إلى متى يا جمهور الملكي ؟؟؟ - نادي الهلال السعودي - شبكة الزعيم

لا تلوموني بالأزرق · #1 27/05/2012, 12:07 PM

بسم الله الرحمن الرحيم

اخواني الزعماء واخواتي الزعيمات اباركلكم تأهل الملكي لدور ال 8 من دوري ابطال آسيا بس ان شاء الله يكمل زعيمنا للذهب.
كلنا نتابع بالمنتدى اخبار الصيف والتعاقدات مع مدربين ولاعبين اجانب.هذا شي يدل على حرص الجمهور على الفريق ولكن ترى هذا الشي ملينا منه.مع كل بداية صيف نسمع اشكال والوان من الاخبار وكل واحد يقول من مصادري الخاصه.
دعم الفريق من المدرجات واعطاء الثقه للمسؤولين هي الدعم الحقيقي للفريق.
والمخجل اكثر هي الحرب على الفريدي وعلى تصريحه امس.يا جماعة الخير اتركوا القرارات الإداريه للإداره.ترى الرئيس بشر واللاعب بشر والمسؤول بشر وكلهم يتأثرون بالكلام المكتوب , وترى الأخبار توصلهم ويدرون عن كل ما يكتب. أرجو من الجميع الإلتفاف حول الفريق ونترك الإنتقاد أو محاولة التدخل بالقرارات.
اذا نحب الفريق ندعمه من المدرجات وندعيله وبس.

وبالتوفيق للملكي ...

الكاسر امتداد للجابر · #2 27/05/2012, 01:19 PM

عمي والله ذبحتونا بذا الفريدي ؟؟
ياخي شمسوي لكم ؟ ماغير كل شوي وحدن ناط يدافع عنه ؟؟
عجبي !!
اللاعب جالسن يساوم النادي ، ويحاول لي دراع الإدارة مهو من ذا الحين
إلا قبل ثلاثة أشهر ماضيه ، يعني يوم باقين بعقده سنه و نص ،
و هو من موضوع لموضوعن ثانن ، و من إسلوب إبتزاز لإسلوبن ثانن
مره بتوقيعه المستفز مع البلوي ـ اللي تقول إن كل وكلاء اللعيبه بالسعوديه انعدموا ـ و ما بقى غيره !
و مرتن ثانيه جاينا بموضوع الرسالة و مدري و ش مشربكله الولد

و ذا النوب طالع بالإعلام ومسوي فيها طموح و ما طموح !!

الله وكبر يازيدان الغفله اللي ماخليت إنجازن فردي أو جماعي الا حققته؟

أيه و الله زمن أشباه اللاعبين صار طموحهم أكبر من الزعيم الملكي ؟؟

أتمنى الوقت يطوي طوي لجل أسمع نهاية علاقة ذا اللاعب ومن هو على شاكلته بالزعيم.

لا تلوموني بالأزرق · #3 27/05/2012, 01:23 PM

إقتباس

الرسالة الأصلية كتبت بواسطة الكاسر امتداد للجابر


	عمي والله ذبحتونا بذا الفريدي ؟؟ ياخي شمسوي لكم ؟ ماغير كل شوي وحدن ناط يدافع عنه ؟؟ عجبي !! اللاعب جالسن يساوم النادي ، ويحاول لي دراع الإدارة مهو من ذا الحين إلا قبل ثلاثة أشهر ماضيه ، يعني يوم باقين بعقده سنه و نص ، و هو من موضوع لموضوعن ثانن ، و من إسلوب إبتزاز لإسلوبن ثانن مره بتوقيعه المستفز مع البلوي ـ اللي تقول إن كل وكلاء اللعيبه بالسعوديه انعدموا ـ و ما بقى غيره ! و مرتن ثانيه جاينا بموضوع الرسالة و مدري و ش مشربكله الولد و ذا النوب طالع بالإعلام ومسوي فيها طموح و ما طموح !! الله وكبر يازيدان الغفله اللي ماخليت إنجازن فردي أو جماعي الا حققته؟ أيه و الله زمن أشباه اللاعبين صار طموحهم أكبر من الزعيم الملكي ؟؟ أتمنى الوقت يطوي طوي لجل أسمع نهاية علاقة ذا اللاعب ومن هو على شاكلته بالزعيم.

اشكرك اخوي على الرد .. انا ما دافعت عن الفريدي ولا هاجمته.انا اقول اتركوا هذا الموضوع على الإداره.

شمالي وافتخر · #4 27/05/2012, 01:23 PM

كلامك سليم ياصاحب الموضوع وبالنسبه للفريدي الاداره ماراح تفرط فيه

بحاله وحده يروح الفريدي اذا جاء واحد مثل الكاسر التعليق الاول

ابو سالم عيسى · #5 27/05/2012, 03:05 PM

الله يعطيك العافيه
الهم وفق الزعيم في كل مكان

wele-star · #6 27/05/2012, 11:23 PM

ألف مبروووك
يعيطك العافية على الموضوع السليم
فعلاً هذه القرارات ترجع للإدآرة

أزرق أسياء999 · #7 28/05/2012, 01:13 AM

اتوقع الفريدي كتب بداية نهايته بيده

أبوهديل92 · #8 28/05/2012, 05:46 AM

إقتباس

الرسالة الأصلية كتبت بواسطة لا تلوموني بالأزرق


	بسم الله الرحمن الرحيم اخواني الزعماء واخواتي الزعيمات اباركلكم تأهل الملكي لدور ال 8 من دوري ابطال آسيا بس ان شاء الله يكمل زعيمنا للذهب. كلنا نتابع بالمنتدى اخبار الصيف والتعاقدات مع مدربين ولاعبين اجانب.هذا شي يدل على حرص الجمهور على الفريق ولكن ترى هذا الشي ملينا منه.مع كل بداية صيف نسمع اشكال والوان من الاخبار وكل واحد يقول من مصادري الخاصه. دعم الفريق من المدرجات واعطاء الثقه للمسؤولين هي الدعم الحقيقي للفريق. والمخجل اكثر هي الحرب على الفريدي وعلى تصريحه امس.يا جماعة الخير اتركوا القرارات الإداريه للإداره.ترى الرئيس بشر واللاعب بشر والمسؤول بشر وكلهم يتأثرون بالكلام المكتوب , وترى الأخبار توصلهم ويدرون عن كل ما يكتب. أرجو من الجميع الإلتفاف حول الفريق ونترك الإنتقاد أو محاولة التدخل بالقرارات. اذا نحب الفريق ندعمه من المدرجات وندعيله وبس. وبالتوفيق للملكي ...

ياخوي الله يوفقكم بس. الفريدي الفريدي

هذا اللاعب مسوي نفسة اكبر من الناي. اللهم وفق الزعيم الملكي

أبوهديل92 · #9 28/05/2012, 05:47 AM

اللهم وفق الزعيم الملكي وجعل بطولة اسيا من نصيبة

! CATALONY ! · #10 28/05/2012, 06:40 AM

الفريدي مدري وش الغلط في كلامه !

قال انه انتهى طموحه بالهلال يعني فيه مشكله بالموضوع ؟

كبرتنيے ياهــم · #11 28/05/2012, 09:04 AM

فكوووووووووونا من الفرررررررررررررررريدي ذبحتونا كل شوووووووووووووووووووووووووووووي

موضوووووووووووووووووووووووووووووع له

ابو صالح 07/07/2007 · #12 28/05/2012, 09:16 AM

انا اتمنا من الادارة ان تقدم له العرض المناسب لها وبناء على الخدمات التي يقدمها للنادي
وافق علية اهلا وسهلا ما وافق مع السلامه نقط انتها
يمكن خروجة يساعد على ضهور نجم جديد مثل سالم الدوسري و سلمان الفرج في منطقة الوسط

بن جبله المطيري · #13 28/05/2012, 09:22 AM

إقتباس


	والمخجل اكثر هي الحرب على الفريدي وعلى تصريحه امس

والله الفريدي هو اللي جاااااب الكلام حق نفسهـ...

الله يكتب الخير للزعيمـ,,,

مشكوووووور......

زيـكـو · #14 28/05/2012, 11:28 AM

الله يعطيك الف عافيه ....

مايو1981 · #15 28/05/2012, 12:41 PM

لا تلتفت إلا للأخبار الصادرة عن المركز الإعلامي بالنادي
وغير كذا
أفضل شيء نعمله لـ الهلال
التواجد في المدرجات والتشجيع