجه

واللي مخوفني اني الا الان مدري الملك وش يفكر او وش التشكيله اللي في راسه
واللي مخوفني انه بعض الاحيان يخمبق في التبديلات .. وكارول الملك اعطاه الثقه
ولكن اتمنى يكون قد هالثقه .. خسرنا مباراتين بسبب كارول وكان عاله على الفريق
كنا متوقعين ان كارول اذا لعب بيخفف عن سواريز الضغط
لكن خطورة سواريز قلت جداً وصار سواريز لاعب عادي في المباراه بسبب كارول
فـ اتمنى كارول يحس شوي فينا ويحس في الملك كيني

انا ما أتمنى نبدأ في كارول في بداية المباراه .. اتمنى نبدأ في بيلامي او كاوت
والتشكيله الانسب لي

:

رينا
انريكي - سكرتل - كارا - جونسون ( كيلي )
ادم - لوكاس
دوانينغ - جيرارد - كاوت
سواريز

كاوت في هالتشكيله لازم يكون جاهز لانه بيغير مركزه
من جناح الى مهاجم جنب سواريز .. ويرجع من مهاجم الى الجناح وكذا

بالنسبه للمانيو في المباراتين الاخيره قل عطائهم عن بداية الموسم
واتمنى يقل عطائهم و يستمرون على مثل هالمستويات
روني ممكن يكون الضغط عليه في هذي المباراه من بعد الكرت الاحمر
والضغط هذا اما ان يكون سلبي او ايجابي ..
اما انه ينفجر ويقدم افضل مستوياته او انه يكون عاله ع الفريق
واحد من الشباب ميلاني .. تحداني وقال ان روني بيسجل هاترك !!

قلت لا بعيده عنه ..

والتحدي : اذا روني جاب هاترك العشى علي

توقعي للمباراه 2 - 2

إن شاء الله تكون فال خير علينا

يعطيكم العافيه رابطتنا