|
موضوعي خاص بالقناه الرياضيه .... ليه كذا .؟ السلام عليكم و رحمة الله و بركاته نخش في الموضوع على طول لأنه يوفر من الوقت الكثير عليكم و علي :) الكل الحين شغال ينط في القناه الرياضيه و يحاربها لجل شنو ...؟ يعني لجل مباراه او مباراتين ...؟ يا ناس الحين قنوات ART احتكرت الدوري 4 مواسم على ما أظن و أوربيت قبلها و الجزيره و حالياً السعوديه الرياضيه يا ناس خلوا الناس تشتغل صح لجل تنتج صح و حنا ضاغطين على الجماعه من البدايه ... عطوهم الى نهاية الموسم و بعدها احكموا . تو العالم بادين و انتو كذا يرضيكم تكحوا رسوم إشتراك لجل تشوفوا ناديكم ...؟ هذا موفر لكم مجاناً . هذه ميزه للقناه نقل الدوري HD تكوا على الجزيره إن نقلت HD لكم دايم ترمي بالدوري في اسوأ قنواتها + معلق ماله نفس يذيع ؟ يوفروا عصام الشوالي و المعلقين الكبار لدوري نجوم قطر و مباريات ضعيفه في دوري الأبطال .؟ يرضيكم يوعدوكم على قناه و قبلها ب10 ساعات تتغير القناه لقناه أخرى ..؟ خلونا نكون واقعيين تبوا الجزيره لجل سمعتها في النقل التلفزيوني الأوربي فقط الى متى و حنا سلبيين ...؟ القناه الرياضيه تبي ترضي جمهور الهلال بكل الطرق لاحظوا لنا مذيع مخصص في كل مبارياتنا اللي أذيعت .؟ حطوا لكم افضل مذيع عندهم القناه تبي لها وقت ما يصير من اول 4 جولات الكل يحكم بالفشل .؟ انا صح زعلت من مذيع مباراة النصر و الفتح لما اصر على الهدف بس المعلق يمثل نفسه لا القناه . فخلونا لو مره وحده نكون إيجابيين يكفي إنها قناه سعوديه و باسم دولتنا و انتهى . إن كان في ما كتبته صائب فمن الله و إن كان خطأ فمن نفسي و من الشيطان محبكم / ثامر :ba: |
أهنـــــــــــــــــيك ... بس لاتنســـى الجزيرة السنة اللي راحت ما نقلو مباراة مباشــــــــــرة للاهلـــــــي ( اعتقد انها مع نجران )... |
الله يعطيك العافية وكلامك سليم المفروض على الأقل مانحكم عليهم إلا بعد نهاية الدور الأول |
الله يعافيك الظاهرفيه فرق بين المذيع والمعلق |
قناه فاشله مباراه الهلال ونجران كاس فيصل ليه مانقلت؟؟ مباراه الهلال والتعاون غيرو القناه اربع مرات مايعرفون يحطون تشكيله مباراه الهلال والشباب حاطين خالد شراحيلي وحارس كان حسن العتيبي مباراه النصر والفيصلي حاطين خالد الغامدي اساسي وهو كاس احتياط مباراه النصر والاهلي جايبين كميره على معتز الموسى كاتبين سعد الحارثي نادي النصر كرت اصفر !!!!!!!!!!!!!!!! مباراه الاتحاد والتعاون هدف زيايه ماشفناه خلونا نشوفه اعاده يتركون هجمه يجبون اعاده لفاون لعب وانتهى لا تحاولون القناه لها اكثر من 8 سنوات ماطورت تبونها الحين تتطور ؟؟ |
والله ان القناة الرياضيه من ناحية نقل الدوري السعودي افضل من الجزيره كم كمره في الملعب عدد كبير من جميع الجهات اما الجزيره 3 كميرات واسكت بعد بالنسبه لي الرياضيه في تطوووركبييير جدآ جدآ مشكور ياراعي الموضوع ما قصرت |
اذا تابعت دوري زين على الرياضية ، للاسف ماشوف الا كاميرة وحدة هي اللي تنقل المباراة تغطية بوقت المباراة سيئة للاسف ، يعرضون لك الاعادة وقت الهجمة ! تابع الدوري الانجليزي على ابو ظبي وشوف الفرق بينهم من ناحية التغطية بالمباراة ! |
انا عن نفسي حضرت مبارات الاهلي والانصار في المدينه "للوناسه" وشفت كراتهم مافرقت عن اول مافي شئ جديد .....! اظن الشغل كله في انهم فتحو6 قنوات بس كذا زينه والله لو وفرو الفلوس وخلوها بقناه وحده لكانت من القنوات المتميزه وكمآن يجيبون سلمان المطيويع تصير القناه تب .. |
قناه فاشله جدا جدا بالمنطق تنقل مباراه الشباب والفيصلي بالدوري بدون اعاده |
حياكم شخص شخص :) لكن المنتقد و المقارن بين إخراج توه في البدايه مع دوري إنجليزي فيه فرق :) كبير الدوري الإنجليزي غير :) |
قناة فاااشله والله لو تعطيها (5) سنواات . |
قناة فاشله بكل المقاييس واتمنى الدوري يرجع للجزيره او ابوظبي او دبي او اي قناة غيرها |
الله يحييك حبيبي :) بس أقنعنا بسبب لجل نعرف |
مو كفو نقل حصري ابد ذا الخشبييه:s5s: الاخراج رافع ضغطي والتصوير :( الله يعييينا بس :( |
مانحكم عليهم إلا بعد نهاية الدور الأول |
| الوقت المعتمد في المنتدى بتوقيت جرينتش +3.
الوقت الان » 08:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd