|
تمرين الفريق ليوم الأحد وآسف على التأخير لظروف خارجة عن الإرادة....... بسم الله الرحمن الرحيم ... عذراً فلن أطيل اليوم في التقرير " صراحةً فيني نوم " كان تمرين هادئ جداً رغم سخونة التمارين اللياقية ومدرب الناشئين هذا مهوب سهل خلاهم يمترون الملعب طولاًً وعرضاً بالكرة وبدون كرة ... بعد ذلك قام اللاعبون بالتسديد على المرمى قبل أن يجري مناورة في ثلثين الملعب شارك فيها جميع اللاعبين من رديف وأساسي ماعدا ستة لاعبين يتمرنون بشكل انفرادي .... على الطاير من نادي الهلال "كاتبها من دون نفس " @ بشرى سارة ياشباب ,,, عادت اليوم التمارين الصباحية على يد مدرب الناشئين حيث تمرن اللاعبون تمارين لياقية لرفع المعدل اللياقي السيئ لدى اللاعبون ..... @ حضر اليوم صاحب السمو الأمير خالد بن محمد,,,,,,,, ياناس أنا انبسط إذا شفته هو وبندر بن محمد اللي كان حاضر اليوم كالعادة .....والله لو يمسك خالد بن محمد منصب الإشراف على كرة القدم الذي لازال شاغراً حتى هذه اللحظة إن يســّكت عبدالرحمن بن سعود لأنه مايعرف له إلا هو ....ويخلي اللاعبين يحرثون الملعب حرث ,,لأنه ببساطة إنسان حماسي @ شارك سامي اليوم في التمارين بشكل طيب جداً دليلاً على زوال الإصابة وأنها كانت وقتية فقط ... @ آه بس من هالعلة منصور المنصور .......ستين ألف مدرب مروا على الهلال ولازال هالنكبة جاثماً على قلوبنا ...ولاأدري ماهو السبب والله حرام على الإدارة كيف تبحث عن بطولات ويوجد في الجهاز الفني مثل هالأشكال ...... منصور المنصور واللي يرحم والديك فكنا من خلقتك ترى النفس عافتك ... @ حضر أبو بندر نواف التمياط " الله لايخلينا " للتمارين بعد أن أخذ راحة يوم أمس بإذن من الإدارة خاتمة :upset: :upset: :upset: :upset: :upset: ($$$) يؤسفني إن قلت إن مايمر به الهلال من مستويات سيئة هو بسبب الجمهور ...نعم بسبب الجمهور ... السنة الماضية كل مافاز الفريق بلقاء أزعجتونا وقلتوا لنا المستوى سيئ ..مع أن الأهم هو النقاط الثلاث .....وإذا فاز الفريق بمستوى جيد طلع لنا كم واحد وقال إن الحكم ظلم الفريق المقابل ,,,تخيلوا مشجعين هلاليين ويقولون الحكم ظلم الفريق المقابل ... يالله عطونا علاج لمستوى الفريق هذه السنة " خبز خبزتيه يالرفلا اكليه " هالسنة لامستوى ولانتيجة بعدين تعال إنت وإياه ,,,,الجمهور اللي يزاعقون على اللاعبين...... ياثقل دم هالجمهور.." ايه والله ياثقل دمهم " الحين أنتم ووجيهكم كل المباراة قاعدين ساكتين "تقول عجايز حاضرين عرس لارقص ولاهم يحزنون بس سواليف وتقشيم فصفص " كل المباراة ساكتين وإذا مرر لاعب تمريرة خطأ نقز الواحد منكم تقول قارصه إبليس وقام يسب اللاعب....حسبي الله عليكم .... ياناس .....شوفوا جمهور الإتحاد بعد البطولة العربية طلعلهم محمد نور للمدرجات وجلد أبوهم ...ماذا فعلوا له هل صرخوا عليه مثل مايفعل بعض المشجعين الآن ....أكيد لأ ,,,في المباراة التي تليها كل الجمهور الإتحادي يردد " محمد نور ياإبهه ,,ايه العظمة دي كلها " هكذا ترفع معنويات اللاعبين ... |
مشكووووووووووور وما قصرت والله يعطيك العافيه أخوي شرشبيل . |
الله يعطيك العافيه ونتمنا للفريق التوفيق ونتمى والله اشراف المير خالد بن محمد على كرة القدم لانه مثل واقلت ياخوي شرشر متحمس جدا والله ياخوي شرشبيل الجمهور يبغالهم واحد مثل محمد نور علشان يأدبهم شوي والله بعض الجماهير محسوبين علينا تقول مغصوبين لحظور المباراة |
السلام عليكم ورحمة الله وبركاته.. مشكور يا ملح الشبكه ولو انك تاخرت شوي ولكنك معذور والله يعين الازرق ويصلح الحال. |
يامال العافيه ... |
إقتباس:
|
مشكور اخوي الغالي شرشبيل ..؟. |
مشكووووور شرشبيل وانشاللة الهلال يجيب الفوز يجيبة هالجمهووور واللة حسافة يكون جمهور هلالي وسلملي على جمهور الاتحاد |
إقتباس:
|
إقتباس:
|
يعطيك ربي الف عافيه اخوي شرشبيل... وليت هاللاعبين يتمرنون كل يوم تمرين صباحي على الاقل يرفعون المعدل اللياقي... والحمدلله على عودة نجوم الفريق ابو عبدالله وابو بندر بالسلامه... تحياتي لك:) |
الف تحيه وشكر لك يا غالي وبالنسبه للجمهور كفيت ووفيت يالغالي بس وش علوم الثنيان في التمارين هو انتظم والا مع الرديف |
مشكور اخوي شرشبيل بصراحه خبريه حلوه التمارين الصباحيه مهمه وياليت نستمر على كذا بالنسبه للجمهور يعني تقارن جمهور الهلال بالاتحاد مشكله على فكره تراهم بعد يقشمون فصفص ويسولفون ويزاعقون على اللاعبين بس اللي تشوفهم يرقصون ويغنون هذي رابطة الجمهور الاتحادي واعتقد ياخذون راتب عليها |
الحمد لله على سلامة ابوعبدالله .. والتدريبات الصباحيه مهمه جدا .. تقضي على السهر . وتعود اللاعبـيـن على الجديه .. وتزيد من الجرعات اللياقيه .. متى نطبق الاحتراف ولو بشكل 50 % ؟؟ |
مشكوووور وما قصرت أخوي شرشبيل . |
| الوقت المعتمد في المنتدى بتوقيت جرينتش +3.
الوقت الان » 08:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd