قريت الردود بصفحة رقم 1 , ورقم 6 , فلو فاتني شي بالنص لا تعتبون علي ,


بخصوص عدم الحضور ,

انا الصراحه انصح اللي يجهلون الاسباب ..
وكمثال يعني , الامير بندر بن ثامر , قليل يعرفون ملامحه ..

فلو راح لملعب الهلال , بمبارة جماهيرية .. او عادية , خليه يدخل من جهة الجماهير ,

ووهو راح يعرف كل شي ,

وانا اعطيت كمثال ما اوجه الكلام لسمو الامير ,

...

المشاكل الأساسية اللي بوجهة نظري ,هي السبب

1- عدم حضور للملعب حسب مقعدك , انت مضطر تدور لك مقعد والله يعينك على كلمة (محجوز)
2- اللي يقول الممشاكل الامينة انحلت ,مشكلة الطفل الهلالي الاخيره خير دليل = ) ,
3- دورة مياه ماهي دورة مياه سنعه الله يكرم المشاهدين ,
4-تدخل الملعب تختفي ابراجك
5-تبغى تاكل مافيه اكل ,
6- تبغى تطلع من مقعدك , بيروح عليك !
7-تتوقعون لو مافيه مضمار والملعب والجماهير مباشرة بيكون متعه؟

في تصوير احد الشباب هنا بالمنتدى يعبر عن فرحته بالهدف الرابع

كلكم كيف شاهدتم اللاعبين بعيدين ,


طيب انا كيف برتاح وانا اشجع ؟
انا تكلمت عن امور بسيطه يعاني منها المشجع بمختلف ميوله , سواء اشقائنا بنادي الشباب او النصر ,

التنظيم المروري ... لا تعليق طبعا = ) , روح قفل الشارع الفلاني ومدري إيش وانلطع وحوسه

يعني لما تبي تروح الملعب يطرى في بالك هالاشياء ,وانت مخير بينها او بين التلفزيون ,

الامور اللي ذكرتها فوق تمنعك المتعه , هذا غير مشاكل اللي في اثناء المباريات

..

بالنسبة للألترس , . .

بوجهةنظري افضل حل هو فتح قناة تلفاز للنادي بحيث ان الكل يشاهدها لان مو كل جماهير الهلال تدخل المنتدى بعضها عشق للهلال وتتابعه بالصحف فقط ,